22-Apr-2026

ଅତାବିରା(ଆକାଶ ମିଶ୍ର): ଅତାବିରା ବ୍ଳକ ଚକୁଳି ଫାର୍ମ କୃଷି ଫାର୍ମରେ ଜିଲ୍ଲାସ୍ତରୀୟ ଅକ୍ଷି ମୁଠି କାର୍ଯ୍ୟକ୍ରମରେ ରାଜ୍ୟ ସଭା ସାଂସଦ ତଥା ବିଜେପି ରାଜ୍ୟ ସଭାପତି ମନମୋହନ ସାମଲ ମୁଖ୍ୟ ଅତିଥି ଭାବେ ଯୋଗ ଦେଇ ଅକ୍ଷି ମୁଠି ଅନୁକୂଳ କରି ଥିଲେ। ପବିତ୍ର ଅକ୍ଷୟ ଦିବସ ଅବସରେ ଆଗାମୀ ଖରିଫ ଫସଲ ପାଇଁ ଧାନ ବୁଣି ଅନୁକୂଳ କରିଥିଲେ। ସାଥୀରେ ବରଗଡ଼  ସାଂସଦ ପ୍ରଦୀପ ପୁରୋହିତ, ଅତାବିରା ବିଧାୟକ ନିହାର ମହାନନ୍ଦ, ଭଟଲି ବିଧାୟକ ଇରାସିସ ଆଚାର୍ଯ୍ୟ,

ବିଜେପୁର ବିଧାୟକ ସନାତନ ଗଡ଼ତିଆ, ଗୋବର୍ଦ୍ଧନ ଭୁଏ, ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତି ଯୋଗ ଦେଇ ଅଖି ମୁଠି ଦେଇଥିଲେ। ଏହା ପୂର୍ବରୁ ପୂଜାକାର୍ଯ୍ୟ କରି  ଟାଙ୍ଗରପାଲି ପୂରଣ ଲଗୋନ, ଦୁଲମପୁର ଭୁଜରାଜ ସେଠ ହଲ ବଳଦ ନଙ୍ଗଲ ପଛ ପଛରେ ଧାନ ବୁଣିଥିଲେ। ପଣ୍ଡିତ ଭୀଷ୍ମଦେବ ପାଣିଗ୍ରାହୀ ପୂଜା କାର୍ଯ୍ୟ ସଂପାଦନ କରିଥିଲେ। ଅକ୍ଷି ମୁଠି

ପରେ ଏକ ସଭା ହୋଇଥିଲା। ଏଥିରେ ଜିଲ୍ଲାପାଳ  ଜିଲ୍ଲାପାଳ ଆଦିତ୍ୟ ଗୋୟଲ ଉଦ୍ଦେଶ୍ୟ ଜ୍ଞାପନ କରିଥିଲେ। ଅତିଥି ଗଣଙ୍କ ବ୍ୟତିତ ଅନ୍ୟମାନଙ୍କ ମଧ୍ୟରେଆରକ୍ଷୀ ଅଧିକ୍ଷକ ପ୍ରହଲ୍ଲାଦ ସହାୟ ମୀନା ଯୋଗ ଦେଇଥିଲେ। ଏହି ଅବସରରେ ଜିଲ୍ଲାର ୬ଜଣ ସଫଳ ଚାଷୀଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶେଷରେ  ଜିଲ୍ଲା ମୁଖ୍ୟ କୃଷି ଅଧିକାରୀ ନିର୍ଦେଶକ ଲୋଚନ ଚନ୍ଦ୍ର ମାଝୀ ଧନ୍ୟବାଦ ଅର୍ପଣ କରିଥିଲେ। ସରକାରୀ ଅକ୍ଷି ମୁଖି କାର୍ଯ୍ୟକ୍ରମ ପରେ ସରଣ୍ଡା ହାଇସ୍କୁଲ ପଡ଼ିଆରେ ଦଳୀୟ ସଭା ଅନୁଷ୍ଠିତ ହୋଇଥିଲା।