08-May-2025

ଜଗତ୍ସିଂହପୁର ରୁ ଚିନ୍ମୟ ବିଶ୍ଵାଳଙ୍କ ରିପୋର୍ଟ 

ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟ ପାର୍କରେ ଚାଲିଛି ଅଗଲା ପ୍ରେମ ଓ  ନିଶା କାରବାର |
 ସକାଳ ହେଲାମାନେ ଜଗତସିଂହପୁର ଜିଲ୍ଲାପାଳଙ୍କ କାର୍ଯ୍ୟାଳୟକୁ ଲାଗିଥିବା ପାର୍କରେ ଲାଗୁଛି କଲେଜ ଛାତ୍ର ଛାତ୍ରୀ ଓ ପ୍ରେମୀଯୁଗଳଙ୍କ ଭିଡ

ସ୍ଥାନ କାଳ ପାତ୍ର ଭୁଲି ମଜଲୁସ ହେଉଛନ୍ତି ଯୁବକ ଯୁବତୀ ଓ ବିବାହିତ ମହିଳା| ଜିଲ୍ଲା ପ୍ରଶାସନର ମୁଖ୍ୟ କାର୍ଯ୍ୟାଳୟକୁ କାର୍ଯ୍ୟ ନିମନ୍ତେ ଯେଉଁ ବ୍ୟକ୍ତି ବିଶେଷ ଯାଉଛନ୍ତି, ସେମାନେ ଏହି ପାର୍କରେ ଅଗଲା ପ୍ରେମ ଦେଖି ଲଜ୍ୟା ଅନୁଭବ କରୁଛନ୍ତି |ଶିଶୁ ଉଦ୍ୟାନ ହୋଇଛି ଶିଶୁମାନଙ୍କ ପାଇଁ। ଆଜିର ଶିଶୁ କାଲିର ଭବିଷ୍ୟତ । କିନ୍ତୁ ଏହି ଉଦ୍ୟାନ ବର୍ତ୍ତମାନ ନିଶାଡି, ଅପରାଧୀ, ଓ ପ୍ରେମୀ ଯୁଗଳଙ୍କ କବଜାରେ । ଶିଶୁଟି ବୁଲିବା ପାଇଁ ହେଉ କି  ଖେଳନା ସାମଗ୍ରୀ ପ୍ରତି ଆକୃଷ୍ଟ ହୋଇ ଆସୁ , ତା  ମାନସିକ ଉପରେ କି ପ୍ରଭାବ  ପଡ଼ିବ । ତାକୁ ଆଣିଥିବା ବାପା, ମା ହୁଅନ୍ତୁ କି ଅବିଭାବକ ସେମାନେ ଆଉ ଆଣିବେ ତ ? ବେଶୀ ଦେଖିବାକୁ ମିଳୁଛି ସ୍କୁଲ୍, କଲେଜର ଛାତ୍ରଛାତ୍ରୀମାନଙ୍କୁ

କିଏ ସିଗାରେଟ୍ ଟାଣୁଛି ତ  ଆଉ କିଏ ବସି ରୋମାନ୍ସ କରୁଛି l  କାହିଁକି  ଯୁବପିଢୀ ବର୍ତ୍ତମାନ ଏପରି ବିପଥଗାମୀ ? ତାଙ୍କର ପରବର୍ତ୍ତୀ ପିଢ଼ି ଉପରେ କି ପ୍ରଭାବ ପଡୁଛି  ? କିଛି ସ୍ଥାନୀୟ ବୁଦ୍ଧିଜୀବୀ ଏହି ଦୃଶ୍ୟକୁ ଦେଖି ବାରଣ କରିବାରୁ ଗାଳି ଗୁଲଜ୍ ଶୁଣିବାକୁ ପଡ଼ିଥିଲା । ସବୁଠାରୁ ବଡ଼ କଥା ହେଲା ୨ ଅତିରିକ୍ତ ଜିଲ୍ଲାପାଳ, ଓ ଉପଜିଲ୍ଲାପାଳ ଅନ୍ୟ  ଅଫିସ ର କର୍ମଚାରୀ, ଅଧିକାରୀ ମାନେ ପାର୍କ ପାଖରେ ଥିବା କ୍ୱାଟରରେ ପରିବାର ନେଇ ରହୁଛନ୍ତି । ସେମାନଙ୍କ ପିଲାଙ୍କ ଉପରେ କୁପ୍ରଭାବ ନିଶ୍ଚିତ ପଡୁଛି ।ଏ ଦୃଶ୍ୟକୁ ଦେଖି ଜିଲ୍ଲାପାଳଙ୍କ  ଅଫିସ୍ ରେ  କର୍ମଚାରୀ ହୁଅନ୍ତୁ କି ଅଧିକାରୀଙ୍କୁ ମଧ୍ୟ ହଟହଟା ହେବାକୁ ପଡ଼ିଛି। ଉକ୍ତ ଅଫିସକୁ ସଂଲଗ୍ନ କରିଥିବା ରାସ୍ତା ମଧ୍ୟରେ  ଗାଡ଼ି ରଖି ଅସାମାଜିକ କାର୍ଯ୍ୟରେ ଲିପ୍ତ ରୁହନ୍ତି। କର୍ମଚାରୀ ହୁଅନ୍ତୁ କି ଅଧିକାରୀ ଏହାକୁ ଦେଖି  ନ ଦେଖିଲା ପରି ଓ ନିଜ ଇଜ୍ଜତକୁ ଜାକି ଚାଲିଯାଆନ୍ତି ଯାହା ଫଳରେ  ଅଫିସରଙ୍କ ଗାଡ଼ି  ଯିବା ଆସିବା ପାଇଁ ବାଧା ସୃଷ୍ଟି ହୁଏ । ଖାଲି ସେତିକି ନୁହେଁ, ଏହି ଶିଶୁ ଉଦ୍ୟାନ ପାର୍କକୁ ଲାଗି ପୂର୍ତ୍ତ ଓ ଗୃହ ନିର୍ମାଣର ଅଧିକ୍ଷଣ ଯନ୍ତ୍ରୀଙ୍କ ଅଫିସ୍ ମଧ୍ୟ ଅଛି । ଏହି ଅଫିସ୍ ଏଭଳି କାର୍ଯ୍ୟକୁ ଦେଖି ଦେଖି ଅସମ୍ଭାଳ ହୋଇ  ବାଧ୍ୟରେ ପାର୍କ ଚାରିପଟେ କାନ୍ଥ ନିର୍ମାଣ କରୁଛି । ଆଉ ମଧ୍ୟ

ପୋଲିସ କ୍ୱାଟର ବି ପାଖରେ ଅଛି। ଜଗତସିଂହପୁର ଜିଲ୍ଲାର ଗୁରୁତ୍ତୋପୂର୍ଣ୍ଣ, ଜନଗହଳି ସ୍ଥାନରେ ଦିନଦ୍ଵିପ୍ରହରରେ ଏହି ପାର୍କରେ ଏଭଳି ଦୃଶ୍ୟ ଦେଖିଲେ ସାଧାରଣ ଲୋକ ସଂକୋଚ ପ୍ରକାଶ କରୁଛନ୍ତି | ସବୁ ସୀମା ଉଲଂଘନ କରି ଏହି ପାର୍କ ଯୁବପିଢ଼ି ଏମିତି ହେଲେ ସମାଜକୁ କି ବାର୍ତ୍ତା ପ୍ରଦାନ ହେଉଛି ବୋଲି ବୁଦ୍ଧିଜୀବୀ ମାନେ ମତପ୍ରକାଶ କରିଛନ୍ତି |ଏହାକୁ କଡ଼ାକଡ଼ି ଭାବେ ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ଘୋର ନିନ୍ଦା କରିଛନ୍ତି ।ଦେଖାଯାଉ ପ୍ରଶାସନ ଏହା ଉପରେ କଣ କାର୍ଯ୍ୟାନୁଷ୍ଠାନ ନେଉଛି |