09-Jul-2023

ବଲାଙ୍ଗିର :  ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ  ଉନିତ ଉଚ୍ଚ ବିଦ୍ୟାଳୟର ଅମରାବତୀ ଇକୋ କ୍ଲବ ଓ ଜୁନିୟର ରେଡକ୍ରସ ଆନୁକୂଲ୍ୟରେ ୭୪ତମ ବନ ମହୋତ୍ସବ ପାଳିତ ହୋଇଯାଇଛି ।   ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କର ପ୍ରତ୍ୟକ୍ଷ  ତତ୍ତ୍ୱବଧାନରେ ଅନୁଷ୍ଠିତ କାର୍ଯ୍ୟକ୍ରମକୁ ପ୍ରକୃତିବନ୍ଧୁ  ଶିକ୍ଷକ ତଥା ରେଡକ୍ରସ କର୍ମୀ ରାମ ନାରାୟଣ ଦାଶ ସଂଯୋଜନା କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ   ବନାଞ୍ଚଳ ଅଧିକାରୀ ସଙ୍ଘ ମିତ୍ରା ଭୋଇ, ସମ୍ମାନିତ ଅତିଥି ଭାବରେ ଫରେଷ୍ଟର ଆଶୁତୋଷ ମହାକୁର, ଫରେଷ୍ଟଗାର୍ଡ଼ ଦୀନବନ୍ଧୁ  ବାଗ ଯୋଗଦେଇ ଥିଲେ । ସପ୍ତାହ ବ୍ୟାପି ହୋଇଥିବା ବିଭିନ୍ନ ଦିନରେ ମଞ୍ଜି ସଂଗ୍ରହ, ଆଲୋଚନା ଚକ୍ର, ପ୍ରତିଯୋଗିତା, ପରିବେଶ ଭିର୍ତ୍ତିକ ସାଇକୋଥନ, ସଚେତନତା ଶୋଭାଯାତ୍ରା,

ବୃକ୍ଷରୋପଣ ଆଦି  ଭିନ୍ନଭିନ୍ନ  କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ନିମ୍ବ, ଜାମ୍ବୁ, ଆମ୍ବ, ପଣସ, କୁସଙ୍ଗ,ଖୁଜୁରୀ, କାଜୁ ଆଦି ଲକ୍ଷେରୁ ଉର୍ଦ୍ଧ୍ବ  ମଞ୍ଜି ସଂଗ୍ରହ ବିଦ୍ୟାଳୟର  ଛାତ୍ରଛାତ୍ରୀଙ୍କ ଦ୍ୱରା କରାଯାଇଥିଲା  । ଯାହା ରାସ୍ତାର ଉଭୟ ପାର୍ଶ୍ବର ଦଶ ଫୂଟ ଦୂରତାରେ ବଲାଙ୍ଗୀରରୁ  ବେଲଗାଁ ଜାତୀୟ ରାଜପଥ- ୨୬ , ରାଜ୍ୟ ରଜପଥ, ଜିଲ୍ଲା ପଥ, ଚଲାପଥ ତଥା ବିଲର ହିଡ଼,   ଖାଲିପଡିଥିବା ପଡ଼ିଆ, ନିଜ ବାଡିପଛ ପଟରେ  ରୋପଣ କରାଯିବ  ।  ସବୁଜ ବନାନୀ ସୃଷ୍ଟି ଉଦ୍ଦେଶ୍ୟରେ ଅତିଥିଗଣ ମଞ୍ଜି ବୁଣିବା ତଥା ଚରାରୋପଣ କାର୍ଯ୍ୟକ୍ରମର   ଅନୁଷ୍ଠାନିକ 

ଶୁଭାରମ୍ଭ  କରିଥିଲେ ।  ଗଛ ଲଗାଇବା ସହିତ ସୁରକ୍ଷିତ ରଖିବା ପାଇଁ ସମସ୍ତେ ଶପଥ ପାଠ କରିଥିଲେ । କାର୍ଯ୍ୟକ୍ରମରେ ଶିକ୍ଷକ ଲିଙ୍ଗରାଜ ନନ୍ଦ, ସମୀର ସେଠୀ, ଦୀପକସେନ ଧରୁଆ, ଶିକ୍ଷୟିତ୍ରୀ  ରେଣୁକା ସାହୁ, କାନ୍ତି  ଭୋଇ, ଦ୍ରୋପଦୀ ଭୋଇ, ଛାତ୍ରଛାତ୍ରୀ ତଥା ଗ୍ରାମବାସୀ ଉପସ୍ଥିତ ରହି ସହୋଯୋଗ କରିଥିଲେ । କାର୍ଯ୍ୟକ୍ରମକୁ ଶିକ୍ଷକ ସୁଦର୍ଶନ ଦାଶ ପରିଚାଳନା କରିଥିଲା ବେଳେ ଶିକ୍ଷକ କୃପାସିନ୍ଧୁ ମିଶ୍ର ଧନ୍ୟବାଦ ଅର୍ପଣ କରିଥିଲେ ।