28-Dec-2022

 ବଲାଙ୍ଗୀର ଜିଲ୍ଲାର  ଆଦିବାସୀଙ୍କ ପ୍ରସିଦ୍ଧ ଶୁଲିଆ ଯାତ୍ରା ତିନି ଦିନ ଧରି ପାଳିତ ହୋଇ ଯାଇଛି । ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକର ଖଇରଗୁରା ଓ କୁମୁରିଆ ଗାଁ’ରେ ଆଦିବାସୀଙ୍କ ଶୁଲିଆ ଯାତ୍ରା ପାଳିତ ହୋଇଛି  ।

ଚଳିତ ବର୍ଷ କୋଭିଡ କଟକଣା ନ ଥିବା ଯୋଗୁଁ ବହୁ ସଂଖ୍ୟା ରେ ରାଜ୍ୟ ତଥା ରାଜ୍ୟ ବାହାରୁ ଏହି  ପାରମ୍ପରିକ ଯାତ୍ରା ରେ ଯୋଗ ଦେଇଥିଲେ । ପୂର୍ବ ବର୍ଷ ପରି ବଡ଼ଖଳା ଓ ସାନ ଖଳାରେ ହଜାର, ହଜାର ସଂଖ୍ୟାରେ ନିରୀହ ପଶୁ ପକ୍ଷୀ ଙ୍କୁ ବଳି ନାମରେ ହତ୍ୟା କରିବା ନେଇ ଜିଲ୍ଲା ଜିବେଦୟା ଅନୁଷ୍ଠାନ ତରଫରୁ ଦୃଢ଼ ନିନ୍ଦା କରାଯାଇଛି। ପ୍ରଶାସନିକ ପଦାଧିକାରୀ ଙ୍କ ଉପସ୍ଥିତି ରେ ରକ୍ତରଂଜିତ ହୋଇଥିବା ଏହି ବଡ଼ଖଳା ଓ ସାନ ଖଳା ରେ କୌଣସି ଆଇନ ଅନୁଯାୟୀ କିଛି ପଦକ୍ଷେପ ନ ନେବା କେତେ ଯୁକ୍ତି, ଯୁକ୍ତ ବୋଲି ପ୍ରଶ୍ନ କରିଛନ୍ତି 'ଜିବେଦୟା'ଅନୁଷ୍ଠାନ ସଭାପତି ଶ୍ରୀକାନ୍ତ ସାହୁ। ଆଗରୁ ପ୍ରଶାସନିକ କଟକଣା ରହୁଥିବାରୁ ପଶୁବଳିକୁ ନେଇ ମୁହାଁମୁହିଁ ହେଉଥିଲେ ଓ ଏହି ବଳି ସଂଖ୍ୟା କିଛି ମାତ୍ରା ରେ ହ୍ରାସ ପାଇବା ଦେଖା ଯାଉ ଥିଲା । ପୋଲିସ ପ୍ରଶାସନ ଉପସ୍ଥିତ ସତ୍ତ୍ବେ ତଥା ସରକାରୀ ଭାବେ ଚଳିତ ବର୍ଷ ସଚେତନତା କାର୍ଯ୍ୟକ୍ରମ କରାଯାଇ ନ ଥିବା  ତଥା ସେଭଳି କିଛି କଟକଣା ନ ଥିବା ଯୋଗୁଁ ଏହି ପରିସ୍ଥିତି ସୃଷ୍ଟି ହୋଇଥିବା ବିଭିନ୍ନ ଅନୁଷ୍ଠାନ ତରଫରୁ ପ୍ରକାଶ ପାଉଛି।  ଖଇରଗୁଡ଼ାର ବଡ଼ ଖଳା ଏବଂ କୁମୁରିଆର ସାନ ଖଳାରେ ପଶୁ ପକ୍ଷୀ ବଳି ଦିଆଯାଇଛି ।

ବ୍ୟାପକ ସଚେତନତା ଦ୍ବାରା ଏହି ବଳି ପ୍ରଥା ପ୍ରତିହତ କରିହେବ ବୋଲି    ସ୍ବେଛାସବୀ ଅନୁଷ୍ଠାନ 'ଜିବେଦୟା' ତତଫରୁ ପ୍ରକାଶ କରାଯିବା ସହ ବିଭିନ୍ନ ପ୍ରକାର କାର୍ଯ୍ୟକ୍ରମ ଆଗମୀ ଦିନରେ ବ୍ୟାପକ କରାଯିବା ସଭାପତି ଶ୍ରୀ ସାହୁ ସୂଚନା ଦେଇଛନ୍ତି।