03-Oct-2026

ବରପାଲି -(ସୁଦାମ ଦୀପ )ବରଗଡ ଜିଲ୍ଲା ଜଟଲା ଶ୍ରୀଗିଡା ଠାରେ ସଂଯୁକ୍ତ ଯୁବ ସଂଗଠନ ଦ୍ୱାରା ପରିଚାଳିତ ଶାନ୍ତି ତପୋବନ ଆଶ୍ରମ, ମାତୃଛାୟା, ବାନପ୍ରସ୍ଥ ତଥା ନର ନାରାୟଣ ସେବା ମନ୍ଦିର,  ଠାରେ ଶୋଡ଼ଷ ତମ ଅନ୍ତର୍ଜାତୀୟ ବରିଷ୍ଠ ନାଗରିକ ଦିବସ ପାଳିତ ହୋଇଯାଇଛି lଏହି ଦିବସ ପାଳନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସମାଜସେବୀ ଶ୍ରୀ ଶ୍ୟାମ ସୁନ୍ଦର ଅଗ୍ରୱାଲ, ମୁଖ୍ୟ ବକ୍ତା ଶ୍ରୀ ଉତ୍ପନ୍ନ ଭୋଇ, ସମ୍ମାନିତ ଅତିଥି ଶ୍ରୀମତୀ ନିରଜ ଅଗ୍ରୱାଲ, ବ୍ରହ୍ମକୁମାରୀ ତପସ୍ୱିନୀ ଓ ବରପାଲି ଫାର୍ମାସିଷ୍ଟ କଲେଜର ଅଧ୍ୟକ୍ଷ ଶ୍ରୀଯୁକ୍ତ ନରେନ୍ଦ୍ର କୁମାର ହୋତା ଯୋଗଦେଇ ଉଦବୋଧନ ଦେଇଥିଲେ l 
ଶତାୟୁ ସମ୍ମାନ ଶ୍ରୀମତୀ ସୁଦେବୀ ମିଶ୍ର ୧୦୩ ବର୍ଷ ନିବାସୀ ଖରମୁଣ୍ଡା (ଭଟଲି ) ଓ ଶ୍ରୀ ଗୋପୀନାଥ ନାୟକ ୧୦୦ ବର୍ଷ,ନିବାସୀ ଭଟଲି ଙ୍କୁ ଶତାୟୁ ସମ୍ମାନ  ୨୦୨୬ ପ୍ରଦାନ କରିଥିବା ବେଳେ ଅଏନ ପୋ ବହ ସମ୍ମାନ ଶ୍ରୀମତୀ ନୀଳିମା ପାଢୀ ସ୍ୱାମୀ ଶ୍ରୀ ସତ୍ୟନାରାୟଣ ପାଡ଼ି କୁଦପାଲି, ଭେଡେନ ଙ୍କୁ ସମ୍ମାନିତ କରା ଯାଇଥିଲା l ଗତ ଜୁନ ମାସରେ ମାତୃଛାୟା ର ଅନ୍ତେବାସିନୀ ଅଣଜାତିର ଯମୁନା କୁ ଜାତି ସମାଜକୁ ସାଙ୍ଗରେ ନେଇ ବୈଦିକ ଓ ସମାଜ ପରମ୍ପରା ଅନୁଶାରେ ବିଧିବଦ୍ଧ ଭାବେ ବରଯାତ୍ରୀ ଆସି ତାଙ୍କ ପୁଅ ସହ ଯମୁନା ସହିତ ବିବାହ କରି ଗୃହକୁ ନେଇ ମହାନ କାର୍ଯ୍ୟ କରିଥିବାରୁ କୁଲୁଣ୍ଡା ଗ୍ରାମର ଅତାବିରା ଶ୍ରୀ ରାଜିନ୍ଦ୍ର ସାହୁ ଙ୍କୁ ପୁଷ୍ପ ଗୁଚ୍ଛ ଓ ଉତ୍ତରୀୟ ଦେଇ ସମ୍ମାନିତ କରା ଯାଇଥିଲା l ଏହି ଅବସରରେ ମାତୃଛାୟା ରେ ନବ ଜନ୍ମିତ ଶିଶୁ କନ୍ୟା ର ନାମକରଣ ଅତିଥି ମାନଙ୍କ ଦ୍ୱାରା ଦତ୍ତ ଶାନ୍ତି ପ୍ରିୟା ନାମରେ ନାମିତ କରା ଯାଇଥିଲା l ଶ୍ରୀ ସୁନୀଲ ବାରିକ ଗୌନ୍ତିଆ ଶ୍ରୀଗିଡା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଆଶ୍ରମ ମୁଖ୍ୟ ଶ୍ରୀ ଦେବଦତ୍ତ ତ୍ରିପାଠୀ  ଦିବସର ଉଧ୍ୟେଷ୍ୟ ଓ ବାନପ୍ରସ୍ଥ ର ବାର୍ଷିକ ବିବରଣୀ ପ୍ରଦାନ କରିଥିଲେ l ଲବଙ୍ଗ ସାହୁ ଉଦ୍ଘାଟନୀ ସଂଗୀତ  ଓ  ଭଜନ,  ଶ୍ରୀମତୀ ପଂକିଜିନି ସୁନା ଗାଇଥିଲେ l ସଂଯୁକ୍ତ ଯୁବ ସଂଙ୍ଘଠନ ସଭାପତି ଶ୍ରୀ ସୁରେନ୍ଦ୍ର ମେହେର ସଭାକୁ ସଂଯୋଜନା କରିଥିବାବେଳେ ଅବସରପ୍ରାପ୍ତ ଶିକ୍ଷକ ଶ୍ରୀ ଯତୀନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ l