04-May-2022

ବିନିକା(ହିମାଂଶୁ ଶେଖର ପୁଟେଲ) ସବା ଆଗଧାଡିରେ ରହୁଥିବା କବି ଓ ଲେଖକ ହେଉଛନ୍ତି ସମାଜ ସଂସ୍କାରକ ଓ ସତ୍ୟଶିଳ ମଣିଷ ।ଯହିଁ ରବିଙ୍କର କିରଣ ପ୍ରବେଶ କରିପାରେ ନାହିଁ ତହିଁ କବିର କଲମ ହିଁ ଅନୁପ୍ରବେଶ କରି ଆଲୋକିତ କରିବାକୁ ସମର୍ଥ ହୋଇଥାଏ ବୋଲି ବିନିକା ଅନବାଉଣ୍ଡେଣ୍ଟ

ୱିଙ୍ଗସ ଏକାଡେମୀ ଠାରେ ଅନୁଷ୍ଠିତ ବୈଶାଖୀ କବିତା ଆସର ଓ ପୁସ୍ତକ ଉନ୍ମୋଚନ ଉତ୍ସବରେ ମୁଖ୍ୟବକ୍ତା ଭାବେ ଯୋଗଦେଇ ବିଶିଷ୍ଟ ଶିକ୍ଷାବିତ ଡ଼ଃ ଅନିରୁଦ୍ଧ କୁରକୁରିଆ ମତବ୍ୟକ୍ତ କରିଛନ୍ତି ।ସେ ଆହୁରି କହିଛନ୍ତି ଯେ କାର୍ଯ୍ୟକ୍ରମର ଆୟୋୟକ ଡ ପ୍ରତାପ ରଞ୍ଜନ ମହାନ୍ତିଙ୍କ ସଦ୍ୟ ଉନ୍ମୋଚିତ "ଆତ୍ମ ନିର୍ଝର ଓ ବିଲୀନ" କବିତା ପୁସ୍ତକ ଦ୍ବୟ ବାସ୍ତବରେ ଓଡ଼ିଆ ଭାଷା ସାହିତ୍ୟ,ସଂସ୍କୃତି ପ୍ରତି ଅତୁଳନୀୟ ଅବଦାନ । ବୈଶାଖୀ କବିତା ଆସରରେ ପଠିତ କବିତା ଗୁଡ଼ିକର ମାନ ଖୁବ ପ୍ରଶଂସନୀୟ ।ଆଗାମୀ ପିଢ଼ି ପାଇଁ ଏହି ସାହିତ୍ୟ ଉତ୍ସବ ଦୃଷ୍ଟାନ୍ତ ହୋଇ ରହିବ ବୋଲି ଶ୍ରୀ କୂରକୁରିଆ କହିଥିଲେ ।ଆୟୋଜକ ପ୍ରତାପ ମହାନ୍ତି ସ୍ଵାଗତ ଭାଷଣ ପ୍ରଦାନ ଓ ଶିକ୍ଷକ ହିମାଂଶୁ ଭୂଷଣ ପଣ୍ଡାଙ୍କ ସଭାପତିତ୍ବରେ ଅନୁଷ୍ଠିତ ଏହି ସଂଧ୍ୟା କାଳୀନ ଆସରରେ ମୁଖ୍ୟ ଅତିଥି ଭାବେ ବିନିକା ବ୍ଳକ ଅଧ୍ୟକ୍ଷା ଦୀପ୍ତିରେଖା ନନ୍ଦ,ସମ୍ମାନିତ ଅତିଥି ଭାବେ ସିଦ୍ଧାର୍ଥ ଡିଗ୍ରୀ କଲେଜ ଅଧ୍ୟକ୍ଷ ଧୀରେନ୍ଦ୍ର କୁମାର ନାୟକ,ଓଡ଼ିଶା ସଙ୍ଗୀତ ନାଟକ ଏକାଡେମୀ ସଦସ୍ୟ ଶାଶ୍ଵତ ତ୍ରିପାଠୀ,ଅବସରପ୍ରାପ୍ତ ଶିକ୍ଷକ ପ୍ରମୋଦ ପଣ୍ଡା ଯୋଗଦେଇ କବିତା ଆସରର ମହତ୍ତ୍ଵ ତାର ଉପାଦେୟତା ଉପରେ ଆଲୋକପାତ କରିଥିଲେ ।ଏଥିରେ ଅନ୍ୟ ମାନଙ୍କ ମଧ୍ୟରେ ପୁସ୍ତକର ପ୍ରକାଶକ ଅମ୍ବିକା ମହାନ୍ତି ଓ ନିରଞ୍ଜନ ମହାନ୍ତି, ସାହିତ୍ୟକ ତଥା କବି ମାନଗୋବିନ୍ଦ ମେହେର, ନିରଞ୍ଜନ ପଣ୍ଡା,ନୀଳାଚଳ ମେହେର,ଅଖୋଜ ଷାଣ୍ଢ,ଉଷତ କର ମଞ୍ଚାସିନ ଥିଲେ ।ପରେ କବି ଓ କବିୟତ୍ରି ମାନଙ୍କ ଦ୍ଵାରା କବିତା ପାଠ ଉପସ୍ଥିତ ସାହିତ୍ୟ ପ୍ରେମୀଙ୍କୁ ମୁଗ୍ଧ କରିଥିଲା ।ଏହି ଅବସରରେ ମଞ୍ଚାସିନ ଅତିଥି ମାନେ କବିତା ପଠନ କରିଥିବା କବିଙ୍କୁ ମାନପତ୍ର ଦେଇ ସମ୍ମାନିତ କରିଥିଲେ ।ଶେଷରେ ଡ ମହାନ୍ତି ଧନ୍ୟବାଦ ଅର୍ପଣ

କରି ସମାରୋହକୁ ସମାପ୍ତ ଘୋଷଣା କରିଥିଲେ ।ସୂଚନା ଯୋଗ୍ୟ ଯେ ଏନଆଇଟି ରାଉରକେଲା ଠାରେ ସ୍ଵାତୋକତର ଦର୍ଶନଶାସ୍ତ୍ରରେ ଅଧ୍ୟୟନ କରୁଥିବା ବେଳେ ଡ ମହାନ୍ତି ସାହିତ୍ୟ ସାଧନା ଆରମ୍ଭ କରି ଆନ୍ଦ୍ରପ୍ରଦେଶ ସ୍ଥିତ ଏମଆଇଟିଏସ ସ୍ୱୟଂଚାଳିତ ବୈଷୟିକ ମହାବିଦ୍ୟାଳୟ ବୈଦ୍ୟୁତିକ ବିଭାଗରେ ସହଯୋଗୀ ପ୍ରଫେସର ଭାବେ କାର୍ଯ୍ୟରତ ରହି ନିଜ ଜନ୍ମମାଟିରେ ନିଜର ସୁଚରିତ ପୁସ୍ତକ ଉନ୍ମୋଚନକୁ ଗୋୖରବ ବୋଲି କହିଛନ୍ତି ।