22-Sep-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଟାଉନ୍ ଥାନା ପୋଲିସ ପକ୍ଷରୁ ଚଢ଼ାଉ କରାଯାଇ ୬୦ଟି ଏସ୍ କଫ୍ ସିରପ୍ ଜବତ କରାଯାଇଛି। ଏହି ଘଟଣାରେ ବ୍ରାହ୍ମଣପଡ଼ାର ୨୦ ବର୍ଷୀୟ ଯୁବକ ସାଗର ସ୍ୱାଇଁଙ୍କୁ ଗିରଫ କରାଯାଇଛି।

  ସୂଚନା ଅନୁସାରେ, ଗତ ୨୧ ତାରିଖ ରାତି ୯ଟା ୧୭ ମିନିଟ୍ ସମୟରେ ଟାଉନ୍ ଥାନାର ଏସ୍‌ଆଇ ବିଶାଖା ନାଏକ ପାଟ୍ରୋଲିଂ ଡ୍ୟୁଟିରେ ଥିବାବେଳେ, ଜଣେ ଯୁବକ ସନ୍ଦେହଜନକ କଫ୍ ସିରପ୍ ଭଳି ସାମଗ୍ରୀ ନେଇ ବ୍ରାହ୍ମଣପଡ଼ା ଅଭିମୁଖେ ଯାଉଥିବା ନେଇ ସୂଚନା ପାଇଥିଲେ। ଏନେଇ ସେ ଟାଉନ୍ ଥାନା ଆଇଆଇସି ଓ ଅନ୍ୟ ଅଧିକାରୀଙ୍କୁ ଅବଗତ କରିଥିଲେ।ପରେ ଏକଜିକ୍ୟୁଟିଭ୍ ମାଜିଷ୍ଟ୍ରେଟ୍‌ଙ୍କ ଉପସ୍ଥିତିରେ ତଲାସୀ ଓ ଜବତ ପ୍ରକ୍ରିୟା କରାଯାଇଥିଲା। ଅଭିଯୋଗ ଅନୁସାରେ, ଅଭିଯୁକ୍ତ ସାଗର ସ୍ୱାଇଁଙ୍କ ନିକଟରୁ ୬୦ଟି ଏସ୍ କଫ୍ ସିରପ୍ ଜବତ କରାଯାଇଥିଲା।ଜବତ ହୋଇଥିବା କଫ୍ ସିରପ୍ କେଉଁଠାରୁ ଆଣିଥିଲେ, ସେନେଇ ପୋଲିସ ତଦନ୍ତ ଜାରି ରଖିଛି। ଏହି ଘଟଣାରେ ଟାଉନ୍ ଥାନା କେସ୍ ନମ୍ବର ୪୪୨, ତାରିଖ ୨୧/୦୯/୨୦୨୬ରେ ଏନ୍‌ଡିପିଏସ୍ ଆକ୍ଟର ଧାରା ୨୧(ସି) ଅନୁଯାୟୀ ମାମଲା ରୁଜୁ କରାଯାଇଛି। ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।ମାମଲାର ତଦନ୍ତ ଏସ୍‌ଆଇ ସି.କେ. ମହାପାତ୍ର କରୁଛନ୍ତି।