05-May-2022

ନୂଆପଡ଼ା:-ନୂଆପଡା ଜିଲ୍ଲା ଧରମବନ୍ଧା ଥାନା ଅନ୍ତର୍ଗତ କୁଦୋପାଲି ଗ୍ରାମ ର ଯୁଗଳ ବରିହା ବୟସ-୪୫ ବର୍ଷ ହେବ । ସକାଳୁ ସକାଳୁ କେନ୍ଦୁପତ୍ର ତୋଳିବାକୁ ତୋଳିବାକୁ ଯାଇଥିବା ସମୟରେ ସେ ଭାଲୁ ହାବୁଡ଼ରେ ପଡିଥିଲେ । କାଳବିଳମ୍ବ ନକରି ନିଜେ ବଞ୍ଚିବା ପାଇଁ ଏକ ଗଛକୁ ଚଢ଼ିଯାଇ ଥିଲେ ।ହେଲେ ଭାଲୁ ଗଛକୁ ଚଢି ତାଙ୍କ ଉପରେ ଆକ୍ରମଣ କରିଥିଲା ।ଲୋକେ ନିଆଁହୂଳା ଦେଖାଇବାପରେ ଭାଲୁ ଶ୍ରୀ ବରିହା ଙ୍କୁ କ୍ଷତଅକ୍ଷତ କରି ଜଙ୍ଗଲ ଆଡ଼କୁ ଚାଲିଯାଇଥିଲା ।ଲୋକେ ଯୁଗଳ କୁ ଉଦ୍ଧାର କରି ସଦର ଡାକ୍ତରଖାନା ନୂଆପଡ଼ା କୁ ଚିକିତ୍ସା ପାଇଁ ଆଣିଥିଲେ ।ଶ୍ରୀ ବରିହା ଙ୍କ ମୁଣ୍ଡ ରେ ଗଭୀର ଭାବେ ଆଘାତ ହୋଇଛି ବୋଲି ପ୍ରାଥମିକ ଚିକିତ୍ସା ରୁ ଜଣାପଡିଛି ।ସେ ବର୍ତ୍ତମାନ ନୂଆପଡ଼ା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି ।ଏ ସମ୍ପର୍କରେ ଆମ ନୂଆପଡ଼ା ପ୍ରତିନିଧି ବନ୍ୟଜନ୍ତୁ ସଂରକ୍ଷଣ ର ଦାୟିତ୍ଵ ଥିବା ରେଞ୍ଜର ଦିଲ୍ଲିପ ଚମ୍ପତିରାୟ ଙ୍କୁ ସହ କଥାହେବାରୁ ସେ କହିଲେ ଯେ, ମୁଁ ଫରେଷ୍ଟର ଙ୍କୁ ପଠାଉଛି, ଯଦି ଆମ ଅଞ୍ଚଳ ରେ ଏଇ ଘଟଣାଟି ଘଟିଛି ତେବେ ରିପୋର୍ଟ ପାଇଲାପରେ ଆମେ ତାକୁ ଆର୍ଥିକ ସହାୟତା ପାଇଁ ଉପରକୁ ଜଣାଇବୁ ।