25-May-2026

 ଅଭିଯୋଗ ଆଣିଲେ ପୂର୍ବତନ ୱାର୍ଡ ସଭ୍ୟ ଦୀନବନ୍ଧୁ ସୁନା 

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଦିଗଶିରା ଗ୍ରାମପଞ୍ଚାୟତରେ ସ୍ୱତନ୍ତ୍ର ଗ୍ରାମସଭା ବୈଠକ ଶୁକ୍ରବାର ବହୁମୂଖୀ ବ୍ୟାନ ଆଶ୍ରୟସ୍ଥଳୀ  ଠାରେ ଅନୁଷ୍ଠିତ ହୋଇଯାଇଛି |ଦିଗଶିରା ସରପଞ୍ଚ କୌଶଲ୍ୟା ମେହେର ଙ୍କ ଅଧକ୍ଷତା ରେ ଏହି ସ୍ୱତନ୍ତ୍ର ଗ୍ରାମସଭା ବୈଠକ ଅନୁଷ୍ଠିତ ହୋଇଥିଲା |ବୈଠକରେ  ଦିଗଶିରା ଗ୍ରାମପଞ୍ଚାୟତ ନିର୍ବାହୀ ଅଧିକାରୀ ସୁରେଶ କୁମାର ଦୀପ ଆସନ୍ତା ୨୦୨୬-୨୭ ଆର୍ଥିକ ବର୍ଷ ପାଇଁ ବିକଶିତ ଗାଁ ବିକଶିତ ଓଡିଶା ଯୋଜନା ରେ ହେଵା କୁ ଥିବା କାମ ସବୁ କିପରି ହାତକୁ ନିଆଯିବ ସେ ଉପରେ ଉପସ୍ଥିତ ଜନସାଧାରଣ ଙ୍କୁ ବୁଝାଇ ଥିଲେ |ବୈଠକରେ ଦିଗଶିରା ଗ୍ରାମପଞ୍ଚାୟତର ୧୧ ଗୋଟି ୱାର୍ଡର ୱାର୍ଡ ସଭ୍ୟା ସଭ୍ୟ ଓ ଜନସାଧାରଣ ଉପସ୍ଥିତଥିଲେ |ଦିଗଶିରା  ଗ୍ରାମପଞ୍ଚାୟତ ଗୋଟିଏ ଗ୍ରାମ କୁ ନେଇ ଗଠନ ହୋଇଛି | ହେଲେ ଗ୍ରାମରେ ଅନେକ ସମସ୍ୟା ଲାଗିରହିଛି | ଏ ନେଇ ପୂର୍ବତନ ୱାର୍ଡ ସଭ୍ୟ ଦୀନବନ୍ଧୁ ସୁନା, ଗ୍ରାମରେ ଡ୍ରେନ କାମ ଶୀଘ୍ର ନ ହେଵା, ଗ୍ରାମ ନିକଟରେ ଥିବା ସର ପୋଖରୀ ରେ ନିର୍ଭର କରୁଥିବା ବେଳେ ଅନେକ ଥର ଅଭିଯୋଗ କରିଥିଲେ ମଧ୍ୟ ଗ୍ରାମପଞ୍ଚାୟତ ସରପଞ୍ଚ ଉକ୍ତ ସର ପୋଖରୀର ପଙ୍କ ଉଦ୍ଧାର ଓ ଗାଧୁଆଘାଟର ମରାମତି ନ କରିବା ଦ୍ଵାରା ଲୋକ ମାନେ ଦୁର୍ଘଟଣାର ଶିକାର ହେବ,ଗ୍ରାମକୁ ପାନୀୟ ଜଳ ଯୋଗାଣ ସମସ୍ୟା ଲାଗିରହିଥିବା, ଗଣ୍ଡାପଡାରେ ଲାଗିଥିବା ୭ଗୋଟି ଷ୍ଟ୍ରିଟ ଲାଇଟ ଅଚଳ ହୋଇ  ଅବସ୍ଥାରେ ଥିବା ବେଳେ ଅଭିଯୋଗ କଲେ ମଧ୍ୟ ମରାମତି ନ କରିବା, ପଡାରେ ଥିବା  କୂଅର ପଙ୍କ ଉଦ୍ଧାର ଓ ମରାମତି ନ  କରିବା,ଗ୍ରାମପଞ୍ଚାୟତକୁ ଆସିଥିବା ୨୦୨୫ -୨୬ ଆର୍ଥିକ ବର୍ଷର  ଗୋଟିଏ ସ୍ଥାନରେ ୧୫ତମ ସିଏଫସି ଅନୁଦାନକୁ ପଞ୍ଚାୟତର ୱାର୍ଡ ସଭ୍ୟା ସଭ୍ୟଙ୍କ ଅଜାଣତରେ ଫାଇଲ ଖୋଲି  ଗ୍ରାମସଭାରେ   ଲିପିବଦ୍ଧ ନ ହୋଇ ତରବରିଆ କାମ କରିବା ଓ କାନ୍ଥ ଉପରେ ସୂଚନା ଫଳକ ତିଆରି କରିବା ଏବଂ  ଗ୍ରାମ ପାଣ୍ଠିରେ ଗ୍ରାମର ଚାରି ପାର୍ଶ୍ୱ ରାସ୍ତାଘାଟ ସଫେଇ କରାଯାଇ ଥିବା ବେଳେ ତାହା ବିଭାଗୀୟ ଯନ୍ତ୍ରୀ ଙ୍କୁ ପଞ୍ଚାୟତ ଅନୁଦାନ ରେ ଫାଇଲ ଖୋଲି ଵିଲ ତିଆରି କରିବା ପାଇଁ ଯନ୍ତ୍ରୀ ଙ୍କୁ ବାରୂମ୍ବାର ସରପଞ୍ଚଙ୍କ ସ୍ୱାମୀ ଲବ ମେହେର ନିଜ ମନ ଇଚ୍ଛା   କାର୍ଯ୍ୟ କରୁଥିବା ନେଇ ପୂର୍ବତନ ୱାର୍ଡ ସଭ୍ୟ ଦୀନବନ୍ଧୁ ସୁନା ବୈଠକରେ ଅଭିଯୋଗ ଆଣିଥିଲେ | ଅନ୍ୟ ମାନଙ୍କ ମଧ୍ୟରେ ଗ୍ରାମସଭା ବୈଠକ ରେ ଏଡିଇଓ ଐଶ୍ୱରୀୟଶ୍ୱର ଡାଙ୍ଗ, ଯୋଗାଣ ସହାୟକ ଜଗମୋହନ ଦାସ,ରୁକୁଣୀ ଦଣ୍ଡସେନା,ସହଦେଵ ପଧାନ, ଆନନ୍ଦ ମେହେର,ସୁରେଶ ବାଗ, ମହାଦେବ ସାଗର ,ପବିତ୍ର ଦଣ୍ଡସେନା, ମନୋଜ ପୁଟେଲ,ମାନେଶ୍ଵର ସେଠୀ,ରମେଶ ଭୋଇ,ନିମେଇ ପଧାନ, ବୁଧୁ ପୁଟେଲ, ଆଶିଷ ପଧାନ ସହ ଗ୍ରାମବାସୀ ଉପସ୍ଥିତ ଥିଲେ |