27-Oct-2024

ବରଗଡ଼(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ବ୍ଲକ  କୁଳିତା ଟୁକୁରା ଗ୍ରାମର ଉଚ୍ଚ ବିଦ୍ୟାଳୟ   ସମ୍ମୁଖରେ ଥିବା ଏକ ଗ୍ରାମ୍ୟ ଖଳା  ପଡ଼ିଆରେ   ମାଁ ପନ୍ଥେଇ ଚାରିଟେବୁଲ ଟ୍ରଷ୍ଟ ଓ ମାର୍କେଟିଂ ଗ୍ରୁପ୍ କୁଳିତା ଟୁକୁରା ର ମିଳିତ ଉଦ୍ୟମରେ ସ୍ବର୍ଗତ ଅଶ୍ଵିନୀ  ପ୍ରଧାନଙ୍କ  ସ୍ମୃତିରେ ଏକ ସ୍ଵେଚ୍ଛାକୃତ  ରକ୍ତଦାନ  ଶିବିର ଅନୁଷ୍ଠିତ ହୋଇ ଯାଇଛି ।ଏହି ଶିବିରରେ ଭିମସାର 

ବୁର୍ଲlର ଭେଷଜ ବରିଷ୍ଠ ବିଶେଷଜ୍ଞ ଡ.ଶଙ୍କର ରlମଚନ୍ଦାନି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଗ୍ରାମ ତଥା ପଞ୍ଚାୟତ ଅଧୀନରେ ଥିବା ଆଖପାଖ ଗ୍ରାମରୁ ପ୍ରାୟ ୩୮ ଜଣ ସ୍ୱେଚ୍ଛାକୃତ ରକ୍ତଦାନ କରିଥିଲେ ।  ସ୍ବର୍ଗତ ଅଶ୍ଵିନୀ  ପ୍ରଧାନ  ମାଁ ପନ୍ଥେଇ ଚାରିଟେବୁଲ ଟ୍ରଷ୍ଟ ର ସଭାପତି ପଦରେ ରହି ନିଷ୍ଠାପର ଭାବରେ ତାଙ୍କର ଦାୟିତ୍ଵ ତୁଲାଇ ଆସୁଥିଲେ । ସେ ବୃକକ ରୋଗରେ ଆକ୍ରାନ୍ତ ହେବାରୁ ତାଙ୍କର ଦୁଇଟି ଯାକ ବୃକକ ନଷ୍ଟ ହୋଇଯାଇଥିଲା । ତେଣୁ ତାଙ୍କର ସ୍ତ୍ରୀ ଗୋଟିଏ ବୃକକ ଦାନ କରି ଥିଲେ । କିନ୍ତୁ ଦୁର୍ଭାଗ୍ୟର ବିଷୟ ଯେ  ବୁର୍ଲା  ର ଏକ ଘରୋଇ ଡ଼ାକ୍ତରଖାନାରେ ଅସ୍ତ୍ରୋପଚାର ମାଧ୍ୟମରେ  ବୃକକ ରୋପଣ କରିବାର ୧୦ ଦିନ ପରେ ତାଙ୍କର ମୃତ୍ୟୁ ଘଟିଥିଲା ।ତାଙ୍କର ସ୍ମୃତି ରେ ଆୟୋଜିତ ଏହି ରକ୍ତଦାନ ଶିବିରରେ ପ୍ରଥମେ ତାଙ୍କର ଆତ୍ମାର ସଦଗତି ନିମନ୍ତେ 

ନୀରବ ପ୍ରାର୍ଥନା  କରାଯାଇଥିଲା ।ଏବଂ ତାଙ୍କରି ସ୍ମୃତି ରେ ପ୍ରତିବର୍ଷ ରକ୍ତଦାନ ଶିବିର କରାଯିବ ବୋଲି ଟ୍ରଷ୍ଟ ପକ୍ଷରୁ ସଂକଳ୍ପ କରାଯାଇଥିଲା ।ଏହା ସହ କର୍ମକର୍ତ୍ତା ମାନେ ସ୍ବର୍ଗତ ଅଶ୍ଵିନୀ ଙ୍କ ନିଷ୍ଠାପର କାର୍ଯ୍ୟ ର ସ୍ମୃତି ଚାରଣ କରିଥିଲେ।
 ଏଥିରେ ଅନୁପ୍ରାଣିତ ହୋଇ ଗ୍ରାମର ପାଞ୍ଚଜଣ ମହିଳା  ହେମଲତା ସାହୁ,ପ୍ରତିଭା ମାହାନା ,ନୟନା ଦାସ , ସୋନିଆ ମାହାଣା ଓ ସରିତା ସାହୁ ପ୍ରଥମ  କରି  ରକ୍ତଦାନ କରିଥିଲେ । ବୁର୍ଲା ରକ୍ତ ଭଣ୍ଡାର ର ଦେବାଶିଷ ମିଶ୍ର ଓ ସହଯୋଗୀ ମାନେ ରକ୍ତ ସଂଗ୍ରହ କରିଥିଲେ । ଏହି ଶିବିର କୁ  ଉଭୟ ଟ୍ରଷ୍ଟ ଓ ଗ୍ରୁପ୍ ର ସମସ୍ତ କର୍ମକର୍ତ୍ତା ତଥା ଗ୍ରାମବାସୀ ସକ୍ରିୟ ସହଯୋଗ କରିଥିଲେ ।ସ୍ଵେଚ୍ଛାକୃତ ରକ୍ତଦାତା ମାନଙ୍କୁ ଉଦ୍ୟୋକ୍ତା ହୃଦୟରୁ କୃତଜ୍ଞତା ଜଣାଇବା ସହ ଡଃ ଚନ୍ଦlନି ରକ୍ତଦାତା ମାନଙ୍କୁ ମାନପତ୍ର ପ୍ରଦାନ କରିଥିଲେ ।