03-Sep-2023

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ବକଟି ଗ୍ରାମରେ ଇଲେଭେନ ଷ୍ଟାର ଫୁଟବଲ୍ ଆସୋସିଏସନ ତରଫରୁ ଚାଲିଥିବା ଏକଦିବସୀୟ ଫୁଟବଲ ଟୁର୍ନାମେଣ୍ଟ ଉଦଯାପିତ ହୋଇଯାଇଛି l ଉକ୍ତ ଟୁର୍ନାମେଣ୍ଟ ରେ ବଲାଙ୍ଗୀର, ସୋନପୁର, ବରଗଡ଼ ଜିଲ୍ଲା ର ମୋଟ ୮ ଟି ଦଳ ଅଂଶଗ୍ରହଣ କରିଥିବା  ବେଳେ ଫାଇନାଲ ଖେଳ ବରଗଡ଼ ଜିଲ୍ଲା ର ସାଇପାଲି  ଓ ସୋନପୁର ଜିଲ୍ଲାର ଉପର ଫପସି  ଦଳ ମଧ୍ୟରେ ଅନୁଷ୍ଠିତ ହୋଇଥିଲା l ଖେଳ ର ନିର୍ଦ୍ଧାରିତ ସମୟ ମଧ୍ୟରେ ଗୋଲ ହୋଇ ନ ପାରିବାରୁ ଟ୍ରାଇବ୍ରେକର  ର ସହାୟତା ନିଆଯାଇଥିଲା l ଟାଇବ୍ରେକର୍ ରେ ବରଗଡ଼ ଜିଲ୍ଲା ର ସାଇପାଲି ଦଳ 4-3 ଗୋଲ ରେ ବିଜୟ ଲାଭ କରି ଚାମ୍ପିୟନ ହୋଇଥିଲା  l ମୁଖ୍ୟଅତିଥି ଭାବେ ବିଜେଡି ନେତା ତଥା ଲୋଇସିଂହା ସରପଞ୍ଚ ଶ୍ରୀଯୁକ୍ତ ନବ କିଶୋର ନାଏକ ଯୋଗଦେଇ  ଚମ୍ପିୟାନ ସାଇପାଲି ଦଳକୁ  ଚମ୍ପିୟାନ ଟ୍ରଫି ସହ ନଗଦ ଦଶ ହଜାର ଟଙ୍କା ଅର୍ଥରାଶି ଦେଇ ପୁରସ୍କୃତ କରିଥିବା ବେଳେ  ଉପବିଜେତା ଉପର ଫପସି ଦଳ କୁ ଟ୍ରଫି ସହ ନଗଦ ଛଅ ହଜାର ଟଙ୍କା ଦେଇ ପୁରସ୍କୃତ କରିଥିଲେ l ଫାଇନାଲ ମ୍ୟାଚ ରେ ଶ୍ରେଷ୍ଠ ଖେଳ ପ୍ରଦର୍ଶନ ପାଇଁ ଉପର ଫପସି ଦଳ ର ହୃଷୀକେଶ ପାଣ୍ଡେ ଙ୍କୁ ଏବଂ ଶ୍ରେଷ୍ଠ ଗୋଲ୍ ରକ୍ଷକ ଭାବେ ସାଇପାଲି ଦଳର ବବଲୁ ଭୁଏ ଙ୍କୁ ପୁରସ୍କୃତ କରାଯାଇଥିଲା I ଏହି ଟୁର୍ଣ୍ଣାମେଣ୍ଟ ର ସମସ୍ତ ଖେଳ କୁ ମହେଶ ଚନ୍ଦ୍ର ତ୍ରିପାଠୀ, ରଘୁମଣି ସେଠ୍, ଦାମୋଦର ପଧାନ ଓ ବଲ୍ଲବ ମଲ୍ଲିକ୍ ପରିଚାଳନା କରିଥିଲେ I