05-May-2022

ବିନିକା(ହିମାଂଶୁ ଶେଖର ପୁଟେଲ) ଥରେ ନୁହେଁ କି ଦୁଇଥର ନୁହେଁ ଅତି କମରେ ୪/୫ଥର ଅଭିଯୋଗ କଲେଣି ଲୋକେ ।ହେଲେ ସମସ୍ୟା ଯଥା ପୂର୍ବମ୍ ତଥା ପରମ ହୋଇ ରହିଛି ।ଆଜି ଏହି ନିକଟରେ ଥିବା ମାଁ ଶିତଲା ମନ୍ଦିର ଓ ଦେବୀ ପ୍ରତିମା ପ୍ରତିଷ୍ଠା ଉତ୍ସବ ପାଳନ ହେଉଥିବା ବେଳେ ଶ୍ରଦ୍ଧାଳୁ ଭକ୍ତଙ୍କ ନାହିଁ ନଥିବା ଭିଡ ସମ୍ଭାବନା ରହିଛି । ସୂଚନା ଯୋଗ୍ୟ ଯେ ବିନିକା ସହର ୪ନଂ ୱାର୍ଡରେ ଥିବା କମ୍ୟୁନିଟି ହଲ ସମ୍ଭୁଖରେ ଲହଡ଼ା ମାରୁଥିବା ଡ୍ରେନର ଆବର୍ଜ୍ଜନା ପାଣି ପରିବେଶକୁ ଦୁର୍ଗନ୍ଧମୟ କରିପକାଇଛି । ସ୍ୱଚ୍ଛ,ସୁନ୍ଦର ସହର ଗଠନ ପାଇଁ ସରକାର ପର୍ଯ୍ୟାପ୍ତ ପରିମାଣରେ ଅନୁଦାନ ଯୋଗାଇ ଦେଉଛନ୍ତି ।ସ୍ଥାନୀୟ ଏନଏସି ପ୍ରଶାସନ ଦୃଷ୍ଟିଦେଇ ଏହାର ସମସ୍ୟା ସମାଧାନ କରିବା କଥା ।କିନ୍ତୁ ବିଭିନ୍ନ ସମୟରେ ସ୍ଥାନୀୟ ବାସିନ୍ଦାଙ୍କ ତରଫରୁ ଅଭିଯୋଗ ହେଉଥିଲେ ମଧ୍ୟ ଏଥିପ୍ରତି ପଦକ୍ଷେପ ନନେବା ସାଧାରଣରେ ସନ୍ଦେହ ସୃଷ୍ଟି କରିଛି ।କେତେକ ବ୍ୟକ୍ତି ଉକ୍ତ ସମସ୍ୟାକୁ ନେଇ ସୋସିଆଲ ମିଡିଆରେ ଫଟୋ ସହ କିଛି ମନ୍ତବ୍ୟ ଲେଖି ଭାଇରାଲ କରିଛନ୍ତି ।ତେଣୁ ଲୋକହସା ହେବା ପୂର୍ବରୁ ସ୍ଥାନୀୟ ଏନ ଏସି କର୍ତୁପକ୍ଷ ଦୃଷ୍ଟିଦେଇ ଉକ୍ତ ସମସ୍ୟା ସମାଧାନ କରିବା ଦିଗରେ ପଦକ୍ଷେପ ନେବା ଆବଶ୍ୟକ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି ।