26-Oct-2026

ଡାବୁଗାଁ (ପ୍ରିୟଦର୍ଶିନୀ ପାତ୍ର)
ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ସଦର ମହକୁମା ସ୍ଥିତ ରେଲି ସାହି ଠାରେ ମାଁ ଗଜଲକ୍ଷ୍ମୀ ପୂଜା ଆରମ୍ଭ ହୋଇଛି।ଗତ ଶନିବାର ସନ୍ଧ୍ୟାରେ ମା' ଠାକୁରାଣୀ ମନ୍ଦିର ପୋଖରୀରୁ କଳସ ଯାତ୍ରା ସହ ପାଣି ଅଣାଯାଇଥିଲା। ରବିବାର ସକାଳୁ ବିଧି ବିଧାନ ଅନୁଯାୟୀ ମା'ଙ୍କ ପୂଜାର୍ଚ୍ଚନା ଆରମ୍ଭ ହୋଇଛି।ଏହି ପୂଜାରେ ରଞ୍ଜିତ କୁମାର ଘରାଇ କର୍ତ୍ତା ଭାବେ ଦାୟିତ୍ୱ ନେଇଥିବା ବେଳେ ମୁଖ୍ୟ ପୂଜକ ଭାବେ ଚୈତନ ଦାସ ମା'ଙ୍କ ପୂଜା କରିଥିଲେ। ତାଙ୍କୁ ଗୋବିନ୍ଦ ପଣ୍ଡା ସହ ଅନ୍ୟ ପୂଜକମାନେ ସହଯୋଗ କରିଥିଲେ। *ପରିଚାଳନା କମିଟି:* ମା' ଗଜଲକ୍ଷ୍ମୀ ପୂଜା କମିଟିର ଉପଦେଷ୍ଟା ଭାବେ ଜଗନ୍ନାଥ ରେଲି, ଲବ ରେଲି, ପାପନ୍ନା ରେଲି, ସୁରେନ୍ଦ୍ର ରେଲି, ରାଜୁ ରେଲି ଟିବୁ ରେଲି, ଗୋପୀ ରେଲି, ଗୋପାଳ ରେଲି, ଶନି ରେଲି, ଜିତୁ ରେଲି ଓ ଅନ୍ୟମାନେ ପରିଚାଳନା କରୁଛନ୍ତି।

*କାର୍ଯ୍ୟକ୍ରମ ସୂଚୀ:* ଆସନ୍ତାକାଲି ମଙ୍ଗଳବାର ଦିନ ଭକ୍ତଙ୍କ ପାଇଁ ଅନ୍ନ ଭୋଗର ଆୟୋଜନ କରାଯାଇଛି। ଶୁକ୍ରବାର ଦିନ ପୂର୍ଣ୍ଣାହୁତି ଦିଆଯିବ ଏବଂ ରବିବାର ଦିନ ମା'ଙ୍କ ଭସାଣି ଯାତ୍ରା ଅନୁଷ୍ଠିତ ହେବ ବୋଲି କମିଟି ପକ୍ଷରୁ ସୂଚନା ମିଳିଛି