11-Oct-2020

ଦିଲ୍ଲୀ,୧୧/୧୦- ଜାମ୍ମୁ ଓ କାଶ୍ମୀରରେ ଧାରା ୩୭୦ ଉଚ୍ଛେଦ ପାଇଁ ଲଦାଖ ସୀମାରେ ଚୀନ ଏପରି ଆକ୍ରମଣାତ୍ମକ ରୂପ ଦେଖଉଛି ବୋଲି କହିଛନ୍ତି ଜାମ୍ମୁ-କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା। ଧାରା ୩୭୦ ଉଚ୍ଛେଦକୁ ଚାଇନା ଆଦୌ ଗ୍ରହଣ କରି ନାହିଁ। ଏଥିପାଇଁ ଲଦାଖ ସୀମାରେ ଚୀନ ଏପରି ସ୍ଥିତି କରିଛି। ଚୀନ ସହଯୋଗରେ ପୁଣିଥରେ ଏହି ଧାରା ଲାଗୁ ହେବା ନେଇ ଆଶା କରୁଛି ବୋଲି ଫାରୁକ କହିଛନ୍ତି। ସେ କହିଛନ୍ତି “ଲଦାଖ ସୀମାରେ ଚାଇନା ଯାହା ବି କରୁଛି ତାହା କେବଳ ଧାରା ୩୭୦ ଉଚ୍ଛେଦ ପାଇଁ। ଏହାକୁ ସେମାନେ କେବେ ବି ଗ୍ରହଣ କରିପାରି ନାହାଁନ୍ତି। ଚୀନା ସମର୍ଥନରେ ପୁଣିଥରେ ଜାମ୍ମୁ ଓ କାଶ୍ମୀରରେ ଧାରା ୩୭୦ ଲାଗୁ ହେବା ନେଇ ମୁଁ ବେଶ୍‌ ଆଶାବାଦୀ ଅଛି!! 

ଚାଇନାର ଏଭଳି ମନୋଭାବ ପାଇଁ ପରୋକ୍ଷରେ ପ୍ରଧାନମନ୍ତ୍ରୀ ମୋଦିଙ୍କୁ ଦାୟୀ କରି ଫାରୁକ କହିଛନ୍ତି  “ ମୁଁ ଚାଇନା ରାଷ୍ଟ୍ରପତିଙ୍କୁ ଡାକିନଥିଲି। ଏହା ପ୍ରଧାନମନ୍ତ୍ରୀ କରିଥିଲେ। ସେ କେବଳ ତାଙ୍କୁ ଆମନ୍ତ୍ରଣ କରିନଥିଲେ, ବରଂ ତାଙ୍କ ସହିତ ବସି ଝୁଲା ଝୁଲିଥିଲେ। ଏବଂ ତାଙ୍କୁ ଚେନ୍ନାଇ ବୁଲାଇ ନେଇ ତାଙ୍କ ସହିତ ଭୋଜନ ବି କରିଥିଲେ! 

*ସୂଚନା ଥାଉକି ଧାରା ୩୭୦ ଓ ୩୫ଏ ଭାରତୀୟ ସମ୍ବିଧାନରେ ଜାମ୍ମୁ ଓ କାଶ୍ମୀରକୁ ସ୍ୱତନ୍ତ୍ର ସ୍ୱାଧୀନତା ଦେଉଥିଲା। ଏହି ଧାରା ଜାମ୍ମୁ ଓ କାଶ୍ମୀରରେ ସ୍ୱତନ୍ତ୍ର ସମ୍ବିଧାନ ଓ ସ୍ୱତନ୍ତ୍ର ଦଣ୍ଡବିଧାନ ବ୍ୟବସ୍ଥା ରଖିବାକୁ ଅନୁମତି ଦେଇଥିଲା।*

ଅଗଷ୍ଟ ୫ ତାରିଖରେ ଏଥିପାଇଁ ସଂସଦରେ ଦୁଇଟି ସଂକଳ୍ପ ପାରିତ ହୋଇଥିଲା। ପ୍ରଥମ ଧାରା ୩୭୦ ଉଚ୍ଛେଦ ଓ ଦ୍ୱିତୀୟଟି ହେଲା ରାଜ୍ୟର ବିଭାଜନ କରି ଦୁଇଟି କେନ୍ଦ୍ର ଶାସିତ ଅଞ୍ଚଳ ଗୋଟିଏ ଜାମ୍ମୁ ଓ କାଶ୍ମୀର ଓ ଅନ୍ୟଟି ଲଦାଖ କରିବାର ପ୍ରସ୍ତାବ!!*

ଜାମ୍ମୁ ଓ କାଶ୍ମୀର ନେଇ କେନ୍ଦ୍ରର ନିଷ୍ପତ୍ତି ଉପରେ ଫାରୁକ କହିଥିଲେ  “୨୦୧୯ ଅଗଷ୍ଟ ୫ ତାରିଖରେ କେନ୍ଦ୍ର ସରକାର ଯାହା କଲେ ତା ଗ୍ରହଣୀୟ ନୁହେଁ। ଏମିତିକି ଜାମ୍ମୁ-କାଶ୍ମୀର ସମସ୍ୟାକୁ ସଂସଦରେ ଉଠାଇବାକୁ ବି ଅନୁମତି ଦିଆଗଲା ନାହିଁ ବୋଲି ଫାରୁକ କହିଛନ୍ତି!!