25-May-2021

ଭୁବନେଶ୍ୱର: ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଅବପାତ(ଡିପ୍ରେଶନ) ସୋମବାର ଭୟଙ୍କର ବାତ୍ୟାରେ ପରିଣତ ହୋଇଛି। ଏହା ପାରାଦୀପଠାରୁ ପୂର୍ବ ଦକ୍ଷିଣ-ଦକ୍ଷିଣ ପୂର୍ବ ଦିଗରେ ୫୨୦ କିଲୋମିଟର ଏବଂ ବାଲେଶ୍ୱରର ଦକ୍ଷିଣ ଦକ୍ଷିଣ ପୂର୍ବ ଦିଗରେ ୬୦୦ କିଲୋମିଟର ଦୂରରେ କେନ୍ଦ୍ରୀଭୂତ ହୋଇଛି। ଏଥିସହିତ ବାତ୍ୟା ପଶ୍ଚିମବଙ୍ଗର ଦିଘାଠାରୁ ଦକ୍ଷିଣ-ଦକ୍ଷିଣ ପୂର୍ବ ଦିଗର ୫୯୦ କିଲୋମିଟର ଦୂରରେ ରହିଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି। ଏହା ଧୀରେ ଧୀରେ ଉତ୍ତର-ଉତ୍ତର ପଶ୍ଚିମ ଦିଗ ଦେଇ ଗତି କରୁଛି। ଆସନ୍ତା ୨୪ ଘଣ୍ଟା ମଧ୍ୟରେ ଏହା ଅତି ଭୟଙ୍କର ରୂପ ଧାରଣ କରି ଉପକୂଳ ମୁହାଁ ହେବ। ୨୬ ତାରିଖ ସକାଳେ ଏହା ବାଲେଶ୍ୱର ଚାନ୍ଦିପୁର ନିକଟରେ ମାଡ଼ ହେବା ନେଇ ପୂର୍ବାନୁମାନ କରାଯାଉଛି।

ବାତ୍ୟା ‘ୟାସ’ର ଅପଡେଟ୍‌

– ମେ’ ୨୬ତାରିଖ ମଧ୍ୟାହ୍ନରେ ଲ୍ୟାଣ୍ଡଫଲ କରିବ ବାତ୍ୟା ‘ୟାସ’

– ବାଲେଶ୍ୱର ଚାନ୍ଦିପୁର ନିକଟରେ ମାଡ଼ ହେବା ନେଇ ପୂର୍ବାନୁମାନ

– ପାରାଦୀପଠାରୁ ୪୯୦କି.ମି.ଦୂରରେ ରହିଛି ବାତ୍ୟା ୟାସ

– ବାଲେଶ୍ୱରଠାରୁ ୫୯୦କିମି ଦୂରରେ ରହିଛି

– ସମୁଦ୍ରରେ ପବନର ବେଗ ୬୫ରୁ ୮୫କି.ମି. ରହିଛି

– ଲ୍ୟାଣ୍ଡଫଲ ସମୟରେ ପବନର ବେଗ ୧୫୫ରୁ ୧୮୫କିମି ରହିବ

– ଉପକୂଳ ଅଞ୍ଚଳରେ ୪୦ରୁ ୫୦କି.ମି. ଭିତରେ ପବନ ହେଉଛି

– ଜଗତସିଂହପୁର, କେନ୍ଦ୍ରାପଡ଼ା, ବାଲେଶ୍ୱର, ଭଦ୍ରକରେ ବାତ୍ୟାର ପ୍ରଭାବ ବେଶି ରହିବ
ଏହି ଜିଲାଗୁଡିକରେ ୧୨୦ରୁ ୧୬୦କି.ମି. ବେଗରେ ପବନ ବହିପାରେ

-ଖୋର୍ଦ୍ଧା ଓ ପୁରୀ ଜିଲାରେ ୯୦ରୁ ୧୨୦କି.ମି. ବେଗରେ ପବନ ହୋଇପାରେ

– ମଙ୍ଗଳବାର ଭୀଷଣ ବାତ୍ୟାର ରୂପ ନେବ ୟାସ

– ୨ରୁ ୪ମିଟର ପର୍ଯ୍ୟନ୍ତ ସାମୁଦ୍ରିକ ଜୁଆର ଉଠିବା ସମ୍ଭାବନା

– ପାରାଦୀପ ଓ ଧାମରା ପାଇଁ ବିପଦ ସଙ୍କେତ ୪ ଜାରି

– ପୁରୀ ଓ ଗୋପାଳପୁର ପାଇଁ ବିପଦ ସଙ୍କେତ ୩

ସୋମବାରଠାରୁ କେନ୍ଦ୍ରାପଡ଼ା, କୋଣାର୍କ, ଚନ୍ଦ୍ରଭାଗା, ବାଲେଶ୍ୱର, ଭଦ୍ରକ ଆଦି ଅଞ୍ଚଳରେ ବର୍ଷା ଆରମ୍ଭ

– ବାତ୍ୟା ପ୍ରଭାବିତ ହେବାକୁ ଥିବା ଅଞ୍ଚଳବାସୀ ପକ୍କା ଘର ଓ ବାତ୍ୟା ଆଶ୍ରୟସ୍ଥଳୀକୁ ଯିବାକୁ ମୁଖ୍ୟମନ୍ତ୍ରୀଙ୍କ ପରାମର୍ଶ। (ଦୀପକ କୁମାର ଷଡଙ୍ଗୀ ଙ୍କ ରିପୋର୍ଟ)