20-Nov-2023

ବଲାଙ୍ଗିର (ସନ୍ତୋଷ କୁମାର ଠାକୁର ): ଟିକ୍ରାପଡା ଅହୋରାତ୍ର ନାମଯଜ୍ଞର ସୁବର୍ଣ୍ଣ ଜୟନ୍ତି ସମାରୋହ ନଭେମ୍ବର ୨୦ ତାରିଖରୁ ଆରମ୍ଭ ହୋଇଯାଇଛି l  ଏହି ନାମଯଂଜ୍ଞ ର ଅଧିବାସ ଓ କଳସ ଯାତ୍ରା ତା ୧୯.୧୧.୨୦୨୩ ସନ୍ଧ୍ୟା ରେ ଏକ ବର୍ଣ୍ଣlଢ୍ୟ  ଶୋଭାଯାତ୍ରାରେ ପ୍ରଭୁ ଶ୍ରୀ ରାଧାମାଧବଙ୍କୁ ସ୍ୱାଗତ କରି ନାମଯଜ୍ଞ ମଣ୍ଡଳୀ ରେ ସ୍ଥାପନା କରାଯାଇଥିଲା l ଏହି କଳସ ଯାତ୍ରାରେ ପୁରୀ ମଠାଧିସ  ସ୍ଵାମୀ ବଂଶୀଧର ମହାରାଜ ଓ  ବିଶ୍ୱତ୍ମ ଚେତନା ପରିଷଦ ଉପାଧ୍ୟକ୍ଷ ସ୍ଵାମୀ ମୁକ୍ତାନନ୍ଦ ସରସ୍ୱତୀ, ସାଗର ପଡା ଭାଗବତ

ଆଶ୍ରମ ରୁ ବାବା ପ୍ରେମାନନ୍ଦ ଦାସ ଓ ବାବା ବଂଶୀଧର ଦାସ ଙ୍କ  ଗହଣରେ ହଜାର ହଜାର ପୁରୁଷ ତଥା ମହିଳା ଭକ୍ତ ନଗର ପରିକ୍ରମା କରିଥିଲେ l ଏହି ଶୋଭାଯାତ୍ରାରେ ଶ୍ରୀ କୃଷ୍ଣ ଚୈତନ୍ୟ ସେବା ସଂସ୍ଥାନ ର ସମସ୍ତ ସଭ୍ୟ ସଭ୍ୟା, ବଲାଙ୍ଗିର ପୌରାଧ୍ୟ୍ୟକ୍ଷା ଲିକା ସାହୁ, ସମସ୍ତ  କାଉନସିଲର, ଗୋପାଳଜୀ ପାଣିଗ୍ରାହୀ, ହିମାଂଶୁ ପାଢ଼ୀ ନୀଳମଣି ମିଶ୍ର ସାମିଲ ହୋଇଥିଲେ l ସାତଦିନ ଧରି ଏହି ନାମଯଜ୍ଞରେ ଦୂରଦୂରାନ୍ତରୁ ଉଭୟ ପୁରୁଷ ଓ ମହିଳା ସଂକୀର୍ତନ୍ୟ ଦଳ ଆସି ପ୍ରଭୁଙ୍କ ନାମ ନେବେ ଏବଂ ଆସନ୍ତା ୨୨.୧୧.୨୩ ରୁ ଆଧ୍ୟାତ୍ମିକତା ଉପରେ ଆଧାରିତ ବିଭିନ୍ନ ପ୍ରତିଯୋଗିତା ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ବୋଲି ଏହି ଅନୁଷ୍ଠାନର ସଭାପତି ପ୍ରକାଶ କୁମାର ନେପାକ ସୂଚନା

ଦେଇଛନ୍ତି l ୨୦.୧୧.୨୩ ସୋମବାର ସକାଳ ୯ଘଣ୍ଟା ସମୟରେ ଏହି ନାମଯଜ୍ଞ କର୍ତ୍ତା ଅଙ୍କୁଶ ପ୍ରସାଦ ହୋତା ଓ ସହଧର୍ମିଣୀ ସାଗରୀକା ହୋତାଙ୍କ ଦ୍ୱାରା ମୁଖ୍ୟ ପୂଜକ ସୁରେନ୍ଦ୍ର ପାଣି ପୂଜା କାର୍ଯ୍ୟ ସମାପନ କରିବା ପରେ ନାମାରମ୍ଭ ହୋଇଥିଲା l  ଜନସାଧାରଣ ଏହି ନାମଯଜ୍ଞ ତଥା ଆସନ୍ତା ୨୨.୧୧.୨୩ ଆରମ୍ଭ ହେବାକୁ ଥିବା ପଞ୍ଚକୁଣ୍ଡିୟ ବିଶ୍ୱଶାନ୍ତି ବିଷ୍ଣୁ ମହାଯଜ୍ଞ ରେ ଯୋଗଦାନ କରି ପ୍ରଭୁ ରାଧାମାଧବଙ୍କ କୃପା ଲାଭ କରିବାକୁ  କମିଟି ତରଫରୁ ନିବେଦନ  କରା ଯାଇଛି l