-+91-9937148622 |
prerana_bgr@rediffmail.com |
Monday 16th November 2026 |
R.N.I. Regd No. ODIODI/2010/46693
Breaking News
13-Nov-2026
ଡାବୁଗାଁ, (ପ୍ରିୟଦର୍ଶିନୀ ପାତ୍ର)
ନବରଙ୍ଗପୁର ଜିଲ୍ଲାର ଡାବୁଗାଁ ବଜାରରେ ଦିନକୁ ଦିନ ଟ୍ରାଫିକ୍ ସମସ୍ୟା ଅସହ୍ୟ ହୋଇ ପଡ଼ିଛି। ଏହାର ମୁଖ୍ୟ କାରଣ ହେଉଛି ରାସ୍ତା କଡ଼ରେ ବେଆଇନ୍ ଜବରଦଖଲ।କିଛି ବ୍ୟବସାୟୀ ରାସ୍ତା ପାର୍ଶ୍ୱରେ ଲୁହା ଭାଡି ପକାଇ ଛୋଟ ଦୋକାନ ଖୋଲିଥିଲେ। ପ୍ରଶାସନ ଚୁପ୍ ରହିବାରୁ ସେମାନେ ଦିନକୁ ଦିନ ଦୋକାନର ଆକାର ବଢ଼ାଇ ଚାଲିଛନ୍ତି। ଦୋକାନର ସମସ୍ତ ଜିନିଷପତ୍ର ରାସ୍ତାକୁ ଲାଗି ରଖିବା ଫଳରେ ରାସ୍ତା ସଂକୁଚିତ ହୋଇ ଯାଇଛି। ଏମିତିକି କିଛି ଦୋକାନୀ ସିଧା ରାସ୍ତା ଉପରେ ଜିନିଷ ରଖୁଛନ୍ତି।ଖାସ କରି ସରକାରୀ ଏମ ସ୍କୁଲ ଏବଂ ଷ୍ଟେଟ ବ୍ୟାଙ୍କ ନିକଟରେ *ସବୁଠାରୁ ବେଶି ଅସୁବିଧା ଏହି ଦୁଇଟି ରାସ୍ତାରେ -*
- *ସରକାରୀ ମେଡିକାଲ୍ ଠାରୁ ତାରିଣୀ ମନ୍ଦିର ପର୍ଯ୍ୟନ୍ତ*
- *ଚାରିଛକ ଠାରୁ ଡାବୁଗାଁ ସରକାରୀ ହାଇସ୍କୁଲ୍ ପର୍ଯ୍ୟନ୍ତ*
ମେଡିକାଲ୍ କୁ ଯାଉଥିବା ରୋଗୀ, ସ୍କୁଲ୍ ଯାଉଥିବା ଛାତ୍ରଛାତ୍ରୀ ଏବଂ ସାଧାରଣ ଲୋକେ ପ୍ରତିଦିନ ହନ୍ତସନ୍ତ ହେଉଛନ୍ତି। ଏମ୍ବୁଲାନ୍ସ ଯିବା ବି କଷ୍ଟକର ହୋଇ ପଡ଼ିଛି। ଯେକୌଣସି ମୁହୂର୍ତ୍ତରେ ବଡ଼ ଦୁର୍ଘଟଣା ଘଟିପାରେ ବୋଲି ଲୋକେ ଆଶଙ୍କା କରୁଛନ୍ତି।
ଏହି ଜବରଦଖଲ ଉଚ୍ଛେଦ ପାଇଁ ସ୍ଥାନୀୟ ତହସିଲ ଏବଂ ପୋଲିସ ପ୍ରଶାସନ ତୁରନ୍ତ ପଦକ୍ଷେପ ନେବାକୁ ସାଧାରଣରେ ଜୋର୍ ଦାବି ହେଉଛି। ରାସ୍ତା କଡ଼ରୁ ସମସ୍ତ ଜବରଦଖଲ ହଟିଲେ ହିଁ ଟ୍ରାଫିକ୍ ସମସ୍ୟାର ସ୍ଥାୟୀ ସମାଧାନ ହେବ ବୋଲି ବୁଦ୍ଧିଜୀବୀମାନେ ମତ ଦେଇଛନ୍ତି।ପ୍ରଶାସନ ଆଉ କେତେ ଦିନ ଚୁପ୍ ରହିବ? ଦୁର୍ଘଟଣା ଘଟିବା ପରେ ଚେତିବ କି?