26-Oct-2026

ଲୋଇସିଂହା, (ପ୍ରେରଣା ଖବର) ଆଜି ଲୋଇସିଂହା ନିର୍ବାଚନ ମଣ୍ଡଳୀ ଲୋଇସିଂହା ଠାରେ ବିଜେପି ପକ୍ଷରୁ ଯଶସ୍ବୀ ପ୍ରଧାନମନ୍ତ୍ରୀ ଙ୍କ ବାପା ଓ ମା ପ୍ରତି କଂଗ୍ରେସ ଅଧ୍ୟକ୍ଷ ମିଳିକାର୍ଜୁନ ଖଡ଼ଗେ ଙ୍କ ଅଶାଳୀନ ମନ୍ତବ୍ୟ ବିରୁଦ୍ଧରେ ପ୍ରତିବାଦ ପ୍ରଦର୍ଶନ କରିଥିଲେ l ଏଣୁ ପ୍ରଥମେ ଲୋଇସିଂହା ଅଗ୍ରେସନ ଭବନ ଠାରୁ ଲୋଇସିଂହା ଥାନା ପର୍ଯ୍ୟନ୍ତ ବିଜେପି କାର୍ଯ୍ୟକର୍ତ୍ତା ଏକ ବିଶାଳ ପ୍ରତିବାଦ ଓ ନାରାବାଜି ପଦଯାତ୍ରା ଜରିଆରେ ପହଂଚିଥିଲେ l

ପରେ ଥାନା ସମ୍ମୁଖରେ କଂଗ୍ରେସ ଅଧ୍ୟକ୍ଷ ମଳିକାର୍ଜୁନ ଖଡ଼ଗେ ଓ ରାହୁଲ ଗାନ୍ଧୀ ଙ୍କ କୁଶ ପୁତ୍ତଳିକା ଦାହ କରିଥିଲେ l ଏହାପରେ ଥାନା ରେ ପହଂଚି ଥାନାଧିକାରୀ ଙ୍କୁ ଦାବିପତ୍ର ପ୍ରଦାନ କରିଥିଲେ l ଏମାନଙ୍କ ଦାବୀହେଲା ମଲିକାର୍ଜୁନ ଖଡ଼ଗେ ଙ୍କ ଆରେଷ୍ଟ ଓ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଙ୍କୁ କ୍ଷମା ମାଗିବା l ଉକ୍ତ ପ୍ରତିବାଦ କାର୍ଯ୍ୟକ୍ରମ ରେ ତିନି ବ୍ଲକ ଲୋଇସିଂହା ଆଗଲପୁର ଓ ପୁଇଁତଲା ବ୍ଲକ ର ମଣ୍ଡଳ ସଭାପତି ସମେତ ବହୁ ସଂଖ୍ୟାରେ ବିଜେପି କାର୍ଯ୍ୟକର୍ତ୍ତା ଉପସ୍ଥିତ ଥିଲେ l