26-Oct-2026

ବରଗଡ଼(ସୁଦାମ ଦୀପ): ଆସନ୍ତା ୨୦୨୬-୨୭ ବର୍ଷର ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରାରେ କଂସ ଭୂମିକାରୁ ଏକ ବର୍ଷ ପାଇଁ ଅବ୍ୟାହତି ନେଇଛନ୍ତି ଅଭିନେତା ସୁଶିଲ ମେହେର। ସେ ଏନେଇ ଧନୁଯାତ୍ରା ମହୋତ୍ସବ ସମିତିର ସଭାପତି ତଥା ଜିଲ୍ଲାପାଳ ଆଦିତ୍ୟ ଗୋୟଲଙ୍କୁ ଅବ୍ୟାହତି ପତ୍ର ପ୍ରଦାନ କରିଛନ୍ତି।
୨୦୨୫-୨୬ ଧନୁଯାତ୍ରା ପାଇଁ କଂସ ଭାବେ ଚୟନ ହୋଇଥିବା ସୁଶିଲଙ୍କ ଅଭିନୟକୁ ନେଇ ବିବାଦ ଦେଖାଦେଇଥିଲା। ସମିତିର ପ୍ରଥମ ବୈଠକରେ ତାଙ୍କୁ ବଦଳାଇବାକୁ ବିଭିନ୍ନ କମିଟି ଦାବି କରିଥିବା ବେଳେ ୧୫ ଦିନ ମଧ୍ୟରେ ନିଷ୍ପତ୍ତି ଜଣାଇବାକୁ ସମିତି କହିଥିଲା। ବିବାଦ ଯୋଗୁଁ ମାନସିକ ଅଶାନ୍ତିରେ ଥିବାରୁ ଏହି ନିଷ୍ପତ୍ତି ନେଇଥିବା କହିଛନ୍ତି ସୁଶିଲ। ଭବିଷ୍ୟତରେ ସମିତି ସୁଯୋଗ ଦେଲେ ପୁଣି କଂସ ଭୂମିକାରେ ଅଭିନୟ କରିବେ ବୋଲି ସେ କହିଛନ୍ତି।
ଆସନ୍ତା ଜାନୁଆରୀ ୧୨ରୁ ୨୨ ତାରିଖ ଯାଏଁ ଧନୁଯାତ୍ରା ହେବାକୁ ଥିବାରୁ ନୂଆ କଂସ ଚୟନକୁ ନେଇ ଚର୍ଚ୍ଚା ଜୋର ଧରିଛି। ପୁନଃ ଚୟନ ହେବ ନା ଗତବର୍ଷର ଟପ୍‌-୫ ପ୍ରତିଯୋଗୀଙ୍କ ମଧ୍ୟରୁ ଜଣଙ୍କୁ ସୁଯୋଗ ମିଳିବ, ତାହା ଉପରେ 
ସମସ୍ତ ଙ୍କ ନଜର ରହିଛି l