12-Dec-2025

ଝାରସୁଗୁଡ଼ା(ପ୍ରେରଣା ଖବର): ଝାରସୁଗୁଡା ଜିଲ୍ଲା ଶାଖାର ଆୟୋଜନ କ୍ରମେ ଝାରସୁଗୁଡ଼ା ସହର ସ୍ଥିତ "ହୋଟେଲ ପ୍ରିନ୍ସ" ଠାରେ "ରାଜ୍ୟ ସାମ୍ବାଦିକ ସଂଘ (ଏସୟୁଜେ) ଓଡ଼ିଶା"ର କାର୍ଯ୍ୟକର୍ତ୍ତାଙ୍କ ବୈଠକ ରାଜ୍ୟ ସଭାପତି କୈଳାଶ ଚନ୍ଦ୍ର ନାୟକ ଙ୍କ ଅଧ୍ୟକ୍ଷତା କ୍ରମେ ଅନୁଷ୍ଠିତ ହୋଇଯାଇଛି। ପ୍ରାରମ୍ଭରେ ସ୍ୱତନ୍ତ୍ର ଟ୍ରିବ୍ୟୁନାଲ ଅଧ୍ୟକ୍ଷ ସନ୍ତୋଷ କୁମାର ମିଶ୍ର ପ୍ରାକ୍ ସୂଚନା ସହିତ ରାଜ୍ୟ ର ବିଭିନ୍ନ ଅଞ୍ଚଳରୁ ଆସିଥିବା ରାଜ୍ୟ ଓ ଜାତୀୟ କାର୍ଯ୍ୟକାରିଣୀ ସଭ୍ୟଙ୍କୁ ସ୍ଵାଗତ କରିଥିଲେ। ଉପସଭାପତି ମେହେବୁବ ମେହେତାବ ବୈଠକ ଆୟୋଜନ ର ଉଦେଶ୍ୟ ସମ୍ପର୍କରେ ସୂଚନା ଦେବା ସହିତ ଆସନ୍ତା ଫେବୃୟାରୀ ୧୧ ତାରିଖ ରେ ହେବାକୁ ଥିବା ରାଜ୍ୟ ବାର୍ଷିକ ଉତ୍ସବ ର ରୂପରେଖ ସମ୍ପର୍କରେ ଆଲୋଚନା କରିଥିଲେ। ଜାତୀୟ ସାଙ୍ଗଠନିକ 

 ଜାତୀୟ କାର୍ଯ୍ୟକାରିଣୀକୁ ମନୋନୀତ ସଭ୍ୟଙ୍କୁ ସମ୍ବର୍ଦ୍ଧନା 

ସମ୍ପାଦକ ଡଃ ଚିନ୍ତାମଣି ପାଢ଼ୀ, କାର୍ଯ୍ୟକାରୀ ସଭାପତି କୀର୍ତ୍ତି ଚନ୍ଦ୍ର ସାହୁ, ଉପସଭାପତି ବାସୁଦେବ ତ୍ରିପାଠୀ,ସମରେଶ ମିଶ୍ର, ମହେନ୍ଦ୍ର କୁମାର ଦର୍ଜୀ, ମୁଖ୍ୟ କାର୍ଯ୍ୟନିର୍ବାହୀ ଯୋଗାଯୋଗ ଶଶୀଭୂଷଣ ଷଡ଼ଙ୍ଗୀ, ରାଜ୍ୟ ସମ୍ପାଦକ ଶିବାଶିଷ ମହାନ୍ତି ଓ  ଶଶାଙ୍କ ଶେଖର ଝାଙ୍କର, ରାଜ୍ୟ ସାଂଗଠନିକ ସମ୍ପାଦକ ସନ୍ତୋଷ କୁମାର ସ୍ଵାଇଁ, ଜାତୀୟ କାର୍ଯ୍ୟକାରିଣୀ ସଭ୍ୟ (ସ୍ଵତନ୍ତ୍ର ନିମନ୍ତ୍ରିତ) ଜୁଲଫିକର ହୁସେନ ଓ ଗଗନ ଶର୍ମା, ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ। ଜାତୀୟ କାର୍ଯ୍ୟକାରିଣୀକୁ ମନୋନୀତ ହୋଇଥିବା ଶ୍ରୀଯୁକ୍ତ ହୋସେନ ଙ୍କୁ ସମ୍ବର୍ଦ୍ଧିତ କରାଯାଇଥିଲା। ସେହିପରି ରାଜ୍ୟ ସଂଗଠନର ସାଂସ୍କୃତିକ ସମ୍ପାଦକ ଭାବେ ଡ଼ଃ ସୁବାଷ ଚନ୍ଦ୍ର ପ୍ରଧାନଙ୍କୁ ବୈଠକରେ ମନୋନୀତ କରାଯାଇ ଥିବାବେଳେ ତାଙ୍କୁ ଫୁଲତୋଡ଼ା ଓ ଉତ୍ତରୀୟ ପ୍ରଦାନ ପୂର୍ବକ ସ୍ଵାଗତ କରାଯାଇ ଥିଲା। ସମସ୍ତ ଜିଲ୍ଲା ଶାଖା ଏବଂ ରାଜ୍ୟ ଓ ଜାତୀୟ କାର୍ଯ୍ୟକାରିଣୀ ସଭ୍ୟ ତଥା କର୍ମକର୍ତ୍ତା ମାନେ ଆଗାମୀ ବାର୍ଷିକ ଉତ୍ସବ ପାଳନ ନିମନ୍ତେ ଆଗାମୀ ଜାନୁଆରୀ ୧୦ ତାରିଖ ସୁଦ୍ଧା ସହଯୋଗ ରାଶି ପ୍ରଦାନ ସହିତ ପ୍ରକାଶ ପାଇବାକୁ ଯାଉଥିବା ସ୍ମରଣିକା(ମୁଖପାତ୍ର) 'ସଂକଳ୍ପ' 

ନିମନ୍ତେ ସର୍ବାଧିକ ବିଜ୍ଞାପନ ପ୍ରଦାନ କରିବାକୁ ନିଷ୍ପତ୍ତି ନିଆ ଯାଇଛି। ବାର୍ଷିକ ଉତ୍ସବକୁ ସୁପରିଚାଳିତ ପୂର୍ବକ ଆଡ଼ମ୍ବର ସହକାରେ ପାଳନ କରିବା ପାଇଁ ଏକ କୋର୍ କମିଟି ଗଠନ ସହିତ ବିଭିନ୍ନ ନିଷ୍ପତ୍ତି ନିଆଯାଇଛି। ଏହି ଅବସରରେ ଝାରସୁଗୁଡା ଜିଲ୍ଲା ଶାଖାର ସଭାପତି ଭାବେ ରବି ଯାଦବ ଓ ସାଧାରଣ ସମ୍ପାଦକ ଭାବେ ପ୍ରଶାନ୍ତ ମାଝୀଙ୍କ ନାମ ଘୋଷଣା କରାଯାଇଥିଲା।ବିଦାୟୀ ଜିଲ୍ଲା ଶାଖା ସଭାପତି ସୁବାସ ପ୍ରଧାନ ଓ ରାଜ୍ୟ କାର୍ଯ୍ୟକାରିଣୀ ସଭ୍ୟ ସନ୍ତୋଷ କୁମାର ସାହୁ କାର୍ଯ୍ୟକ୍ରମକୁ ସଂଚାଳନ କରିଥିଲେ।