23-Apr-2026

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୋନପୁର ଜିଲ୍ଲା ଡୁଙ୍ଗୁରିପାଲି ପଂଚାୟତ ସମିତି ସଭାଗୃହ ଠାରେ ସାଧାରଣ ବୈଠକ ଏବଂ  ବିଭିନ୍ନ ଉନ୍ନୟନମୂଳକ କାର୍ଯ୍ୟର ସମୀକ୍ଷା ହୋଇଥିଲା। ଡୁଙ୍ଗୁରିପାଲି ଗୋଷ୍ଠୀ ଉନ୍ନୟନ ଅଧିକାରୀ ସଂଜୀବ କୁମାର ସାହୁଙ୍କ ଅଧକ୍ଷତାରେ ଅନୁଷ୍ଠିତ ବୈଠକରେ ସୁବର୍ଣ୍ଣପୁର ବିଧାୟକ ନିରଞ୍ଜନ ପୂଝରୀ, ଜିଲ୍ଲାପରିଷଦ ଅଧକ୍ଷା ସୁପାରା ଠେଲା, ବ୍ଲକ ଅଧକ୍ଷା ଅହଲ୍ୟା ସାହୁ, ବ୍ଲକ ଉପାଧ୍ୟକ୍ଷ ମକରଧ୍ଯଜ ସାହୁ, ଏବିଡ଼ିଓ ମହେଶଶ୍ୱର ପଧାନ, ଏ.ଇ ସ୍ୱାଧୀନ କୁମାର ଦାସ ଉପସ୍ଥିତ ଥିଲେ। ବ୍ଲକର ସମସ୍ତ ୨୬ ଗୋଟି ପଂଚାୟତରୁ ସମସ୍ତ ସରପଞ୍ଚ ଓ ସମିତି ସଭ୍ୟ ଉପସ୍ଥିତ ଥିଲେ । ବୈଠକ ଆରମ୍ଭରୁ ଚେରୁପାଲି ସରପଞ୍ଚ ଦିଲୀପ ଶତପଥୀ ଛତୁଆ ତିଆରି କେଉଁ ଏସେଜି ଗ୍ରୁପ ତିଆରି କରୁଛି କିଭଳି ପ୍ରସ୍ତୁତି ହେଉଛି ତା ଉପରେ ପ୍ରଶ୍ନ କରିଥିବା ବେଳେ ଅନେକ ଉନ୍ନୟନ ମୂଳକ କାର୍ଯ୍ୟ ସମାପ୍ତ ହେଇଛି ହେଲେ ତାର ବିଲ୍ ବିଳମ୍ୱକୁ ନେଇ ପ୍ରଶ୍ନ କରିଥିଲେ। ସେହିଭଳି ସହଳ ସମିତି ସଭ୍ୟ ପୁର୍ଣଚନ୍ଦ୍ର ମେହେର ଟୁନିଆମୁଣ୍ଡା ଗ୍ରାମରେ ପାନୀୟ ଜଳ ଯୋଗାଣ ହୋଇ ନଥିବା ନେଇ ଦୃଷ୍ଟିଆକର୍ଷଣ କରିଥିଲେ।ସହଲା ଗ୍ରାମରେ କଂକ୍ରିଟ ଫଟାଇ ଜଳଯୋଗାଣ ପାଇପ୍ ନେଇ ଥିବା ବେଳେ ସେହି କଂକ୍ରିଟ ରାସ୍ତାର ମରାମତି ବର୍ତମାନ ସୁଦ୍ଧା ହୋଇ ନଥିବା କହିଥିଲେ। ସହଲା ଜଗନ୍ନାଥ ମନ୍ଦିର ନିର୍ମାଣ କାର୍ଯ୍ୟ ପାଇଁ ସୁବର୍ଣ୍ଣପୁର ବିଧାୟକଙ୍କୁ ଆର୍ଥିକ ସାହାଯ୍ୟ ୧୦ଲକ୍ଷ ଟଙ୍କା ଅନୁଦାନ ମାଗିଥିଲେ। ସେହିପରି ରାମପୁର ସରପଞ୍ଚ ମନୋଜ ପୁରୋହିତ ଅନେକ ଉନ୍ନୟନମୂଳକ କାର୍ଯ୍ୟ ହୋଇଛି ହେଲେ ବିଲ୍ ହେଉନଥିବା ଉଦବେଗ ପ୍ରକାଶ କରିଥିଲେ। ଡୁଙ୍ଗୁରିପାଲି ସରପଞ୍ଚ ସମସ୍ତ ଅଧିକାରୀଙ୍କୁ ଦୃଷ୍ଟିଆକର୍ଷଣ କରି କହିଥିଲେ ବିଧାୟକ ଏବଂ ସାଂସଦ ପାଣ୍ଠିକୁ ଛାଡି ବାକି ସମସ୍ତ ଉନ୍ନୟନ କାର୍ଯ୍ୟ ସରପଞ୍ଚ ଓ ସମିତି ସଭ୍ୟ କରିବା ପାଇଁ ପ୍ରସ୍ତାବ ରଖିଥିଲେ। ସେହିଭଳି ବୈଦୁପାଲି ସରପଞ୍ଚ ଓ ସମିତି ସଭ୍ୟ ପୁର୍ଣିମା ପାଣ୍ଡିଆ ପଂଚାୟତର ବିଭିନ୍ନ ଉନ୍ନୟନମୂଳକ କାର୍ଯ୍ୟ ଜେ.ଇ ଆସି ଅନ୍ୟକୁ କାର୍ଯ୍ୟ କରିବା  ଅନୁମତି ଦେବା ସହିତ ଫୋନ୍ ଉଠାଉ ନାହାନ୍ତି ପଂଚାୟତ କାର୍ଯ୍ୟାଳୟକୁ ଆସିଲେ ରାଗି କି କଥା  ହେଉଥିବା ବେଳେ ଅନେକ ଉନ୍ନୟନ ମୂଳକ କାର୍ଯ୍ୟର  ବିଲ୍ ହେଉନଥିବା ଅଧିକାରୀଙ୍କୁ ଜଣାଇ ଥିଲେ । ଏନେଇ ସାଧାରଣ ବୈଠକରେ ସମସ୍ତ କାର୍ଯ୍ୟ ଅଟକି ଥିବା ବିଲ  କୁ ତୁରନ୍ତ ପୈଠ ସହିତ ସମସ୍ତ ଉନ୍ନୟନମୂଳକ କାର୍ଯ୍ୟ ସମିତି ସରପଞ୍ଚଙ୍କ ଦ୍ୱାରା କରାଯିବା ପାଇଁ ନିଷ୍ପତ୍ତି ନିଆ ଯାଇଥିଲା।