23-Jul-2021

ବୀରମହାରାଜପୁର(ବିନୋଦ କୁମାର ପାଣ୍ଡେ)- ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ଉଚ୍ଚ ବିଦ୍ୟାଳୟଠାରେ କ୍ଲଷ୍ଟର ସ୍ତରୀୟ ସାମୁହିକ ବୃକ୍ଷରୋପଣ କାର୍ଯ୍ୟକ୍ରମ ସି.ଆର.ସି.ସି. ଜମ୍ବଶ୍ୱର ଦୀପଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବୀରମହାରାଜପୁର ଉପ ଜିଲ୍ଲାପାଳ ଅଶୋକ ଭୋଇ ମୁଖ୍ୟଅତିଥି ଭାବରେ , ଗୋଷ୍ଠି ଶିକ୍ଷାଧିକାରୀ ଶାନ୍ତନୁ କୁମ୍ଭକାର, ସୁବଳୟା ଫରେଷ୍ଟ ରେଞ୍ଜର୍ ଅବିନାଶ ବରିହା, ସୁବଳୟା ସମିତିସଭ୍ୟ ରଞ୍ଜିତ କୁମାର ରଥ, ସରପଂଚ ଲିଲି ପାତ୍ର, ହାଇସ୍କୁଲର ପ୍ରଧାନଶିକ୍ଷୟିତ୍ରୀ ସ୍ୱର୍ଣ୍ଣଲତା ବେହେରା ପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦାନ କରି ବୃକ୍ଷରୋପଣର ଉପାଦେୟତା ଓ ସବୁଜ ବନାନୀର ମାନବ ସମାଜ ପ୍ରତି ଅବଦାନ ସଂପର୍କରେ ଆଲୋକପାତ କରିଥିଲେ ।  ଗୋଷ୍ଠି ଶିକ୍ଷା ଅଧିକାରୀ ଶ୍ରୀକୁମ୍ଭକାରଙ୍କ ପ୍ରେରଣାରେ ଆୟୋଜିତ ସଭାକାର୍ଯ୍ୟକୁ  ଜିଲ୍ଲା ଜୁନିଅର ରେଡକ୍ରସ ସାଧନକର୍ମି ତଥା ସୁବଳୟା ହାଇସ୍କୁଲର ଜୁନିଅର ରେଡକ୍ରସ ପରାମର୍ଶଦାତା ଚନ୍ଦ୍ରମଣି ବାଘ ସଂଯୋଜନା କରିଥିଲେ । ଶିକ୍ଷୟିତ୍ରୀ ଶମ୍ପା ବିଶ୍ୱାଲ ସ୍ୱାଗତ ଅଭିଭାଷଣ ଦେବା ସହିତ ଅତିଥି ମାନଙ୍କ ପରିଚୟ ପ୍ରଦାନ କରିଥିବା ବେଳେ  ଶିକ୍ଷକ ସନ୍ତୋଷ ସାହୁ ଧନ୍ୟବାଦ ଅର୍ପଣ କରିଥିଲେ । ସଭା କାର୍ଯ୍ୟକ୍ରମର ପରେ ପରେ ସୁବଳୟା ହାଇସ୍କୁଲ ଖେଳ ପଡିଆରେ ସାମୁହିକ ଭାବରେ ସମସ୍ତ ଅତିଥି ଏବଂ ଶିକ୍ଷକ  ବୃନ୍ଦ ନିମ୍ବ, କରଂଜ,ଜାମୁ, ପଣସ, ଶାଗୁଆନ ପ୍ରଭୃତି ୨୦୦ ଗୋଟି ବୃକ୍ଷରୋପଣ  କରିଥିଲେ । କାର୍ଯ୍ୟକ୍ରମରେ ସୁବଳୟା କ୍ଲଷ୍ଟରର ସମସ୍ତ ଶିକ୍ଷକ ଓ ଶିକ୍ଷା କର୍ମଚାରୀ ସହଯୋଗ କରିଥିଲେ ।