16-Jan-2026

ବଲାଙ୍ଗୀର(ପ୍ରେରଣା ଖବର):  ବେପରୁଆ ଗାଡି ଚାଳନା ଯୋଗୁଁ ବଲାଙ୍ଗୀର ସହରରେ ଅନେକ ଦୁର୍ଘଟଣା ଘଟୁଛି l କିଛି ଦିନ ତଳେ ବଲାଙ୍ଗୀର ଜିଲ୍ଲାପାଳଙ୍କ ଅଫିସ  ପାଖରେ ରାସ୍ତାର ଡିଭାଇଡର କୁ ଏକ ଟ୍ରକ୍ ଧକ୍କା ଦେଇ ଭାଙ୍ଗି ଦେଇଥିଲା l ଅନୁରୂପ ଭାବେ ଏପରି ଏକ ଦୁର୍ଘଟଣା ଘଟୁଛି ବଲାଙ୍ଗିର ସହର ମଧ୍ଯ ଭାଗରେ ଥିବା ପେଟ୍ରୋଲ ପମ୍ପ ପରିସରରେ l ତେବେ ସୌଭାଗ୍ୟବଶତଃ କିଛି ଧାନ ବସ୍ତା ନଷ୍ଟ ହୋଇଥିଲେ ମଧ୍ୟ କେହି ମୃତାହତ ହୋଇ ନାହାନ୍ତି l ବଲାଙ୍ଗୀର ସହର ଟାଉନ ଥାନା ନିକଟସ୍ଥ ପେଟ୍ରୋଲ ପମ୍ପ(ବିଶାଲ ମେଗା ମାର୍ଟ ପାଖ) ପରିସର କୁ ଗୁରୁବାର  ରାତି ପ୍ରାୟ ୧୨ ଟା ୨୦ ମିନିଟ୍ ସମୟରେ  ଏକ

ପିଡିଏସ୍‌ ଧାନ ବୋଝେଇ ଟ୍ରକ ମାଡ଼ି ଯାଇଥିଲା। ପମ୍ପର ସୁରକ୍ଷା ପାଚେରି କଡ଼ର ବିଦ୍ୟୁତ୍‌ ଖୁଣ୍ଟରେ ପିଟି ହେବା ଫଳରେ ରାସ୍ତାକଡ଼ରେ ଥିବା ଖୁଣ୍ଟ ଉପୁଡି ପଡ଼ିଥିଲା। ଡ୍ରାଇଭରଙ୍କର ବେପରୁଆ ଗାଡ଼ି ଚାଳନାରୁ ଏଭଳି ଅଘଟଣ ଘଟିଥିବା କୁହାଯାଉଛି।  ଏହି ଟ୍ରକ୍ ଟି ତୁଷୁରାର ଏକ ଧାନ ମିଲ୍  କୁ ଯାଉଥିଲା l ଏହି ଦୁର୍ଘଟଣାରେ କେହି ମୃତାହତ ହୋଇ ନଥିବା ସୂଚନା ମିଳିଛି l ଏହି ଅଘଟଣରେ ଇଲେକ୍ଟ୍ରି ଖୁଣ୍ଟ ପେଟ୍ରୋଲ ଟାଙ୍କି ଓ୍ବାଲ୍‌ ଭାଙ୍ଗି ଥିବା ଦେଖିବାକୁ ମିଳିଛି।ବଲାଙ୍ଗୀର ପୋଲିସ ଟ୍ରକ୍ ର ଡ୍ରାଇଭର କୁ  ଅଟକ ରଖିଛି l