13-Dec-2025

*୧୯ତମ ଜିଲ୍ଲା ସ୍ତରୀୟ ଜୁନିଅର ରେଡକ୍ରସ ତାଲିମ ଶିବିରର ଦ୍ୱିତୀୟ ସଂନ୍ଧ୍ୟା* 
ସୋନପୁର, ତା.୧୨/୧୨/୨୦୨୫- ସୁବର୍ଣ୍ଣପୁର ଜିଲ୍ଲାର ଜିଲ୍ଲାସ୍ତରୀୟ ଜୁନିଅର ରେଡକ୍ରସର ଶିକ୍ଷା ଓ ତାଲିମ ଶିବିରର ଦ୍ୱିତୀୟ ଦିବସ ଅତି ସୁନ୍ଦର ଭାବରେ ସମାପନ ହୋଇ ଯାଇଛି । ଦ୍ୱିତୀୟ ଦିବସର ସନ୍ଧ୍ୟାରେ ମୁଖ୍ୟ ଅତିଥି ଅତିରିକ୍ତ ଜିଲ୍ଲାପାଳ ଶ୍ରୀମତୀ ଅଞଳିନା ପ୍ରଧାନ, ସମ୍ମାନୀତ ଅତିଥି ଉଲୁଣ୍ଡା ତଥା ବୀର ମହାରାଜପୁରର ଗୋଷ୍ଠି ଶିକ୍ଷା ଅଧିକାରୀ ଅଜୟ ଲୁହା, ଜିଲ୍ଲା ଜୁନିଅର ରେଡ଼କ୍ରସ ଉପ ସଭାପତି ଗତି କୃଷ୍ଣ ମିଶ୍ର ପ୍ରମୁଖ ଯୋଗ ଦେଇଥିଲେ ଶିବିରାର୍ଥୀଙ୍କୁ ମାର୍ଗଦର୍ଶନ କରିଥିଲେ । ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତଙ୍କ ମାର୍ଗଦର୍ଶନରେ ଅନୁଷ୍ଠିତ କାର୍ଯ୍ୟକ୍ରମରେ ସୋନପୁର ତଥା ବିନିକା ଗୋଷ୍ଠି ଶିକ୍ଷା ଅଧିକାରୀ ଲକ୍ଷ୍ମଣ ମିଶ୍ର ସଭାପତିତ୍ଵ କରିଥିବା ବେଳେ ସ୍ଥାନୀୟ ବିଦ୍ୟାଳୟ ବିଶ୍ଵ ଭାରତୀ ଚିନ୍ତନ ଶିକ୍ଷା ନିକେତନର ପ୍ରଧାନ ଶିକ୍ଷକ ଅକ୍ଷୟ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ । ଏହି ଦିବସର ପ୍ରାତଃ ମୁହୁର୍ତ୍ତରେ ଯୋଗଗୁରୁ ହୃଷିକେଶ ଦେହୁରୀ ଶିବିରାର୍ଥୀଙ୍କୁ ଯୋଗ ଶିକ୍ଷା ପ୍ରଦାନ କରିଥିଲେ । ବିଭିନ୍ନ ଟେକ୍ନିକାଲ ସେସନ୍ ମଧ୍ୟରେ ପ୍ରାଥମିକ ଚିକିତ୍ସାକୁ ସାଧନକର୍ମୀ ତପସ୍ଵିନୀ ଦାଶ, ଆଶିଷ ନାଏକ, ସସ୍ମିତା ସାହୁ, ପ୍ରାକୃତିକ ବିପର୍ଯ୍ୟୟ ପାଇଁ ନିମାଇଁ ଚରଣ ମଲ୍ଲିକ, ଶେଷଦେବ ଛତର, ଏଚଆଇଭି ଓ ଏଡସ୍ ପାଇଁ ହୃଷିକେଶ ଚାନ୍ଦ, ଗୋପେଶ ପଣ୍ଡା, ନିଗମାନନ୍ଦ ଦେହୁରୀ, ସନ୍ତୋଷ ମିଶ୍ର, ମୁନୁ ସାହୁ, ଜଳବାୟୁ ପରିବର୍ତ୍ତନ ପାଇଁ ଚକାନୟନ ମେହେର, ସାଇବର ସିକୁରିଟି ପାଇଁ ଆଶିଷ ଅଗ୍ରୱାଲ ପ୍ରମୁଖ ଜୁନିଅର ମାନଙ୍କୁ ତାଲିମ ପ୍ରଦାନ କରିଥିଲେ । ଜିଲ୍ଲାର ଅଗ୍ନିଶମ କର୍ମଚାରୀ ମାନେ ଶିବିରକୁ ଆସି ନିଆଁ ଲିଭେଇବା ଉଦ୍ଧାର କରିବା ଆଦିର ଡେମୋ ପ୍ରଦାନ କରିଥିଲେ । ସନ୍ଧ୍ୟାରେ  ବିଭିନ୍ନ ବିଦ୍ୟାଳୟର ୨୫ଟି ସାଂକୃତିକ ଦଳ ନିଜର ନୃତ୍ୟ ପରିବେଷଣ କରିଥିଲେ । କାର୍ଯ୍ୟକ୍ରମରେ ଚନ୍ଦ୍ରମଣି ବାଘ, ବିଜୟ ପଣ୍ଡା, ବିଶ୍ଵନାଥ ପାଣିଗ୍ରାହୀ, ବଳରାମ ପୁରୋହିତ, ଚନ୍ଦ୍ରଶେଖର ମହାପାତ୍ର, ବାସୁଦେବ ବିଶି, ଜଗଦିଶ ଦାଶ ପ୍ରମୁଖ ସହଯୋଗ କରିଥିଲେ ।