24-Dec-2020

ବରଗଡ଼(ମୁକୁନ୍ଦ ଦାସ)- ବିକାଶ ଲ’ ସ୍କୁଲ୍ ରେ ଜାତୀୟ ଖାଉଟି ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମଟି ବିକାଶ ଲ’ ସ୍କୁଲ୍ ର ପ୍ରିନ୍ସିପାଲ୍ ଡ.ବିକ୍ରମ କୁମାର ଦାସ ଙ୍କ ପୌରୋହିତ୍ୟରେ ସୂଚାରୁରୂପେ ପାଳିତ ହୋଇଯାଇଛି । ଏହି ଅବସରରେ ମୁଖ୍ୟ ରିସୋର୍ସ୍ ପର୍ସନ୍ ଭାବରେ ରାଜନନ୍ଦଗାଓଁ, ଛତିଶଗଡ଼ ର ପି.ଟି.କେ.ଏଲ୍‌.ଏସ୍‌. ଆଇନ୍ ମହାବିଦ୍ୟାଳୟ ଅଧ୍ୟାପକ ଡ. ଶ୍ରୀମାଂଶୁ କୁମାର ଦାଶ ଯୋଗଦାନ କରି ନିଜର ବକ୍ତବ୍ୟ ପରିବେଷଣ କରିଥିଲେ । ତାଙ୍କ ବକ୍ତବ୍ୟରେ ସେ “ନିଓ-କଞ୍ଜ୍ୟୁମରିଜମ୍ ଏଣ୍ଡ୍ ଲ’ ” ଉପରେ ସୃଜନାତ୍ମକ ବିବରଣୀ ପ୍ରଦାନ କରିବା ସହିତ ଛାତ୍ରଛାତ୍ରୀମାନଙ୍କୁ ଏହି ଆଇନ୍ ଉପରେ ସାଧାରଣ ଲୋକଙ୍କୁ ସଚେତନ କରିବା ପାଇଁ ପ୍ରେରଣା ଦେଇଥିଲେ । ଏହି କାର୍ଯ୍ୟକ୍ରମରେ ଲ’ ସ୍କୁଲ୍ ର ସମସ୍ତ ଛାତ୍ରଛାତ୍ରୀ ତଥା ଅଧ୍ୟାପକ ଶ୍ରୀ ଶିବାନନ୍ଦ ସାହୁ, ଶ୍ରୀ ନୟନଜ୍ୟୋତି ଦାସ ଓ ଶ୍ରୀ ଅଭିନନ୍ଦନ ଖୁଣ୍ଟିଆ ଅଂଶଗ୍ରହଣ କରିଥିଲେ । ଶେଷରେ ଅଧ୍ୟାପକ ଶ୍ରୀ ଜୈମିନୀ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।