01-Jun-2026

ଲୋଇସିଂହା, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ସରଗାଡ଼ ପଞ୍ଚାୟତ ରେ ପଂଚାୟତ ସ୍ତରୀୟ ଅଭିଯୋଗ ଶୁଣାଣି ଓ ସଚେତନତା ଶିବିର ଅନୁଷ୍ଠିତ ହୋଇଥିଲା l ଏଥିରେ ସରପଞ୍ଚ ସରୋଜ ବେହେରା ଙ୍କ ସଭାପତିତ୍ୱ ରେ ଅନୁଷ୍ଠିତ ଶିବିର ରେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ କିଶୋରଚନ୍ଦ୍ର ମାନସିଂହ, ଜି.ପି.ଡି.ଓ ସଞ୍ଜୟ କୁମାର ମାଝୀ, ପି.ଏ ହେମନ୍ତ ଭୋଇ, ପି.ପି.ଏ ପୁଷ୍କର ରଞ୍ଜନ ସ୍ୱାଇଁ, ଶିଶୁବିକାଶ ପ୍ରକଳ୍ପ କାର୍ଯ୍ୟାଳୟ ଲୋଇସିଂହା ସୁପରଭାଇଜର, ସମିତିସଭ୍ୟ ବୀରେନ୍ଦ୍ର ସାହୁ ସମେତ ଆଶା ଓ ଅଙ୍ଗନବାଡି କର୍ମୀ ଉପସ୍ଥିତ ଥିଲେ l ସରଗାଡ଼ ପଂଚାୟତ ଅଧିନସ୍ଥ ସରଗାଡ, ସିଂହାଣିମୁଣ୍ଡା, ଠାକୁରପାଲି ଗ୍ରାମରୁ ଅଭିଯୋଗକାରୀ ଆସିଥିଲେ l ପିଇବା ପାଣି ସମସ୍ୟା, ପ୍ରଧାନମନ୍ତ୍ରୀ ଆବାସଗୃହ ଓ ଭତ୍ତା ଉପରେ ମାତ୍ର ୫ ଟି ଆବେଦନ ପତ୍ର ପଞ୍ଜିକୃତ ହେବାସହ ଏହା ଉପରେ ମଂଚାସୀନ ଅଧିକାରୀ ମାନେ ଶୁଣାଣି କରିଥିଲେ l