28-Dec-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ପୋଲିସ ପ୍ରଶାସନ ତରଫରୁ ସିନ୍ଧେକେଲା ସହରରେ ସ୍ବଛ୍ଛତା ସଚେତନତା କାର୍ଯ୍ୟକ୍ରମ ଓ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଭିନ୍ନ ସଂକ୍ରମଣ ରୁ ନିଜକୁ ସୁରକ୍ଷିତ ରଖିବା ପାଇଁ ପ୍ରଥମେ ଛାତ୍ରଛାତ୍ରୀଙ୍କୁ ହାତରେ ଗ୍ଲୋବ ଓ ମାସ୍କ ପରିଧାନ ଉପରେ ସଚେତନ କରିବାସହ ତାଙ୍କୁ ମାସ୍କ ଓ ଗ୍ଲୋବ ଦିଆଯାଇଥିଲା। ମଙ୍ଗଳବାର ସକାଳ ୧୧ ଟା ସମୟରେ ପଲ୍ଲିଶ୍ରୀ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ନେଇ ସିନ୍ଧେକେଲା ଥାନାରୁ ବାହାରି ମୁଖ୍ଯ ରାସ୍ତା ଦୁଇ ପାର୍ଶ୍ବରେ ଥିବା ମଇଲା ,ଆବର୍ଜନା କୁ ଝାଡୁ ମାରି ସଫା କରାଯାଇଥିଲା। ସିନ୍ଧେକେଲା ଆଇଆଇସି ବି ରୁଦ୍ରିଆ ଙ୍କ ତତ୍ତ୍ଵାବଧାନ ରେ ହୋଇଥିବା ଏହି କାର୍ଯ୍ୟକ୍ରମ ରେ ମହାବିଦ୍ୟାଳୟର ଛାତ୍ରଛାତ୍ରୀ , ଷ୍ଟାଫ ଯୋଗ ଦେଇଥିବା ବେଳେ ପୋଲିସ ଷ୍ଟାଫ ମଧ୍ଯ ସଫେଇ କାର୍ଯ୍ୟକ୍ରମ ରେ ଭାଗ ନେଇ ନିଜେ ରାସ୍ତା କଡରେ ଥିବା ମଇଲା ଉଠାଇ ଟ୍ରାକ୍ଟର ରେ ପକାଉଥିବା ଜନସାଧାରଣ ଙ୍କୁ ବେଶ ପ୍ରଭାବିତ କରିଥିବା ଦେଖା ଯାଇଥିଲା। ପରେ ବସଷ୍ଟାଣ୍ଡ ଛକ ନିକଟରେ ଲୋକଙ୍କୁ ସିନ୍ଧେକେଲା ଜେହେତୁ ଏକ ପଞ୍ଚାୟତ ମୁଖ୍ୟାଳୟ ଅଟେ ହେଲେ ପାରିପାର୍ଶ୍ବିକ ସ୍ଥିତି ଯୋଗୁଁ ଏହି ଗ୍ରାମର ମୁଖ୍ଯ ରାସ୍ତା ଦେଇ ହଜାର ହଜାର ଲୋକ ଯାତାୟାତ କରୁଛନ୍ତି ତେଣୁ ଘରୁ କିମ୍ବା ଦୋକାନ ମାନଙ୍କରୁ ବାହାରୁ ଥିବା ଅଳିଆ ଆବର୍ଜନା କୁ ମୁଖ୍ଯ ରାସ୍ତା ଉପରେ ନ ପକାଇ ଗୋଟିଏ ନିର୍ଦ୍ଦିଷ୍ଟ ସ୍ଥାନରେ ପକାଇ ସୁବିଧା ଦେଖି ଗାଁ ବାହାରକୁ ନେଇ ପକାଇ ରାସ୍ତା ତଥା

ଘର ପାଖକୁ ସଫାସୁତୁରା ରଖିବା ପାଇଁ ସଚେତନ କରାଯାଇଥିଲା। ଛାତ୍ରଛାତ୍ରୀ ମଧ୍ଯ ବେଶ ଖୁସିରେ କାର୍ଯ୍ୟକ୍ରମ ରେ ଭାଗ ନେଇଥିବା ଦେଖା ଯାଇଥିଲା। ଥାନା ପରିସରରେ ୫୦ ଟି ବିଭିନ୍ନ ପ୍ରକାର ବୃକ୍ଷ ରୋପଣ କରାଯାଇ ଥିଲା । ଅନ୍ୟମାନଙ୍କ ମଧ୍ଯରେ ଟାଉନ ହାବିଲଦାର ସୁରେନ୍ଦ୍ର ବେହେରା, ଗୃହରକ୍ଷୀ ଅନିଲ ସଡଙ୍ଗୀ ଙ୍କ ସହ ପୋଲିସ ଷ୍ଟାଫ ଓ କଲେଜ ଷ୍ଟାଫ ସହଯୋଗ କରିଥିଲେ।