09-Sep-2024

ଡୁଙ୍ଗୁରିପାଲି(ଅରବିନ୍ଦ ମିଶ୍ରଙ୍କ ରିପୋର୍ଟ)-ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକର ବିଭିନ୍ନ କାର୍ଯ୍ୟାଳୟର କର୍ମଚାରୀମାନଙ୍କ ପାଇଁ ସରକାରୀ ଘର ଆବଶ୍ୟକ ଅନୁସାରେ ନଥିବାରୁ କର୍ମଚାରୀମାନେ ନାହିଁ ନଥିବା ହଇରାଣ  ସାଙ୍ଗକୁ ଚଢା ଦରରେ ଘରଭଡା ନେଇ ରହୁଥିବା ବେଳେ କେତେକ କର୍ମଛାରୀ ବଲାଙ୍ଗିରରୁ  ପ୍ରତ୍ୟେହ ୪୦କିମି ଦୂରରୁ ଯିବା ଆସିବା କରୁଛନ୍ତି । କିନ୍ତୁ ବ୍ଲକ ପ୍ରଶାସନ ପକ୍ଷରୁ କେବିକେ (ଆରଏଲଟିଏପି) ଯୋଜନାରେ ବଡଫଟାମୁଣ୍ଡାଠାରେ କର୍ମଚାରୀମାନଙ୍କ ପଉଇଁ ଉଦ୍ଧିଷ୍ଟ ‘ବି’ଶ୍ରେଣୀର ୮ଟି ଘର ୨୨ଲକ୍ଷ ୪୬ହଜାର ୫ଶହ ଟଙ୍କା ଓ ‘ସି’ ଶ୍ରେଣୀର ୬ଟି ଘର ପାଇଁ ୧୭ଲକ୍ଷ ୫୯ହଜାର ୪ଶହ ଟଙ୍କାରେ ନିର୍ମିତ ୧୪ଟି ଘର ବ୍ୟବହାର ନ ହୋଇ ପଡିରହିଛି । ଏହି ଘରଗୁଡିକ ଜାତୀୟ ରାଜପଥର ଅଗ୍ନିଶମ ବିଭାଗ, ଆରଡବ୍ଲୁଏସଏସ, କୃଷି କାର୍ଯ୍ୟାଳୟ, ଆଦର୍ଶ ବିଦ୍ୟାଳ, ବିଦ୍ୟୁତ ବିଭାଗର ନିକଟରେ ୨୦୦୫-୦୬ ଆର୍ଥିକ ବର୍ଷରେ ତିଆରି ହୋଇଥିବା ବେଳେ ବର୍ତ୍ତମାନ ୨୦ ବର୍ଷ ବିତି ଯାଇଥିଲେ ମଧ୍ୟ ଏହା କାର୍ଯ୍ୟକୁ ଆସି ନାହିଁ ।  ଏହା ମଦୁଆ ଓ ଅସାମାଜିକମାନଙ୍କ ଆଡ୍ଡା ସ୍ଥଳୀ ପାଳଟିଛି । ଘର ଗୁଡିକ ସଂପୂର୍ଣ୍ଣ ହୋଇଥିଲେ ମଧ୍ୟ ଏହାର ଝରକା କବାଟ ଗୁଡିକୁ ଦୁର୍ବତ୍ତମାନେ ତାଡି ନେଇ ଯାଇଛନ୍ତି ।  ସରକାରୀ ଅର୍ଥରେ ନିର୍ମିତ ଲକ୍ଷ ଲକ୍ଷ ଟଙ୍କାର ଘର ବ୍ୟବହୃତ ନ ହୋଇ ପଡି ରହିବା ଫଳରେ ସରକାରଙ୍କ କ୍ଷତି ହେଉଛି । କାହିଁକି ଓ କେଉଁ ଉଦ୍ଦେଶ୍ୟରେ ଏହାକୁ ବ୍ୟବହାର କରାଯାଇ ନାହିଁ । ଯଦି ଏଥିପାଇଁ ଦାୟୀ କର୍ମଚାରୀମାନେ ନିଜର ଘର କରିଥିଲେ  ଏପରି କରିଥାନ୍ତେ କି ବୋଲି ଲୋକଙ୍କ ମଧ୍ୟରେ ମତ ପ୍ରକାଶ ଦେଖା ଦେଉଛି । ସରକାରୀକା ମାଲ ଦରିଆମେ ଡାଲ ନିତିକୁ  ବ୍ଲକ ପ୍ରସାଶନ ଆପଣେଇ ନେଇ ଏଥି ପ୍ରତି ଦୃଷ୍ଟି ନ ଦେବା କିମ୍ବା ଉଚ୍ଚ ଅଧିକାରୀମାନେ କାହିଁକି ଦୃଷି ଦେଉନାହାନ୍ତି ।  ଉକ୍ତ କାମର ଦାୟିତ୍ୱ ଯନ୍ତ୍ରୀ ସୁଧିର ପଣ୍ଡା ସେତେବେଲେ  ତୁଳାଇଥିଲେ । ଉକ୍ତ କାମ ତାଙ୍କ ନାମରେ ବିଭାଗୀୟ ଦାୟିତ୍ୱ ରହିଥିବା ବେଳେ ସେ କେତେକଠିକାଦାରଙ୍କ ହାତକୁ ଉକ୍ତ କାମ ଟେକି ଦେଇଥିଲେ ।  ଫାଇନାଲ ବିଲ ବାବଦକୁ ପ୍ରାୟ ୪ରୁ ୫ଲକ୍ଷ ଟଙ୍କା ଠିକାଦାରମାନେ ପାଇବା କଥା ବୋଲି ଆଲୋଚନା ହୋଇଥିଲା । ଉକ୍ତ ଟଙ୍କାର ଭାଗବଣ୍ଟା ଉଭୟ ଠିକାଦାର ମଧ୍ୟରେ ଭାଗ ନ ଛିଣ୍ଡିବାରୁ ଫାଇନାଲ ବିଲ ହୋଇ ନଥିବାରୁ ଠିକାଦାର କୋଠାକୁ ହସ୍ତାନ୍ତର କରି ନଥିଲେ । ଆଲୋଚନା ହେଉଛି ଯେ ଉକ୍ତ ୪/୫ ଲକ୍ଷ ଟଙ୍କା କୁଆଡେ ବିଭାଗୀୟ ଅଧିକାରୀଙ୍କ ଦ୍ୱାରା ବାଟମାରଣା ହୋଇଅଛି ।  ପରେ ଉକ୍ତ ଯନ୍ତ୍ରୀ ଜଣକ ଅନ୍ୟତ୍ର ବଦଳୀ ହୋଇଥିବା ବେଳେ ପୁଣି କିଛି ବନର୍ଷ ଅତ୍ୟ ବ୍ଲକରେ ରହିବାପରେ  ପୁଣି ଡୁଙ୍ଗୁରିପାଲି ବ୍ଲକକୁ ଉପରିସ୍ଥି ଅଧିକାରୀଙ୍କୁ ହାତ କରି ଫେରି ଆସିଥିବା ମଧ୍ୟ ଆଲୋଚନା ହେଉଛି । ଉକ୍ତ ବିଡିଂର ଫାଇନ ବ୍ଲକ କାର୍ଯ୍ୟାଳୟର ନଥିବା ପୁର୍ବତନ ବିଡିଓ ଏବଂ ଯନ୍ତ୍ରୀମାନେ ପ୍ରକାଶ କରିଛନ୍ତି । ଉକ୍ତ ଫାଇଲ ଉଭାନକୁ ନେଇ ଭିନ୍ନ ଭିନ୍ନ ଚର୍ଚ୍ଚା ହେଉଛି । ବର୍ତ୍ତମାନ ଉକ୍ତ ବିଡିଂର ମରାମତି କାମ ଚାଲିଛି । କେତେ ଟଙ୍କାରେ ଓ କିଏ ଏହି କାମ କରୁଛି କୌଣସି ସୂଚନା ନାହିଁ । ବିଭାଗୀୟ ଅଧିକାରୀଙ୍କ ଦୂର୍ନୀତିଖୋର ମନୋଭାବ ଯୋଗୁଁ ୪୦ ଲକ୍ଷ ଟଙ୍କାର କୋଠା ଘର କାହିିଁକି  ଦୀର୍ଘ ୨୦ ବର୍ଷ ପରେ ପୁଣି ମରାମତି ହୋଇ ଉଦ୍ଘାଟନ ହେବାକୁ ଯୋଜନା ଚାଲିଛି ଏହାର ତଦନ୍ତ କରାଯିବାକୁ ବିଭିନ୍ନ ମହଲରେ ଦାବୀ ହେଉଛି । ଆହୁରି ମଧ୍ୟ ଉକ୍ତ ଯନ୍ତ୍ରୀଙ୍କ ଅନ୍ୟତ୍ର ବଦଳୀ ହେଲା ପରେ ପୁଣି କାହିଁକି ଏହି ଡୁଙ୍ଗୁରିପାଲି ବ୍ଲକକୁ ବାରମ୍ବାର ଫେରୁଛନ୍ତି ଏହା ଚର୍ଚ୍ଚା ପାଳଟିଛି । ଏ ସଂପର୍କରେ ଯନ୍ତ୍ରୀ ସୁଧିର ପଣ୍ଡାଙ୍କ ପ୍ରତିକ୍ରୀୟା ନେବାକୁ ଚେଷ୍ଟା କରିଥିଲେ  ମଧ୍ୟ କେତେବେଳେ ତାଙ୍କ ମୋବାଇଲ ବନ୍ଦ ରହୁଛି ତ କେତେବେଳେ ଫୋନ ଉଠାଉ ନାହାନ୍ତି ।