13-Mar-2025

ଡୁଙ୍ଗୁରିପାଲି (ଅରବିନ୍ଦ ମିଶ୍ର): ହିନ୍ଦୁ ଧର୍ମ ରେ ଗାଈ କୁ ଗୋରୁ ମାତା ରୂପେ ପୂଜା କରୁଥିବା ବେଳେ ଏହି ପବିତ୍ର ଜୀବକୁ କିଛି ଅମାନୁଷିକ ବ୍ଯକ୍ତି ହତ୍ୟା କରିବା ପାଇଁ ପଛାଉ ନାହାଁନ୍ତି l  ଆଇନ,କାନୁନ୍ କୁ ଭୃକ୍ଷେପ ନକରି ଆଜି ବିଭିନ୍ନ ସ୍ଥାନରେ ଅବାଧ ଗୋଚାଲାଣ ହିନ୍ଦୁ ଧର୍ମର ପବିତ୍ରତା କୁ କ୍ଷୁର୍ଣ୍ଣ କରିଛି l  ଅଜଣା ପିକଅପ ରେ ହେଉଛି ଗୋରୁ  ବୋଝାଇ ଚୋରା ଚାଲାଣ l ଏପରି କିଛି ଘଟଣା ଘଟିଛି ସୋନପୁର ଜିଲ୍ଲା ଡୁଙ୍ଗୁରିପାଲିର ରାମପୁର ଅଞ୍ଚଳରେ l  ବାବାଜୀ କଲେଜ  ଓ ଅନ୍ଧାରୀବାଞ୍ଜୀ ପାଖ ସମ୍ମୁଖରେ ଦେଖିବାକୁ ମିଳିଛି ଏପରି କିଛି ଅଭାବନୀୟ ଦୃଶ୍ୟ l  ଏବେ ପ୍ରଶ୍ନ ଉଠୁଛି ଗୋରୁଚାଲାଣରେ ରାମପୁର ପୋଲିସ ସଂଶ୍ଲିଷ୍ଟ ଅଛି କି ? ଏପଟେ ରାମପୁର ଥାନ  ପାଖରେ ଏତେ ସବୁ ଘଟଣା ଘଟି ଯାଇଥିଲେ ବି ଜାଣିଶୁଣି କିଛି ପଦକ୍ଷେପ ଗ୍ରହଣ କରୁନି ରାମପୁର ପୋଲିସ l ଏବେ ସାଧାରଣ ରେ ଚର୍ଚ୍ଚା ହେଉଛି ଯେ ପୋଲିସ ପ୍ରଶାସନ ଓ ଗୋରୁ ମାଫିଆ ସହ ମଧୁଚଦ୍ରିକା ଅଛି କି ?  ତେବେ ଗୋରୁ ମାଫିଆ ସହିତ ଯଦି କିଛି ନାହିଁ ତାହେଲେ ଗୋରୁ ମାଫିଆଙ୍କୁ ପୋଲିସ ଗିରଫ୍ କରୁନାହିଁ  କାହିଁକି ?  ଦିନ ଦ୍ୱିପହରରେ ବେଧଡ଼କ ଭାବେ ଏତେ ସଂଖ୍ୟାରେ ଗୋରୁ ଚୋରା ଚାଲାଣ  ହେଉଥିବା ବେଳେ ପୋଲିସ ପ୍ରଶାସନ ଜାଣି ଶୁଣି ଅଜଣା ରହିବାର କି ରହସ୍ୟ ରହିଛି ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି l  ବାବାଜୀ ସାହୁ କଲେଜ ଓ ଅନ୍ଧାରୀବାଞ୍ଜୀ  ପାଖରେ ଚାଲିଥିବା ଗୋରୁ ଚାଲାଣ ହେଉଛି ଏହାର ଜ୍ୱଳନ୍ତ ଉଦାହରଣ l l  ଏବେ  ଦେଖିବାକୁ ରହିଲା ଖବର ପ୍ରସାରଣ ପରେ କଣ କରୁଛି ରାମପୁର ପୋଲିସ ?