12-Dec-2025

ବୌଦ୍ଧ: ଶୁକ୍ରବାର ଅପରାନ୍ହ୍ ୪ଘଣ୍ଟା ସମୟରେ ବୌଦ୍ଧ ବ୍ଲକ ବୁଢୀବଲଣ୍ଡା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପୂର୍ବତନ ଭାରପ୍ରାପ୍ତ ପ୍ରଧାନ ଶିକ୍ଷକ ସଞ୍ଜୟ କୁମାର ମଲ୍ଲିକଙ୍କୁ ଅର୍ଥ ତୋଷlର ପାତ ମାମଲାରେ ୪ବର୍ଷ ଜେଲ ଦଣ୍ଡାଦେଶ ଦେଇଛନ୍ତି ସ୍ବତନ୍ତ୍ର ଭିଜିଲାନ୍ସ୍ କୋର୍ଟ l ମିଳିଥିବା ସୂଚନା ଅନୁଯାୟୀ ବର୍ତ୍ତମାନ ଗୁନ୍ଦୁଳିଆ ଉନ୍ନୀତ ଉଚ୍ଚ ବିଦ୍ୟାଳୟରେ ସହକାରୀ ଶିକ୍ଷକ ଭାବେ କାର୍ଯ୍ୟରତ  ସଞ୍ଜୟ କୁମାର ମଲ୍ଲିକ କିଛି ବର୍ଷ ତଳେ ବୁଢୀବଲଣ୍ଡା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ଦାୟିତ୍ବରେ ଥିଲେ | ଉକ୍ତ ସମୟରେ ବିଦ୍ୟାଳୟ ଶ୍ରେଣୀ ଗୃହ ନିର୍ମାଣ ପାଇଁ ସରକାରୀ ଅନୁଦାନ ଆସିଥିଲା l ଶ୍ରୀ ମଲ୍ଲିକ ଗୃହ ନିର୍ମାଣ ନକରି ଜମାଖାତାରୁ ଟଙ୍କା ଉଠାଣ କରି ଆତ୍ମସାତ କରିଥିବା ଅଭିଯୋଗ ହୋଇଥିଲା | ଉକ୍ତ ମାମଲା ସ୍ବତନ୍ତ୍ର ଭିଜିଲାନ୍ସ୍ କୋର୍ଟ, ଫୁଲବାଣୀରେ ବିଚାରାଧିନ ଥିଲା ଓ ଆଜି  ଏହି ମାମଲାର ରାୟ ପ୍ରକାଶ ପାଇଛି l ଶ୍ରୀ ମଲ୍ଲିକଙ୍କୁ ୪ବର୍ଷ କାରାଦଣ୍ଡ ଆଦେଶ ସହ ୨୦ହଜାର ଟଙ୍କା ଅର୍ଥଦଣ୍ଡରେ ଦଣ୍ଡିତ କରିଛନ୍ତି ଅଦାଲତ ଓ ଆଜି ତାଙ୍କୁ ଫୁଲବାଣୀ ଜେଲକୁ ପଠାଇ ଦିଆଯାଇଥିବା ସୂଚନା ମିଳିଛି |