02-Jun-2026

କଟକ-(ତପନ ମହାନ୍ତି):ନୂଆବଜାରସ୍ଥିତ ଲେପ୍ରସି ହୋମ୍ ଆଣ୍ଡ ହସ୍ପିଟାଲରରେ ରହୁଥିବା ଭିନ୍ନକ୍ଷମ ଅନ୍ତେବାସୀମାନଙ୍କୁ ଖାଦ୍ୟ ଯୋଗାଉଥିବା ସ୍ବୟଂ ସହାୟକ ଗୋଷ୍ଠୀ ହଠାତ ଖାଦ୍ୟ ଯୋଗାଣ ବନ୍ଦ କରି ଦେଇଥିଲା। ଅନ୍ତେବାସୀମାନେ ଉପାସ ରହିଥିଲେ | ସେମାନେ ଅଧ୍ୟକ୍ଷଙ୍କ ଅଫିସ୍ ଆଗରେ ଧାରଣାରେ ବସିଥିଲେ । ବାରବାଟୀ-କଟକ ବିଧାୟିକା ସୋଫିଆ ଫିଦୋଷ ନୂଆବାଜର ଲେପରସ ହସ୍ପିଟାଲ ବୁଲିକି ସବୁ ସମସ୍ୟା ଶୁଣିବାପରେ  କଟକ ଜିଲ୍ଲା ପାଳଙ୍କ ନିକଟରେ   ଦୃଷ୍ଟି ଆକର୍ଷଣ କରିବାରୁ ଜିଲ୍ଲାପାଳ ତୁରନ୍ତ ପଦକ୍ଷେପ ନେଇ ରେଡକ୍ରସ ସହାୟତାରେ ଅନ୍ତେବାସୀମାନଙ୍କୁ ଖାଦ୍ୟ ଯୋଗାଉଛନ୍ତି। ମୁଖ୍ୟମନ୍ତ୍ରୀ ନିକଟରେ ବିଧାୟିକା ଫିଦୋଷ ଅଭିଯୋଗ କରିବା ସଙ୍ଗେ ସଙ୍ଗେ ଏପଟେ  ଅନ୍ତେବାସୀଙ୍କ ପକ୍ଷରୁ ହୃଷୀକେଶ ସାହୁ ଓ ଦେବାଶିଷ ଦଳେଇ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଏ ନେଇ ଅଭିଯୋଗ କରିଥିଲେ। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପାଇ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ସିନ୍ଧେ ଓ ଏଡିଏମ୍ ଇପ୍ସିତା ମହାନ୍ତି ଲେପ୍ରସି ହୋମ୍ ଆଣ୍ଡ ହସ୍ପିଟାଲରରେ ପହଞ୍ଚି ଅନ୍ତେବାସୀଙ୍କ ସହ ଆଲୋଚନା କରିଥିଲେ। ଆଗାମୀ ୧୦ ଦିନ ମଧ୍ୟରେ ଖାଦ୍ୟ ଯୋଗାଣ ପାଇଁ ଟେଣ୍ଡର କରିବା ସହିତ ସମସ୍ତ ଅସୁବିଧାର ସମାଧାନ କରିବାକୁ ଜିଲ୍ଲାପାଳ ପ୍ରତିଶ୍ରୁତି ଦେଇଛନ୍ତି। ନୂତନଟେଣ୍ଡର ହେବା ପର୍ଯ୍ୟନ୍ତ ଅନ୍ତେବାସୀଙ୍କୁ ରେଡକ୍ରସ ସହାୟତାରେ ଉତ୍ତମ ଖାଦ୍ୟ ଯୋଗାଣ ଚାଲୁ ରହିବ ବୋଲି ଜିଲ୍ଲାପାଳ କହିଛନ୍ତି।  ଏପଟେ  ବିଜେଡି ଭିତରେ ଗୋଷ୍ଠୀ କନ୍ଦଳ ଯୋଗୁ ଲେପରସ ହସ୍ପିଟାଲ ଉପରେ କେହି ଗୁରୁତର ସହ ବୁଝିନଥିବା ଅନ୍ତେବାସୀ କୁହନ୍ତି ।