03-Oct-2026

ଲୋଇସିଂହା, (ପ୍ରେରଣା ଖବର) ବୁଢ଼ୀପଦର୍ ଗ୍ରାମ ପଞ୍ଚାୟତ ଠାରେ ଅକ୍ଟୋବର ୨ ଗାନ୍ଧୀ ଜୟନ୍ତୀ ଅବସରରେ ଗ୍ରାମ ସଭା ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ ସ୍ଥାନୀୟ ସରପଂଚ ଶ୍ରୀମତୀ ଲକ୍ଷ୍ମୀ ପାଧାନ୍, ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ଅକ୍ଷୟପାଣି ଉଡୁ, କନିଷ୍ଠ ଯନ୍ତ୍ରୀ ଶ୍ରୀଯୁକ୍ତ କେଦାରନାଥ ମେହେର,ବି.ଆର୍.ସି ଶ୍ରୀଯୁକ୍ତ ଛବିଳ କୁମ୍ଭାର, ପି.ଇ.ଓ ଶ୍ରୀଯୁକ୍ତ ପ୍ରହଲ୍ଲାଦ ବେହେରା, ଏ.ଡି.ଇ ଓ ଶ୍ରୀଯୁକ୍ତ ଜିତେନ୍ଦ୍ରିୟ ସାହୁ, ବିଶିଷ୍ଟ ସମାଜ ସେବୀ ଶ୍ରୀଯୁକ୍ତ ଯୁଧିଷ୍ଟିର ପଧାନ୍ ଙ୍କ ସହ ଜିଲ୍ଲା ସ୍ତରୀୟ କର୍ମଚରୀ ପ୍ରମୁଖ ଯୋଗ ଦେଇଥିଲେ । ଏହା ସହିତ ଗ୍ରାମ ପଞ୍ଚାୟତ ର ୱାର୍ଡ ସଭ୍ୟ/ସଭ୍ୟା, ଆଶା କର୍ମୀ, ଏମ.ବି.କେ, ସି.ଆର୍.ପି.ସି.ଏମ୍, ମେଟ୍, ଏସ୍.ଏଚ.ଜି ସଦସ୍ୟା, ଭି.ବି.ଜି.ରାମ. ଜି ଶ୍ରମିକ ଓ ବଜନସାଧାରଣ କାର୍ଯ୍ୟକ୍ରମ ରେ ସାମିଲ ଥିଲେ । ଏହି କାର୍ଯ୍ୟକ୍ରମ ରେ ଆଜି ପ୍ରଥମେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ଉଡୁ ମହାତ୍ମା ଗାନ୍ଧୀଙ୍କ ଫଟୋ ଚିତ୍ର ରେ ପୁଷ୍ପମାଲ୍ୟ ଦେଇଥିଲେ l ସରପଞ୍ଚ ଶ୍ରୀମତୀ ଲକ୍ଷ୍ମୀ ପଧାନ ତାଙ୍କର ସ୍ବାଗତ ଭାଷଣ ରେ ସମସ୍ତଙ୍କୁ ସ୍ବାଗତ କରିବା ସହ ଗ୍ରାମ ସଭାର ବିଷୟ ବସ୍ତୁ ଉପରେ ଆଲୋକପାତ କରିଥିଲେ l ଶ୍ରୀଯୁକ୍ତ ଅଭିଜିତ ପଣ୍ଡା ମହାଶୟ ଶିଶୁ ଶ୍ରମିକ କିପରି ରୋକା ଯାଇ ପାରିବ ସେ ବିଷୟ ରେ କିପରି ଲୋକେ ସଚେତନ ହେବେ ସେ ଉପରେ ବକ୍ତବ୍ୟ ରଖିଥିଲେ l ଶ୍ରୀମତୀ ବବିତା ପ୍ରଧାନ ମାଡlମ୍ ଅତି ସୁନ୍ଦର ସରଳ ଭାବରେ ଉପସ୍ଥିତ ଜନସାଧାରଣ ଙ୍କୁ ସ୍ବାସ୍ଥ୍ୟ ଓ ସ୍ବଚ୍ଛତା ବିଷୟରେ ବୁଝାଇଥିଲେ l ସଫେଇ କାର୍ଯ୍ୟରେ ଉଲ୍ଲେଖନୀୟ କାର୍ଯ୍ୟ ପାଇଁ ବୁଢିପଦର୍ ଗ୍ରାମ ପଞ୍ଚାୟତକୁ,ମା ଲକ୍ଷ୍ମୀ ଏସ୍.ଏଚ୍ଚ.ଜି ଓ ସଫେଇ ମିତ୍ର ଜୟକୃଷ୍ଣ ସୁନା ଙ୍କୁ ଆଜି କାର ସଭାରେ ବ୍ଲକ୍ ତରଫରୁ ସମ୍ମାନିତ କରାଯାଇଥିଲା l ସରକାରଙ୍କ ବିଭିନ୍ନ ପ୍ରକାର ଯୋଜନା ବିଷୟ ରେ ପି.ଇ.ଓ ଉପସ୍ଥାପନ କରିଥିଲେ ଓ ବହୁ ସଂଖ୍ୟାରେ ଆସି ଗ୍ରାମ ସଭାରେ ଅଂଶ ଗ୍ରହଣ କରିଥିବାରୁ ସମସ୍ତ ଙ୍କୁ ଧନ୍ୟବାଦ ଦେଇଥିଲେ l