20-Nov-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ):  ବୌଦ୍ଧ ଜିଲ୍ଲା କଣ୍ଟାମାଳ  କଲ୍ୟାଣ ମଣ୍ଡପ ଠାରେ ଆରମ୍ଭ ସ୍ବେଚ୍ଛାସେବୀ ଅନୁଷ୍ଠାନ କଣ୍ଟାମାଳ ଏବଂ ତ୍ରିଲୋଚନ ନେତ୍ରାଳୟର ସମ୍ବଲପୁର ମିଳିତ ଆନୁକୂଲ୍ୟରେ ଏକ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି  l  ଉକ୍ତ ଶିବିରକୁ ବୌଦ୍ଧ ବ୍ଲକ ଅଧ୍ୟକ୍ଷ ପ୍ରିୟଦର୍ଶୀ ପ୍ରତ୍ୟୁଷ ରଥ ମୁଖ୍ୟଅତିଥି  ଓ ଫିରିଙ୍ଗିଆ ବ୍ଲକ ଉପାଧ୍ୟକ୍ଷ ଅଜିତ କୁମାର ସାହୁ, ବରିଷ୍ଠ ସାମ୍ବାଦିକ ଦିବ୍ୟ ଶଙ୍କର ରାଉତ, ସରକାରୀ ଓକିଲ ସୁରେଶ ଚନ୍ଦ୍ର ରଣା,ଆଇନଜୀବି ଶେଷଦେବ ବଗର୍ତ୍ତୀ,ବିଜେପି କଣ୍ଟାମାଳ ମଣ୍ଡଳ ସଭାପତି ଅନିଲ କୁମାର ପ୍ରଧାନ,ଓମ ପ୍ରକାଶ ମିଶ୍ର,କଣ୍ଟlମାଳ ସରପଞ୍ଚ ପ୍ରତିନିଧି ପ୍ରକାଶ ଖଟୁଆ , ଖଲିଆପାଲି ସରପଞ୍ଚ ପ୍ରତିନିଧି ଜେମାକାନ୍ତ ନାୟକ,ସୁଶୀଲ ପୁରୋହିତ ପ୍ରମୁଖ ସମ୍ମାନୀତ ଅତିଥିଭାବେ ଯୋଗଦେଇ ଦ୍ବୀପ ପ୍ରଜ୍ଜ୍ୱଳନ ସହ ଉକ୍ତ ଶିବିରକୁ ଉଦ୍ଘାଟନ କରିଥିଲେ  l ପରିବେଶର ଦ୍ରୁତ ପ୍ରଦୂଷଣ ଯୋଗୁଁ ଚକ୍ଷୁର ଯତ୍ନ ଓ ଚିକିତ୍ସା ପାଇଁ ସ୍ଥାନୀୟ ଅଞ୍ଚଳରେ ବିଶେଷଜ୍ଞ ଡାକ୍ତରଙ୍କ ଅଭାବ ଦୂର ପାଇଁ ଆରମ୍ଭ ଅନୁଷ୍ଠାନର ଉଦ୍ୟମକୁ ଅତିଥିମାନେ ପ୍ରଶଂସାକରିଥିଲେ  l  ଶିବିରରେ ସମ୍ବଲପୁର ତ୍ରିଲୋଚନ ନେତ୍ରାଳୟ ର ଚକ୍ଷୁ ବିଶେଷଜ୍ଞ ଡାକ୍ତର ଦେବାଶିଷ ମହନ୍ତଙ୍କ ସହ ଟେକନିସିଆନ ମାମୁନି ପ୍ରଧାନ, କବିତା କନ୍ଧେର, ଛବିରାଣି ପୃଷେଠ, ଚାନ୍ଦିନୀ ସୁନା, ନିକିତା ଓରାମ,ଟଙ୍କଧର କନ୍ଧେରଙ୍କ ସହଯୋଗ ଦ୍ୱାରା ମୋଟ ୧୮୧ଜଣ ରୋଗୀଙ୍କୁ ଚିକିତ୍ସା କରି ମାଗଣାରେ ଚଷମା ପ୍ରଦାନ କରିଥିଲେ  l  ସେଥିମଧ୍ୟରୁ ୭୨ ଜଣଙ୍କୁ ଅଧିକ ଚିକିତ୍ସା ପାଇଁ ସମ୍ବଲପୁର ସ୍ଥାନାନ୍ତର କରାଯାଇଛି  l   କାର୍ଯ୍ୟକ୍ରମକୁ ଆରମ୍ଭ ଅନୁଷ୍ଠାନ ର ମୁଖ୍ୟ ଯଦୁଵିହାରୀ ବାଘ ଓ ଉମେଶ ରଣା ପରିଚାଳନା କରିଥିବା ବେଳେ ଅନୁଷ୍ଠାନର ଅଜୟ ମହାପାତ୍ର, ସାନନ୍ଦ ମହାକୁଡ଼, ପ୍ରଦୀପ ମହାକୁଡ଼, ରାମଚନ୍ଦ୍ର ତାଣ୍ଡି,ସୁରେଶ ବଘାର, ପ୍ରଶାନ୍ତ ମଟlଲି, ଶାନ୍ତନୁ ସାହୁ ସମେତ ଅନ୍ୟ ସଦସ୍ୟମାନେ ସହଯୋଗ କରିଥିଲେ   l