27-Oct-2024

ଅତାବିରା(ଆକାଶ ମିଶ୍ର): ବରଗଡ ଜିଲ୍ଲାରୁ ସମ୍ବଲପୁର ଜିଲ୍ଲାକୁ ସଂଯୋଗ କରିଥିବା ୫୩ ନମ୍ବର ଜାତୀୟ  ରାଜପଥ ଅତାବିରା ବସଷ୍ଟାଣ୍ଡ ଠାରେ ଆଜି ସକାଳେ ଏକ ବଡ଼  ଧରଣର ଦୁର୍ଘଟଣା ହେଇ ହେଉ ଅଳ୍ପକେ ବର୍ତ୍ତି ଯାଇଥିଲା।
 ଅତାବିରା ରୁ ଅନୁଗୁଳ ଯିବା ପାଇଁ ଏକ ଚାରିଚକିଆ  ଅଟୋ ଓଡ଼ି ୧୭ଜି ୯୬୬୪ ନମ୍ୱର୍ ଟି ସାମଗ୍ରୀ ଲୋଡ ହୋଇ ଛିଡ଼ା ହୋଇଥିଲା ସମ୍ବଲପୁର ଆଡ଼କୁ ମୁହଁ କରି। ବରଗଡରୁ ଭୁବନେଶ୍ୱର ଯାଉଥିବା ଏକ କାର ଓଡି ୧୭ ଏବି ୭୬୮୦ ରେ ଥିବା ସମସ୍ତେ  ଜଳଖିଆ ସାରି ଜାତୀୟ ରାଜପଥ  ର ଉଭୟ ପାର୍ଶ୍ଵ କୁ ନ ଦେଖି ଟର୍ଣିଂ କରିବା ପୂର୍ବରୁ ସମ୍ବଲପୁର ଅଭିମୁଖେ ଆସୁଥିବା ଆଉ ଏକ କାର ନଂ ଓ ଆର ୦୯ ପି ୬୪୪୬  ଧକ୍କା ଦେବା ଫଳରେ କାର  ଟି ଡିଭାଇଡର ଉପରକୁ ଚଡି ଯାଇଥିଲା ଓ  ଧକ୍କା  ଦେଇଥିବା କାର୍ ଟି ଛିଡା ହୋଇଥିବା   ଅଟୋକୁ ପୁଣି ଧକ୍କା  ଦେଇ  ତାହା ମଧ୍ୟ ଡିଭାଇଡର ଉପରକୁ ଚଢ଼ି ଯାଇଥିଲା l

ଫଳରେ ସମସ୍ତ ଗାଡ଼ି ଚୂର୍ ମାର ହୋଇ ଅଳ୍ପକେ  ବର୍ତ୍ତି ଯାଇଥିଲେ  ଚାଳକ ଓ ଗାଡ଼ିରେ  ଥିବା ଯାତ୍ରୀ। ଘଟଣା ପରେ ଜାତୀୟ ରାଜପଥ ଗୋଟିଏ ପାର୍ଶ୍ଵ ଦୀର୍ଘ ୧ ଘଣ୍ଟା ଧରି ବନ୍ଦ ରହିଥିଲା  ।ଖବର ପାଇ ଅତାବିରା ପୋଲିସ ଘଟଣା ସ୍ଥଳରେ ପହଞ୍ଚି କ୍ଷତି  ହୋଇଥିବା କାର କୁ  ଜବତ କରି ତଦନ୍ତ ଜାରି ରଖିଛି ।
 ଅତାବିରା ନିର୍ବାଚନ ମଣ୍ଡଳୀ ତଥା ଏନ୍ ଏ  ସି ହେବା ପରେ  ମଧ୍ୟ ଅତାବିରାରେ  ନା ବସଷ୍ଟାଣ୍ଡ, ନା ଟ୍ରାଫିକ ବ୍ୟବସ୍ଥା କରାଯାଉଛି ।  ଉଭୟ ପାର୍ଶ୍ଵରେ ଜବରଦଖଲ କାରି ଙ୍କ କବଜାରେ ଦୋକାନ ବଜାର  ସେଇଥି ପାଇଁ ଦୁର୍ଘଟଣା ର ଶିକାର ହେଉଛନ୍ତି ଯାତ୍ରୀ ।ତେବେ ଦେଖା ଯାଉ ଆଉ କେତେ ଦିନ ପରେ  ଅତାବିରା ବସଷ୍ଟାଣ୍ଡ ର ନକ୍ସା ବଦଳିବ ଅପେକ୍ଷାରେ ଅଞ୍ଚଳବାସୀ।