09-Jun-2026

ବଲାଙ୍ଗିର, ସକମା: ଗତକାଲି ପ୍ରକାଶିତ ହୋଇଥିବା ଓଡ଼ିଶା ଯୁକ୍ତ ପ୍ରବେଶିକା ପରୀକ୍ଷା (ଓଯେଇଇ) ଫଳାଫଳରେ ଏମ୍‌ସିଏ ଓ ଏମ୍‌ବିଏ ପାଠ୍ୟକ୍ରମରେ ନାମଲେଖା ପାଇଁ ୟୁଭୋଦୟା କଲେଜ ଅଫ୍ ଆଡଭାନ୍ସଡ୍ ଟେକ୍ନୋଲୋଜି, ସକମା, ବଲାଙ୍ଗିର ଏକ ଉଲ୍ଲେଖନୀୟ ସଫଳତା ହାସଲ କରିଛି। କଲେଜର ଛାତ୍ର ରୋହନ କୁମାର ତ୍ରିପାଠୀ ଓଜେଇଇ ପରୀକ୍ଷାରେ ୬୨ତମ ରାଙ୍କ ହାସଲ କରିଥିବା ବେଳେ ଦୀପେନ କୁମାର ହଁସ ୧୪୬ତମ ରାଙ୍କ ଏବଂ ବିଶ୍ମୟ ପ୍ରକାଶ ଦିକ୍ଷିତ ୧୫୧ତମ ରାଙ୍କ ଅଧିକାର କରିଛନ୍ତି। ଏହା ସହିତ କଲେଜର ମୋଟ ୩୦ ଜଣ ଛାତ୍ରଛାତ୍ରୀ ପରୀକ୍ଷାରେ ଅଂଶଗ୍ରହଣ କରିଥିବା ବେଳେ ସେମାନଙ୍କ ମଧ୍ୟରୁ ୧୫ ଜଣ ପ୍ରଥମ ୧୦୦୦ ରାଙ୍କ ମଧ୍ୟରେ ସ୍ଥାନ ପାଇଛନ୍ତି ଏବଂ ସମସ୍ତ ୩୦ ଜଣ ୨୦୦୦ ରାଙ୍କ ମଧ୍ୟରେ ରହିଛନ୍ତି।
ଏହି ଚମତ୍କାର ସଫଳତାକୁ ପଶ୍ଚିମ ଓଡ଼ିଶା ଏବଂ ବଲାଙ୍ଗିର ଜିଲ୍ଲା ପାଇଁ ଏକ ଐତିହାସିକ ମାଇଲଖୁଣ୍ଟ ବୋଲି ଶିକ୍ଷା  ମହଳରେ ମତ ପ୍ରକାଶ ପାଉଛି। ଏହି ଫଳାଫଳ ଦ୍ୱାରା ଯୁବୋଦୟ  କଲେଜର ଛାତ୍ରଛାତ୍ରୀମାନେ ରାଜ୍ୟର ବିଭିନ୍ନ ସରକାରୀ ଓ ପ୍ରତିଷ୍ଠିତ ଶିକ୍ଷାନୁଷ୍ଠାନରେ ଏମ୍‌ସିଏ ଓ ଏମ୍‌ବିଏ ପାଠ୍ୟକ୍ରମ ପାଇଁ ସରକାରୀ ଆସନରେ ନାମଲେଖା କରିବାର ସୁଯୋଗ ପାଇପାରିବେ।
ମହାବିଦ୍ୟାଳୟ ଚଳିତ ବର୍ଷ ୫ରୁ ଅଧିକ କ୍ୟାମ୍ପସ ଚୟନ ପକ୍ରିୟାରେ ଭାଗନେଇ ୧୦ ରୁ ଅଧିକ ଛାତ୍ରଛାତ୍ରୀ ବିଭିନ୍ନ ଅନୁଷ୍ଠାନରେ ଚାକିରି ପାଇବାରେ ସକ୍ଷମ ହୋଇପାରିଛନ୍ତି | 
ଏହି ଅବସରରେ କଲେଜର ଅଧ୍ୟକ୍ଷ ସମସ୍ତ କୃତୀ ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି। କଲେଜର ନିର୍ଦ୍ଦେଶକ ଶ୍ରୀ ଅମ୍ବରୀଶ ଦାଶ କହିଛନ୍ତି ଯେ, “ଆମେ କେବଳ ଛାତ୍ରଛାତ୍ରୀଙ୍କ ନିଯୁକ୍ତି ଉପରେ ଗୁରୁତ୍ୱ ଦେଉନାହୁଁ, ବରଂ ସେମାନଙ୍କ ଉଚ୍ଚଶିକ୍ଷା ଓ କ୍ୟାରିୟର ଉନ୍ନତି ପାଇଁ ମଧ୍ୟ ସମାନ ଭାବରେ କାର୍ଯ୍ୟ କରୁଛୁ। ବିସିଏ ଓ ବିବିଏ ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା କ୍ଷେତ୍ରରେ ସଫଳତାର ଶିଖରରେ ପହଞ୍ଚାଇବା ହିଁ ଆମର ଲକ୍ଷ୍ୟ, ଏବଂ ଏହି ଫଳାଫଳ ସେହି ପ୍ରୟାସର ଏକ ସଫଳ ପ୍ରତିଫଳନ।”
ଏହି ଅସାଧାରଣ ସଫଳତା ପରେ କଲେଜ ପରିବାର, ଶିକ୍ଷକ, ଅଭିଭାବକ ଏବଂ ଛାତ୍ରଛାତ୍ରୀଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି। ୟୁଭୋଦୟା କଲେଜର ଏହି କୃତିତ୍ୱ ପଶ୍ଚିମ ଓଡ଼ିଶାରେ ଗୁଣାତ୍ମକ ଉଚ୍ଚଶିକ୍ଷା ପ୍ରଦାନ କ୍ଷେତ୍ରରେ ଏକ ନୂତନ ମାନଦଣ୍ଡ ସୃଷ୍ଟି କରିଛି।