-+91-9937148622 |
prerana_bgr@rediffmail.com |
Monday 16th November 2026 |
R.N.I. Regd No. ODIODI/2010/46693
Breaking News
13-Nov-2026
ବରୀ (ରଂଜିତ ମହାନ୍ତି )
ଏମ୍ଡିଆର-୧୪ ଅନ୍ତର୍ଗତ ଚୂଡାକଳ ଛକଠାରୁ ଚଟୁମାରୀ ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ ସମୟରେ ଜମି ଅଧିଗ୍ରହଣ ପ୍ରକ୍ରିୟା ଓ ଉଚିତ କ୍ଷତିପୂରଣ ପ୍ରଦାନ କରାଯାଇ ନଥିବା ପ୍ରତିବାଦରେ ସ୍ଥାନୀୟ ଜମିମାଲିକମାନେ ସମାଜସେବୀ ସତ୍ୟ ରଞ୍ଜନ କରଙ୍କ ନେତୃତ୍ୱରେ ବରୀ ତହସିଲ କାର୍ଯ୍ୟାଳୟ ଫାଟକ ସମ୍ମୁଖରେ ଗଣ ଧାରଣା ଦେଇଥିଲେ । ଖବର ପାଇ ଧାରଣା ସ୍ଥଳରେ ତହସିଲଦାର ଓ ବରୀ ଥାନାଅଧିକାରିଣୀ ପହଞ୍ଚି ପ୍ରତିଶ୍ରୁତି ଦେବା ପରେ ଗଣଧାରଣା ସାମୟିକ ଭାବେ ସ୍ଥଗିତ ହୋଇଥିବା ଜଣାପଡିଛି ।
ଚୂଡାକଳ ଛକଠାରୁ ଚଟୁମାରୀ ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ ସମୟରେ ପୂର୍ତ୍ତବିଭାଗ ଜମି ଅଧିଗ୍ରହଣ ପ୍ରକ୍ରିୟା ଅନୁସରଣ ନକରି କିମ୍ବା ପ୍ରଭାବିତ ଜମିମାଲିକଙ୍କୁ ପୂର୍ବ ସୂଚନା ନଦେଇ କାର୍ଯ୍ୟ ଆରମ୍ଭ କରିଥିଲା । ଯାହାକୁ ବିରୋଧ କରି ସ୍ଥାନୀୟ ଜମିମାଲିକମାନେ ନିଜର ଜମି ଓ ଜୀବିକାକୁ ନେଇ ଚିନ୍ତିତ ହେବା ସହ ଗୁରୁବାର ଦିନ ପ୍ରତିବାଦକୁ ଓହ୍ଲାଇ ଥିଲେ । ଏହି ଗଣଧାରଣାରେ ସମାଜସେବୀ ସତ୍ୟରଞ୍ଜନ କରଙ୍କ ନେତୃତ୍ୱରେ ସର୍ବୋଦୟ ନେତା ରମାକାନ୍ତ ମଣ୍ଡଳ, କୃଷକ ନେତା ଦେବ ଦାସ, ପ୍ରଶାନ୍ତ ବେହେରା, ପଦ୍ମନ କର, ଜୟରାମ ନାୟକ, ଅଜୟ ରଥ, ପ୍ରହଲ୍ଲାଦ ବେହୁରା, ମୋହନ ମଳିକ, ବିରଞ୍ଚି ନାରାୟଣ ସାହୁ, ମହେଶ୍ୱର ପଲାଇ, ଶଶିକାନ୍ତ ବେହେରା, ପ୍ରଭାତୀ ପରିଡ଼ା, ରୁକ୍ମଣୀ ମହାନ୍ତି, ଶରତ ସାହୁ, ସୁଦର୍ଶନ ସାହୁ, ପ୍ରଶାନ୍ତ ତ୍ରିପାଠୀ, ହୃଷୀକେଶ ପାଢ଼ୀ, ନିର୍ମଳ ମଳିକ, ଧରଣୀଧର ମଳିକ, ଭାଗିରଥି ମଳିକଙ୍କ ସମେତ ବହୁ ଜମିମାଲିକ ଏହି ଗଣଧାରଣାରେ ସାମିଲ ହୋଇଥିଲେ ।
ଖବର ପାଇ ବରୀ ତହସିଲଦାର ଦିପ୍ତିମୟୀ ବେହେରା ଓ ବରୀ ରାମଚନ୍ଦ୍ରପୁର ଥାନା ଅଧିକାରିଧାରଣୀ ହେମଲତା ଦାସ ଘଟଣା ସ୍ଥଳରେ ପହଁଚି ଆନ୍ଦୋଳନକାରୀଙ୍କ ସହ ଆଲୋଚନା କରିଥିଲେ। ଖୁବ୍ ଶୀଘ୍ର ପଲ୍ଲୀସଭା ଆୟୋଜନ କରାଯିବ ଓ ଏହି ସମୟରେ ରାସ୍ତା ପ୍ରଶସ୍ତିକରଣ କାର୍ଯ୍ୟ ବନ୍ଦ ରଖାଯିବ ବୋଲି ପ୍ରତିଶ୍ରୁତି ଦେବା ପରେ ଆନ୍ଦୋଳନକାରୀମାନେ ଗଣଧାରଣାକୁ ସାମୟିକ ଭାବେ ସ୍ଥଗିତ ରଖିଥିବା ଘୋଷଣା କରିଥିଲେ ।