06-Jun-2024

ବଲାଙ୍ଗୀର(ମହେନ୍ଦ୍ର ଦର୍ଜି): ଓଡ଼ିଶାରେ ବିଜେଡି ମେଜିକ୍ ଅଙ୍କ ଛୁଇବାରୁ ବାଦ୍ ପଡ଼ିଛି।ବିଜେଡି ର ଶୋଚନୀୟ ପରାଜୟ ହୋଇଛି।ଏହାପାଇଁ ନବୀନ ବାବୁ କାହାକୁ ଦାୟୀ କରିବେ।ନବୀନ ବାବୁ ଦଳ ଭିତରକୁ ବାବର ରୂପକ ପାଣ୍ଡିଆନ୍ ଙ୍କୁ ଆଣି ଅହେତୁକ ଅନୁକମ୍ପା ଦେଖାଇଥିବା ତଥା ବିଶ୍ୱାସ କରିଥିବା ର ପରିଣାମ ଏହା ବୋଲି ଚର୍ଚ୍ଚା ହେଉଛି।ପାଣ୍ଡିଆନ୍ ଙ୍କୁ ସର୍ବ ଶକ୍ତିମାନ କରି ନିଜେ ନବୀନ ବାବୁ ଶକ୍ତିହୀନ ହୋଇଗଲେ।ଦଳୀୟ କର୍ମକର୍ତ୍ତା ,ନେତା,ମନ୍ତ୍ରୀ ମାନଙ୍କୁ ଅଣଦେଖା କରି ଓଡ଼ିଶାର ଭାଗ୍ୟ ଡୋରି କୁ ପାଣ୍ଡିଆନ୍ ହାତରେ ସମର୍ପଣ କରି ନିଜେ ଓହରିଗଲେ।ଶାସକ କ୍ଷମତା ଠୁ ବଳିଗଲା ପ୍ରଶାସନର ଅଖଣ୍ଡ କ୍ଷମତା।ମାଳ ମାଳ ଯୋଜନା ଭିତରେ ହଜିଗଲେ ଜନତା।ଯୋଜନା ଯୋଜନା ରେ ରହିଗଲା।ଯୋଜନା କୁ ଦେଖାଇ ପାଣ୍ଡିଆନ୍ ଆଗକୁ ଆଗକୁ ବଢିବାକୁ ଲାଗିଲେ।ନବୀନ ବାବୁ ଘରେ ରହିଲେ।୩୦ ଜିଲ୍ଲା ବାବୁ ପାଣ୍ଡିଆନ୍ ବୁଲି ନିଜର କ୍ଷମତା ଜାହିର କଲେ।ଅଳ୍ପ ସମୟ ଭିତରେ ନବୀନ ବାବୁ ଙ୍କୁ କେଂସର୍ ଭଳି ତାଙ୍କ ମସ୍ତିସ୍କ କୁ ଗ୍ରାସ କରି ନିଜେ ନବୀନ ଙ୍କ କ୍ଷମତା କୁ ହାତେଇବାକୁ ଲାଗିଲେ।ନବୀନ ବାବୁ ଜାଣି ପାରିଲେନି ପାଣ୍ଡିଆନ୍ ଙ୍କ ଚାଣକ୍ୟ ନୀତି।ଶେଷରେ ଜନତା, ନେତା ଙ୍କ ପୁଞ୍ଜିଭୂତ ଅସନ୍ତୋଷ ର ଶିକାର ହେଲା ବିଜେଡି ଦଳ।ନବୀନ ପଟ୍ଟନାୟକ ଜଣେ ଭଦ୍ର ରାଜନୀତିଜ୍ଞ ଭାବେ ବେଶ ପରିଚିତ।ତାଙ୍କର ପରାଜୟ ପାଇଁ କାନ୍ଦୁଛି ଓଡ଼ିଶା।ଆଉ ମଧ୍ୟ ଚର୍ଚ୍ଚ ହେଉଛି ମୋଗଲ ବଂଶ ଧ୍ଵଂସ ର କାରଣ ବାବର ହୋଇଥିବା ବେଳେ ବିଜେଡି ଦଳର ଧଂସ୍ଵ ର କାରଣ ପାଣ୍ଡିଆନ୍ ବୋଲି ଚର୍ଚ୍ଚା ଜୋର୍ ଧରିଛି।