16-Jan-2026

ବଲାଙ୍ଗୀର, (ପ୍ରେରଣା ଖବର) ବଲାଙ୍ଗିର ବହୁଜନ ସମାଜ ପାର୍ଟି ବିଏସପି ବଲାଙ୍ଗିର ଜିଲ୍ଲା କମିଟି ପକ୍ଷରୁ ଗତ ୧୫ ତାରିଖରେ ମାନନୀୟା  ବହେନଜୀ କୁମାରୀ ମାୟାବତୀଜୀ ଙ୍କ ଜନ୍ମବାର୍ଷିକୀ ଅବସରରେ ବଲାଙ୍ଗିରର ଯାଦବଭବନ ଠାରେ ଭବ୍ୟ ଭାବେ ଜନ କଳ୍ୟାଣକାରୀ ଦିବସ ପାଳନ କରାଯାଇଛି l ତ୍ରିଶରଣ–ପଞ୍ଚଶୀଳ ମନ୍ତ୍ରୋଚ୍ଚାରଣ ସହ କାର୍ଯ୍ୟକ୍ରମ ଆରମ୍ଭ କରାଗଲା l କାର୍ଯ୍ୟକ୍ରମର ଆରମ୍ଭରେ ଧୀମାନ ଦଣ୍ଡୁଆ କୁମ୍ଭାର ଓ ଧୀମାନ ଶ୍ରୀ ଲୋକନାଥ ସୁନା ଙ୍କ ନେତୃତ୍ୱରେ ତ୍ରିଶରଣ ଓ ପଞ୍ଚଶୀଳ ପଠନ କରାଯାଇ ବାବାସାହେବ ଡ଼ା. ଭୀମରାଓ ଆମ୍ବେଦକର ଓ ବୁଦ୍ଧ ଦର୍ଶନ ପ୍ରତି ଗଭୀର ସମ୍ମାନ ଜଣାଗଲା l ବଲାଙ୍ଗିର ବିଏସପି ର ଐତିହାସିକ ପୃଷ୍ଠଭୂମି ଓ ସଂଘର୍ଷ ଏହି ଅବସରରେ ବକ୍ତାମାନେ ବଲାଙ୍ଗିର ଜିଲ୍ଲାରେ ବିଏସପି ର ଐତିହାସିକ ପୃଷ୍ଠଭୂମି, ବହୁଜନ ସମାଜ ଉପରେ ହୋଇଥିବା ସାମାଜିକ–ରାଜନୈତିକ ଅବହେଳା, ସ୍ଥାନୀୟ ସଂଘର୍ଷ ଓ ସଂଗଠନକୁ ସୁଦୃଢ଼ କରିବା ପାଇଁ ହୋଇଥିବା ଲଢ଼ାଇ ବିଷୟରେ ଆଲୋଚନା କରାଗଲା l ବହେନଜୀଙ୍କ ମିଶନ୍ ଓ ଦୃଷ୍ଟିକୋଣ ବହେନଜୀ ମାୟାବତୀଙ୍କ ଜୀବନ ଓ କାର୍ଯ୍ୟକଳାପ ଉପରେ ଆଲୋଚନା କରି ବକ୍ତାମାନେ ପ୍ରକାଶ କଲେ ବହେନଜୀ ହେଉଛନ୍ତି ବିଶ୍ୱରେ ଦଳିତ–ବହୁଜନ ମହିଳା ନେତୃତ୍ୱର ଏକ ଶକ୍ତିଶାଳୀ ପ୍ରତୀକ l ଉତ୍ତର ପ୍ରଦେଶରେ ୪ ଥର ମୁଖ୍ୟମନ୍ତ୍ରୀ ଭାବେ ତାଙ୍କ କାର୍ଯ୍ୟ, ସମ୍ବିଧାନ ସୁରକ୍ଷା, ସମାନତା, ସ୍ୱାଭିମାନ ଓ ସାମାଜିକ ନ୍ୟାୟ ହିଁ ବିଏସପି ର ମୂଳ ଦର୍ଶନ। ଜିଲ୍ଲା ଅଧ୍ୟକ୍ଷ ବିଏସପି ଧୀମାନ ସୁଧାଂଶୁ ଶେଖର ହରପାଲଙ୍କ ବକ୍ତବ୍ୟ ରେ ବହେନଜୀଙ୍କ ଦୃଷ୍ଟିକୋଣ ଓ ମିଶନ୍ କୁ ଗ୍ରାମ ମାଟିରୁ ଜିଲ୍ଲାସ୍ତର ପର୍ଯ୍ୟନ୍ତ ପହଞ୍ଚାଇବା ହିଁ ବିଏସପି ବଲାଙ୍ଗିରର ପ୍ରଧାନ ଲକ୍ଷ୍ୟ। ସଂଗଠନ ମଜବୁତ କରି ବହୁଜନ ସମାଜକୁ ରାଜନୈତିକ ଶକ୍ତିରେ ପରିଣତ କରାଯିବ। ନେତା ଓ କାର୍ଯ୍ୟକର୍ତ୍ତାଙ୍କ ସକ୍ରିୟ ଉପସ୍ଥିତି ଏହି କାର୍ଯ୍ୟକ୍ରମରେ ପୂର୍ବତନ ବିଏସପି ସାଂସଦ ପ୍ରାର୍ଥୀ ଜଗଦୀଶ ବିଭାର, ବାଲଗୋପାଳ ମହାନନ୍ଦା, ଅଜିତ କୁମାର, ବିଶ୍ୱନାଥ ସୁନା, ଗଦାଧର ବାରିକ, ମନସ ଜାଲ, ଘନଶ୍ୟାମ କୁମାର, ରଘୁନାଥ ହରପାଲ, ନଳିନ, ଆଶୋକ ଦୀପ, ଭାଇ ମକରୁ ସହ ବହୁ ସଂଖ୍ୟାରେ ବିଏସପି ଓ ବାମସେଫ କାର୍ଯ୍ୟକର୍ତ୍ତା, ଯୁବକ–ଯୁବତୀ ଓ ସମର୍ଥକମାନେ ଉପସ୍ଥିତ ଥିଲେ l