14-Nov-2026

(ମନୋରଞ୍ଜନ ତ୍ରିପାଠୀ )
ୟୁଜିସି ବିଲକୁ ସମ୍ପୁର୍ଣ୍ଣ ପ୍ରତିହାର ଦାବିରେ 
ଜିଲ୍ଲା ବ୍ରାହ୍ମଣ ସମାଜ ପକ୍ଷରୁ ମହାମହିମ ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କ ଉଦ୍ଧେଶ୍ୟରେ ଦାବିପତ୍ର ପ୍ରଦାନ।
ଜାତି ସମାଜର ଉନ୍ନତି ପାଇଁ ଏକତ୍ରିତ ହେଲେ ବ୍ରାହ୍ମଣ
ସମୟ ସହିତ ବଦଳୁଥିବା ସାମାଜିକ ପରିବେଶରେ ନିଜ ଅସ୍ତିତ୍ୱ, ଅଧିକାର ଓ ଉନ୍ନତିର ସ୍ୱରକୁ ଆହୁରି ଦୃଢ଼ କରିବା ପାଇଁ ଏକତ୍ରିତ ହୋଇଛନ୍ତି ବ୍ରାହ୍ମଣ ସମାଜର ସଦସ୍ୟମାନେ। ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ମୁଣ୍ଡଘାଟ ସ୍ଥିତ ଆର ଏମସି ପ୍ରାଙ୍ଗଣରେ ଆଜି ଜିଲ୍ଲା କମିଟି ଗଠନ ସହ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇ ଯାଇଛି। 
ବ୍ରାହ୍ମଣ ସମାଜର ଜିଲ୍ଲା ସଭାପତି ହେଲେ ଡ଼. ପ୍ରଫୁଲ୍ଲ କୁମାର ରଥ । ସମାଜର ବିଭିନ୍ନ ସମସ୍ୟା, ଚ୍ୟାଲେଞ୍ଜ ଓ ଭବିଷ୍ୟତ କାର୍ଯ୍ୟପନ୍ଥା କୁ ନେଇ ବିସ୍ତୃତ ଆଲୋଚନା ହୋଇଛି। ସମାଜର ପ୍ରତିନିଧିମାନେ ଅଭିଯୋଗ କରିଛନ୍ତି ଯେ, ଶିକ୍ଷାଠାରୁ ଆରମ୍ଭ କରି ନିଯୁକ୍ତି କ୍ଷେତ୍ର ପର୍ଯ୍ୟନ୍ତ ବ୍ରାହ୍ମଣ ସମାଜକୁ ଉଚିତ ଗୁରୁତ୍ୱ ମିଳୁନାହିଁ। ଏହି ପରିସ୍ଥିତିରେ ସଂଗଠିତ ହୋଇ ସାମାଜିକ ଓ ଶିକ୍ଷାଗତ ଉନ୍ନତି ପାଇଁ ସଂଘବଦ୍ଧ ଭାବେ ଆଗକୁ ବଢ଼ିବାକୁ ବୈଠକରେ ମତପ୍ରକାଶ ପାଇଛି।
ଆଗାମୀ ଦିନରେ ଜିଲ୍ଲା ସଦର ମହକୁମାରେ ୫୦ ହଯାର ରୁ ଉର୍ଦ୍ଧ ବ୍ରାହ୍ମଣ ଙ୍କୁ ନେଇ ଏକ ବିଶାଳ ସଭାର ଆୟୋଜନ କରା ଯିବା ପାଇଁ ନିଷ୍ପତ୍ତି ହୋଇଛି। ସମାଜର ଏକତା, ସଂଗଠନ ଓ ସଚେତନତା ହିଁ ଉନ୍ନତିର ପ୍ରମୁଖ ମାର୍ଗ ବୋଲି ବକ୍ତାମାନେ ମତ ପ୍ରକାଶ କରିଥିଲେ।