13-Feb-2023

ବରଗଡ, ବିକାଶ ହାଇଅର୍ ଏଜୁକେସ୍ନାଲ୍ ଇଂଷ୍ଟିଚ୍ୟୁସନ୍ସରେ ‘ପାପା କେହତେ ହୈ’ ଶୀର୍ଷକ ସ୍ମାରକୀ ବକ୍ତୃତା ଅନୁଷ୍ଠିତ ହୋଇଯାଇଛି । ୰ଗୁନ୍ନମ ରାମଚନ୍ଦ୍ର ରାଓଙ୍କ ୨୭ତମ ପୁଣ୍ୟତିଥି ଅବସରରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଡାଇରେକ୍ଟର ଡ. ସମରେନ୍ଦ୍ର ନାଥ ପଣ୍ଡା ଆଭିମୁଖ୍ୟ ଉପସ୍ଥାପନ କରିଥିଲେ । ଚ୍ୟାର୍ମେନ ଶ୍ରୀ ଡି. ମୁରଲୀ କ୍ରୀଷ୍ଣା ଏହି ଅବସରରେ ଯାତ୍ରାର ସ୍ମୃତିଚାରଣ କରିବା ସହିତ “ପାପା କେହତେ ହୈ” ଭଳି ସାର୍ଥକ କାର୍ଯ୍ୟକ୍ରମ ସଫଳ ଆୟୋଜନ ପାଇଁ ଆୟୋଯକଙ୍କୁ ଅଭିନନ୍ଦନ ଜ୍ଞାପନ କରିଥିଲେ । ଏକ୍‌ଜିକ୍ୱୁଟିଭ୍ ଡାଇରେକ୍ଟର ଶ୍ରୀ ଡି. ନାଗେଶ୍ୱର ରାଓ ଛାତ୍ର ଛାତ୍ରୀଙ୍କୁ ମାନବିକ ମୁଲ୍ୟବୋଧ ଏବଂ ସଂଯମ ଶୃଙ୍ଖଳା ସହ ଛାତ୍ର ଜୀବନର ପ୍ରତି ମୁହୂର୍ତକୁ ଏକ ଅବିସ୍ମରଣୀୟ ସ୍ମୃତିରେ ପରିଣତ କରିବା ପାଇଁ ପ୍ରେରଣା ଦେଇଥିଲେ ।ବିକାଶ ଲ ସ୍କୁଲର ଅଧ୍ୟକ୍ଷ ଡ. ବିକ୍ରମ କୁମାର ଦାସ୍ ଏହି ସ୍ମାରକୀର ମୁଖ୍ୟ ବକ୍ତାଙ୍କ ପରିଚୟ ପ୍ରଦାନ କରିଥିଲେ । ମୁଖ୍ୟ ବକ୍ତା ରୁପରେ ଯୋଗ ଦେଇଥିବା ବିକାଶ ଉଚ୍ଚ ମାଧ୍ୟାମିକ ସ୍କୁଲର ଅଧ୍ୟକ୍ଷ ସଂଜିବ କୁମାର ବାବୁ ନିଜ  ବକ୍ତବ୍ୟରେ କହିଥିଲେ ଯେ ପିତା ସବୁବେଳେ ନିଜର ସ୍ୱାର୍ଥକୁ ଅଣଦେଖା କରି ନିଜର ସନ୍ତାନର ଆଶା ଓ ଅକାଂକ୍ଷାକୁ ପରିପୂରଣ କରିବା ପାଇଁ ସଦା ସର୍ବଦା ପ୍ରସ୍ତୁତ ରହନ୍ତି । ଏହି ସ୍ମାରକି ଅବସରରେ ବିଭିନ୍ନ ପ୍ରକାର ପ୍ରତିଯୋଗିତାର ଆୟୋଜନ କରାଯାଇଥିବା ବେଳେ ମ୍ୟାନେଜିଙ୍ଗ୍ ଡାଇରେକ୍ଟର ଶ୍ରୀ ଜି. ଭାସ୍କର ରାଓ ଏହାକୁ ନିଜର ବକ୍ତବ୍ୟରେ  ଭୂୟସି ପ୍ରସଂଶା କରିଥିଲେ ।ଚିତ୍ରକଳାରେ ବିକାଶ ସ୍କୁଲ ଅଫ ବିଜ୍‌ନେସ୍ ମେନେଜ୍‌ମେଂଟର ଛାତ୍ରୀ ମମତା ଗିରି, ବିକାଶ ଡିଗ୍ରୀ କଲେଜ୍‌ର ଅନ୍ୱେଷା ପୁରୋହିତ,ହିମାଂଶୁ ଜୈନ୍ ଯଥାକ୍ରମେ ପ୍ରଥମ,ଦ୍ୱିିତୀୟ ଓ ତୃତୀୟ ବିବେଚିତ ହୋଇଥିବାବେଳେ ରିଲ ପ୍ରତିଯୋଗିତାରେ ସୁଜସ୍ମିତା ଭୋଇ ପ୍ରଥମ ଏବଂ ଭୋଲା ସାହୁ ଦ୍ୱିତୀୟ ହୋଇଥିଲେ । ସେହିପରି ନୃତ୍ୟ ପ୍ରତିଯୋଗିତାରେ ବିକାଶ ଇଂଷ୍ଟିଚ୍ୟୁଟ ଅଫ୍ ଟେକ୍ନୋଲୋଜି ର ଛାତ୍ରମାନେ ପ୍ରଥମ ହୋଇଥିବା ବେଳେ ବିକାଶ ଲ ସ୍କୁଲର ଛାତ୍ରୀମାନେ ଦ୍ୱିତୀୟ ସ୍ଥାନ ଅଧୀକାର କରିଥିଲେ । ଏହି ଅବସରରେ ବିକାଶ ହାଇଅର୍ ଏଜୁକେସ୍ନାଲ୍ ଇଂଷ୍ଟିଚ୍ୟୁସନ୍ସ ର ସମସ୍ତ ଅଧ୍ୟକ୍ଷ, ଉପାଧ୍ୟକ୍ଷ ଓ ଅଧ୍ୟାପକ, ଅଧ୍ୟାପିକା ଉପସ୍ଥିତ ଥିଲେ । ବିକାଶ ଇଂଷ୍ଟିଚ୍ୟୁଟ ଅଫ୍ ଟେକ୍ନୋଲୋଜିର ଉପାଧ୍ୟକ୍ଷ ଡ. ପୁର୍ଣ୍ଣେନ୍ଦୁ ମିଶ୍ର ଧନ୍ୟବାଦ ଅର୍ପଣ କରିଥିଲେ । ବିକାଶ ଇଂଷ୍ଟିଚ୍ୟୁଟ ଅଫ୍ ଟେକ୍ନୋଲୋଜିର ଅଧ୍ୟକ୍ଷ ଇଂ. ଅଜୟ କୁମାର ମହାପାତ୍ରଙ୍କ ତତ୍ୱାବଧାନରେ ବିକାଶ ଡିଗ୍ରୀ କଲେଜର ଉପାଧ୍ୟକ୍ଷ ଶ୍ରୀ ଆର୍‌.ଏସ୍‌.ଭି. କ୍ରିଷ୍ଣା କାର୍ଯ୍ୟକ୍ରମର ପରିଚାଳନା ଦାୟୀତ୍ୱ ତୁଲାଇଥିଲେ ।