10-Nov-2026

ବିନିକା (ହିମାଂଶୁ ଶେଖର ପୁଟେଲ)ବିନିକା କଂସାରୀପଡ଼ା ସ୍ଥିତ ଦଧିବାମନ ମନ୍ଦିର ପ୍ରାଙ୍ଗଣରେ ଗିରି ଗୋବର୍ଦ୍ଧନ ପୂଜା ମହାଆଡ଼ମ୍ବରରେ ମଙ୍ଗଳବାର ପାଳିତ ହୋଇଛି। ସକାଳୁ କଂସାରୀପଡ଼ା ସ୍ଥିତ ମାଁ ପୂର୍ଣ୍ଣମାସି (ବ୍ରଜବିହାରୀ) ମନ୍ଦିରରୁ ରାଧାକୃଷ୍ଣ ଓ ଘୁଣ୍ଡୁ ଗୋପାଳଙ୍କୁ ବାଦ୍ୟ ବାଜଣା ସହ ଆଣି ସ୍ଥାନୀୟ ଦଧିବାମନ ମନ୍ଦିର ପ୍ରାଙ୍ଗଣରେ ରୀତିନୀତି ଅନୁସାରେ ପୂଜା କରାଯାଇଥିଲା।ପୂଜା ପରେ କମିଟି ସଭାପତି ମନୋଜ ଦାସ ଓ ସମ୍ପାଦକ ପଦ୍ମଲୋଚନ ଦାସଙ୍କ ନେତୃତ୍ୱରେ ଶତାଧିକ ଭକ୍ତ ଘଣ୍ଟ, ଶଙ୍ଖ ଧ୍ୱନିରେ ପ୍ରଭୁଙ୍କୁ ଏକ ବିରାଟ ଶୋଭାଯାତ୍ରାରେ ସହର ପରିକ୍ରମା କରାଇ ଯୋଗେଶ୍ୱର ମନ୍ଦିର ନିକଟ ବନଦୁର୍ଗା ପ୍ରାଙ୍ଗଣକୁ ପହଞ୍ଚିଥିଲେ। ସହରର ବିଭିନ୍ନ ଛକରେ ଭକ୍ତମାନେ ପ୍ରଭୁଙ୍କୁ ଦର୍ଶନ କରି ପୁଷ୍ପମାଲ୍ୟ ଅର୍ପଣ କରିଥିଲେ।ସେଠାରେ ପୂଜକ ସର୍ବେଶ୍ୱର ପୁରୋହିତ ଓ ମାନଭଞ୍ଜନ ପୂଜାରୀଙ୍କ ଦ୍ୱାରା ଗୋବର୍ଦ୍ଧନ ପୂଜା କାର୍ଯ୍ୟ ମହା ଆଡ଼ମ୍ବର ପୂର୍ଣ୍ଣ ଭାବେ ସମ୍ପନ୍ନ ହୋଇଥିଲା। ଏଥିରେ କର୍ତ୍ତା ଭାବେ କୃଷ୍ଣଚନ୍ଦ୍ର ଦାସ ଓ ତାଙ୍କ ଧର୍ମପତ୍ନୀ ଦାୟିତ୍ୱ ନିର୍ବାହ କରିଥିଲେ।ଏହି ଅବସରରେ ଭଗବାନଙ୍କୁ ଛପନ ଭୋଗ ବା ଅନ୍ନକୂଟ ଲାଗି କରାଯାଇ ଗୋମାତାଙ୍କୁ ପୂଜା କରାଯାଇଥିଲା। ପୂଜା ପରେ ଭକ୍ତମାନଙ୍କ ମଧ୍ୟରେ ପ୍ରସାଦ ବଣ୍ଟନ କରାଯାଇଥିଲା।
ସଂଘର ସଦସ୍ୟ ରଘୁନାଥ ମାହାଣା,ଶିବଶଙ୍କର ଦାସ,ଜୟନାରାୟଣ ସାହୁ,ଦେବାଂଶୁ ସାହୁ, ସୀତାରାମ ମାହାଣା,ସୀତାରାମ ଦାସ,ସଂଜୟ ସାହୁ,ବବଲୁ ସାହୁ,ନିତ୍ୟ ଗୋବିନ୍ଦ ସାହୁ, ରଣଜିତ୍ ମାହାଣା,ବଣ୍ଟି ସାହୁ,ସାଜିତ୍ ସାହୁ,ରାମଚନ୍ଦ୍ର ଦାସ,ରମାକାନ୍ତ ଦାସ୍,ରାଜେନ୍ଦ୍ର ମାହାଣା ପ୍ରମୁଖଙ୍କ ସମେତ ସମସ୍ତ ସଦସ୍ୟ ସହଯୋଗ କରିଥିଲେ। ସେହିପରି ଅନ୍ୟ ପକ୍ଷରେ ଗୁଲୁଣ୍ତା,ଜାମଛାପର,ଘାଟି ଜାମପାଲି,ତେଲିପାଲି,ଅଏଁଲାମୁଣ୍ଡା,ନାରାଣଟିକିରା ପ୍ରଭୃତି ସ୍ଥାନରେ ଗିରି ଗୋବର୍ଦ୍ଧନ ପୂଜା ମହାସମାରୋହରେ ପାଳିତ ହୋଇଯାଇଛି ।