23-Apr-2026

ଲୋଇସିଂହା, (ବିନୋଦ ଦୀପ) ଆସନ୍ତା କାଲି ମୁଖ୍ୟମନ୍ତ୍ରୀ ମୋହନଚରଣ ମାଝୀ ଙ୍କ ବଲାଙ୍ଗୀର ଗସ୍ତ କୁ ଦୃଷ୍ଟି ରେ ରଖି ଆଜି ଲୋଇସିଂହା ନିର୍ବାଚନ ମଣ୍ଡଳୀ ବିଜୁ ଜନତା ଦଳ ତରଫରୁ ବିଜେପି ସରକାର ର ବିଫଳତା, ଆଇନ ଶୃଙ୍ଖଳା ପରିସ୍ଥିତି ବିପର୍ଯୟ ,ଚାଷୀ ସମସ୍ୟା, ମହିଳା ହିଂସା, ଭୋଟର ତାଲିକା ରେ ତ୍ରୁଟି ପ୍ରତିବାଦ ରେ ସ୍ଥାନୀୟ ବ୍ଲକ କାର୍ଯ୍ୟାଳୟ ସମ୍ମୁଖ ରେ ଏକ ବିକ୍ଷୋଭ ଓ ପ୍ରତିବାଦ ସଭା ଅନୁଷ୍ଠିତ ହୋଇଥିଲା l

ଲୋଇସିଂହା ବ୍ଲକ ବିଜୁ ଜନତା ଦଳ ସଭାପତି ଶ୍ରୀଯୁକ୍ତ ସରୋଜ ବେହେରା ଙ୍କ ସଭାପତିତ୍ୱ ରେ ଅନୁଷ୍ଠିତ ଉକ୍ତ ପ୍ରତିବାଦ ସଭାରେ ବିଜେଡ଼ି ବିଧାୟକ ପ୍ରାର୍ଥୀ ନିହାର ରଞ୍ଜନ ବେହେରା, ଚାଷୀ ନେତା ଆକାଶ ମିଶ୍ର, ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ଆଦିବାସୀ ନେତା ସତ୍ୟ ଭୋଇ, ଲୋଇସିଂହା ବ୍ଲକ ମହିଳା ସଭାନେତ୍ରୀ ଜ୍ୟୋସ୍ନାମୟୀ ନାଗ,ପୁଇଁତଲା ବ୍ଲକ ଅଧ୍ୟକ୍ଷ ସରୋଜ ପଧାନ, ବିଜେଡି ନେତ୍ରୀ ବବିତା ପୁଟେଲ, ବୀଣାପାଣି ଦାସ, ବିଜୟ ବାବୁ, ବରିଷ୍ଠ ନେତା ପୂର୍ଣଚନ୍ଦ୍ର ସାହୁ ଙ୍କ ସମେତ ବହୁ ବିଜେଡ଼ି ନେତା ବିଜେପି ସରକାର ଉପରେ ବର୍ଷୀଥିଲେ l ନିର୍ବାଚନ ସମୟରେ ମିଥ୍ୟା ପ୍ରତିଶୃତି, ଆଇନ ଶୃଙ୍ଖଳା ବିପର୍ଯସ୍ତ ଓ ଲୋଇସିଂହା ନିର୍ବାଚନ ମଣ୍ଡଳୀ ପ୍ରତି ରାଜ୍ୟସରକାର ଙ୍କ ବୈମାତୃକ ମନୋଭାବ କୁ ନେଇ ବିଶୋଦାଗାର କରିଥିଲେ l ଏହି ଅବସରରେ ଯଶ୍ୱସୀ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଓ ସ୍ଥାନୀୟ ବିଧାୟକ ତଥା ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ଙ୍କ କୁଶପୁତ୍ତଳିକା ଦାହ କରାଯାଇଥିଲା l ଏହାପରେ ବିଜେଡ଼ି ର ସମସ୍ତ କର୍ମୀ ବ୍ଲକ କାର୍ଯ୍ୟାଳୟ କୁ ଯାଇ ରାଜ୍ୟପାଳ ଙ୍କ ଉଦ୍ଦେଶ୍ୟ ରେ 10 ଦଫା ସମ୍ବଳିତ ଦାବିପତ୍ର ସ୍ଥାନୀୟ ବିଡ଼ିଓ ଶ୍ରୀ ଅକ୍ଷୟପାଣି ଉଡ୍ଡୁ ଙ୍କୁ ପ୍ରଦାନ କରିଥିଲେ l