20-Sep-2026

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ନାରାୟଣପ୍ରସାଦ ପଞ୍ଚାୟତ ଅନ୍ତର୍ଗତ ସିଲେଟପଡ଼ାରେ ଶ୍ରୀ ସତ୍ୟସାଇ ସେବା ସଂଗଠନ ପକ୍ଷରୁ ପରିବେଶ ସୁରକ୍ଷା ଓ ସନ୍ତୁଳନ ରକ୍ଷା ଉଦ୍ଦେଶ୍ୟରେ ଏକ ମେଗା ସାମୂହିକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଶ୍ରୀ ଚେତାନନ୍ଦ ରଣାଙ୍କ ପ୍ରୟାସରେ ଆୟୋଜିତ ଏହି

କାର୍ଯ୍ୟକ୍ରମରେ ପ୍ରଥମେ କର୍ତ୍ତା ଚେତାନନ୍ଦ ରଣା ଓ ତାଙ୍କ ପତ୍ନୀ ନମିତା ରଣାଙ୍କ ଦ୍ୱାରା ଶ୍ରୀ ସତ୍ୟସାଇଙ୍କ ପୂଜାର୍ଚ୍ଚନା ଓ ସଂକୀର୍ତ୍ତନ କରାଯାଇଥିଲା। ପରେ ବୃକ୍ଷଦେବତାଙ୍କୁ ଆହ୍ୱାନ କରି ବିଧିବିଧାନ ଅନୁଯାୟୀ ସାମୂହିକ ବୃକ୍ଷରୋପଣ ଆରମ୍ଭ କରାଯାଇଥିଲା।ଏହି ଅବସରରେ ଶ୍ରୀ ସତ୍ୟସାଇ ସେବା

ସଂଗଠନର ସଦସ୍ୟ ଦଶରଥ ଦିଶ୍ରି , ଜୀବର୍ଦ୍ଧନ ରଣା, ଜଗନ୍ନାଥ ରଣା, ଦେବକୀ କଅଁର, ଜଳନ୍ଧର ରଣା, ଘାସିରାମ ରଣା, ସୁଶାନ୍ତ ମହାକୁଡ଼,ନରୁତ ଦିଶ୍ରି ,ରାଜକୁମର ଦିଶ୍ରି ,ଝସକେତନ ରଣା ପ୍ରମୁଖ ସମସ୍ତ ସଦସ୍ୟଙ୍କ ସମେତ ଗ୍ରାମବାସୀ ଉତ୍ସାହର ସହ ଯୋଗଦେଇ ସିଲେଟପଡ଼ାରୁ ଉଡେନ ରାସ୍ତାର ଦୁଇ କଡ଼ରେ ବୃକ୍ଷରୋପଣ କରିଥିଲେ। ପରିବେଶର ସୁରକ୍ଷା, ସବୁଜିମା ବୃଦ୍ଧି ଏବଂ ଆଗାମୀ ପିଢ଼ି ପାଇଁ ସୁସ୍ଥ ପରିବେଶ ଗଠନ ଦିଗରେ ଏଭଳି ପଦକ୍ଷେପ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଉପସ୍ଥିତ ସଦସ୍ୟମାନେ ମତ ପ୍ରକାଶ କରିଥିଲେ।