18-Feb-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ସାରଦା କମ୍ପ୍ଲେକ୍ସ ଠାରେ ମଙ୍ଗଳବାର ଆକାଶ ବାଣୀ ଶ୍ରୋତା ସଂଘ ର ସଭାପତି କୃଷ୍ଣ ଚନ୍ଦ୍ର ପ୍ରଧାନ ଙ୍କ ଅଧ୍ୟକ୍ଷତା ରେ ୩୧ ତମ ଶ୍ରୋତା ସମ୍ମିଳନୀ ଆୟୋଜନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି ।ଏହି ବୈଠକ ରେ ବରିଷ୍ଟ ସାମ୍ବାଦିକ ଉମେଶ ଚନ୍ଦ୍ର ବିଶ୍ବାଳ,ବରିଷ୍ଠ ସଦସ୍ୟ ସୁଦାମ ସାହୁ,ଜଗନ୍ନାଥ ସାହୁଉମେଶ ପ୍ରଧାନ ଦିଲ୍ଲୀପ କୁମାର ସାହୁ, ହରିହର ପ୍ରଧାନ,ବିଶିକେଶନ୍ ଭୋଇ,ଅଶୋକ ସାହୁ ପ୍ରମୁଖ ସଂଘ ର ବରିଷ୍ଟ ସଦସ୍ୟ ଓ କାର୍ଯ୍ୟକର୍ତ୍ତା ଉପସ୍ଥିତ ରହି ସଂଘ ର ବିଭିନ୍ନ କାର୍ଯ୍ୟକ୍ରମ ସମ୍ପର୍କ ରେ  ଆଲୋଚନା କରିଥିଲେ ।ତେବେ ସଭ୍ୟ ମାନଙ୍କ ସର୍ବ ସମ୍ମତି କ୍ରମେ ଆସନ୍ତା ମାର୍ଚ୍ଚ ୯ ତାରିଖ ରେ ବରଗଡ଼ ଠାରେ ୩୧ ତମ ରାଜ୍ୟ ସ୍ତରୀୟ ଶ୍ରୋତା ସମ୍ମିଳନୀ ଆୟୋଜନ ପାଇଁ ନିଷ୍ପତି ଗୃହୀତ ହୋଇଥିଲା ।ଏଥି ସହିତ ପୂର୍ବ ବର୍ଷ ପରି ବିଷ୍ଣୁ ସାହୁ ଶ୍ରେଷ୍ଠ ଶ୍ରୋତା ସମ୍ମାନ ,ବିପିନ ବିହାରୀ ସମାଜ ସେବୀ ସମ୍ମାନ ,ହରେକୃଷ୍ଣ ପୂଜାରୀ ନାଟ୍ୟକାର ସମ୍ମାନ,ଶ୍ରେଷ୍ଟ ଗୀତିକାର କ୍ଷିତିପତି ସାହୁ ସ୍ମୃତି ସମ୍ମାନ ଯୋଗ୍ୟ ବ୍ୟକ୍ତି ବିଶେଷ ଙ୍କୁ ପ୍ରଦାନ କରାଯିବା ପାଇଁ ସ୍ଥିରୀକୃତ ହୋଇଥିଲା । ସଂପ୍ରତି ରେଡ଼ିଓ ର ବ୍ୟବହାର ପ୍ରତି ଲୋକଙ୍କ ଆଗ୍ରହ ସୃଷ୍ଟି ପାଇଁ ଏହି ଅବସର ରେ ଏକ ରେଡ଼ିଓ ପ୍ରଦର୍ଶନୀ ମଧ୍ୟ ଆୟୋଜନ କରାଯିବ ବୋଲି ସଭାପତି କୃଷ୍ଣ ଚନ୍ଦ୍ର ପ୍ରଧାନ ସୂଚନା ପ୍ରଦାନ କରିଥିଲେ  ।ଉକ୍ତ ବୈଠକ ରେ ଜିଲ୍ଲା ର ବିଭିନ୍ନ ଅଞ୍ଚଳ ରୁ ଆକାଶ ବାଣୀ ଶ୍ରୋତା ବନ୍ଧୁ ମାନେ ଯୋଗ ଦେଇ ବାର୍ଷିକ ସମ୍ମିଳନୀ କୁ କିପରି ସଫଳତା ର ସହ ଆୟୋଜନ କରାଯିବ ସେ ବିଷୟ ରେ ନିଜ ନିଜ ମତ ଉପସ୍ଥାପନ କରିଥିଲେ ।ସଂଘ ର ଉପ ସଭାପତି  ଜଗନ୍ନାଥ ସାହୁ ଧନ୍ୟବାଦ୍ ଅର୍ପଣ କରିଥିଲେ ।