19-Nov-2023

ବଲାଙ୍ଗିର(ପ୍ରେରଣା ଖବର ): ସ୍ଥାନୀୟ ଢୁଲୁସର ଖେଳ ପଡିଆରେ ଜବାହାରଲାଲ ଫୁଟବଲ ଏସୋସିଏସନ ଆନୁକୁଲ୍ୟରେ ପ୍ରଥମ ବର୍ଷ ବିନୋଦ ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ର ଫାଇନାଲ ଖେଳରେ ବିଏନ୍‌ଏଏ ଜରାସିଂହା ୩-୨ ଗୋଲରେ ଜିୱାଇଡିସି ନକଟାସରକୁ ହରାଇ ଚମ୍ପିୟାନ ହୋଇଛି ।

ମୁଖ୍ୟ ଅତିଥି ଭାବେ ବରିଷ୍ଠ ଆଇନଜିବୀ ଅମରେନ୍ଦ୍ର ମିଶ୍ର (ବାବୁଲୁ) ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ଫୁଟବଲ ଏସୋସିଏସନ ଅଫ୍ ଓଡିଶା ତଥା ଜିଲ୍ଲା କ୍ରୀଡା ସଂସଦର କାର୍ଯ୍ୟକାରୀ ସଭାପତି ଡ. ଶ୍ରୀକର ମିଶ୍ର, ପୂର୍ବତନ ଫୁଟବଲ ଖେଳାଳି ଲୋକନାଥ କୁମୁରା, ପୂର୍ବତନ ସଦରବ୍ଲକ ବଲାଙ୍ଗିର ଅଧ୍ୟକ୍ଷ ଘାସିରାମ ବେହେରା, ଜିଲ୍ଲା କ୍ରୀଡାସଂସଦର ଫୁଟବଲ ସଂପାଦକ ହେମନ୍ତ କୁମାର ବେହେରା ଯୋଗ ଦେଇଥିଲେ । ଟୁର୍ଣ୍ଣାମେଣ୍ଟ କମିଟି ଅଧ୍ୟକ୍ଷ ଶରତ କୁମାର ନନ୍ଦ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍‌ଯାପନି ଉତ୍ସବରେ ଅତିଥିଗଣ ବିଜେତା ଜରାସିଂହା ଦଳକୁ ସ୍ୱର୍ଗତ ସୁଦର୍ଶନ ନନ୍ଦଙ୍କ ସ୍ମୃତି ଉଦ୍ଦେଶ୍ୟରେ ଟ୍ରଫି ଓ ନଗଦ ୭ହଜାର ଟଙ୍କା ପୁରସ୍କାର ପ୍ରଦାନ କରିଥିବା ବେଳେ ଉପ-ବିଜେତା ନକଟାସର ଦଳକୁ ସ୍ୱର୍ଗତ ସୀତାନନ୍ଦ ଙ୍କ ସ୍ମୃତି ଉଦ୍ଦେଶ୍ୟରେ ଟ୍ରଫି ଓ ନଗଦ ୫ହଜାର ଟଙ୍କା ପୁରସ୍କୃତ କରିଥିଲେ । ପୂର୍ବତନ ଖେଳାଳି ରାମ କୁମାର କୁମୁରା, ଲମ୍ବୋଦର ପଟେଲ, କ୍ରୀଡା ସଂସଦର ବରିଷ୍ଠ ସଦସ୍ୟ ଡା. ସିଦ୍ଧେଶ୍ୱର ମିଶ୍ର, ସୁବାଷ କୁମାର ନନ୍ଦ, ପ୍ରଦୀପ ମହାରଣା, ପ୍ରମୋଦ ରଣା, ଅଦ୍ୟୁତ ନାହାକ, ସୁଚୀନ୍ଦ୍ର ମଲ୍ଲିକ ପ୍ରମୁଖ ମଂଚାସିନ ଥିଲେ । ଖେଳକୁ ରେଫରି ଭାବେ ସଂଜିବ ମହାରଣା, ସୁଧାଂଶୁ ସେଠ, ପୁରୁଷୋତ୍ତମ ବୁଡେକ ଓ ନିଶାରକାନ୍ତ ନାଗ ପରିଚାଳନା କରିଥିବେ ବେଳେ ଦେବରାଜ ନାହାକ ମ୍ୟାଚ କମିଶନର ଓ ମନୋଜ କୁମାର ବେହେରା ସହଯୋଗି କମିଶନର ଭାବେ ଦାୟିତ୍ୱ ତୁଳାଇ ଥିଲେ । ନକଟାସର ଦଳର ସୁରେଶ ପାଣ୍ଡେଙ୍କୁ ମ୍ୟାନ ଅଫ୍ ଦ ମ୍ୟାଚ ଓ ଜରସିଂହା ଦଳର ସୁକାନ୍ତ ଘଡେଇ ଓ ମୁରଲି ଭୋଇଙ୍କୁ ବେଷ୍ଟ ପ୍ଲେୟାର ସମ୍ମାନରେ ପୁରସ୍କୃତ କରାଯାଇଥିଲା । ଲମ୍ବୋଦର ମାଝି, ଦଳଗଞ୍ଜନ ମହାଲିଙ୍ଗ, ପିଣ୍ଟୁ କଅଁର, ବବଲୁ ମହାଲିଙ୍ଗ, ବିଶ୍ୱାମିତ୍ର କଅଁର, କରନ ଦଣ୍ଡସେନା, ସଂଜୟ ଥନାପତି, ଉମେଶ ରଣା, ଦିନେଶ ମରପାଚି, ବିପ୍ଲବ ନାହାକ, ଶିବ ଶଙ୍କର ଭୋଇ, ମହାଦେବ ଧରୁଆ, ମନୋଜ ରଣା, ମୁକେଶ ବଢେଇ, ଦିପକ ବେହେରା, ପ୍ରଶାନ୍ତ ମହାଲିଙ୍ଗ ପ୍ରମୁଖ ସହଯୋଗ କରିଥିଲେ ।