09-Jun-2026

ସୋନପୁର (ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ଜିଲ୍ଲାର ସଦର ମହକୁମା ର ସ୍ମାର୍ଟ ପାର୍କ ଠାରେ ପତଞ୍ଜଳି ଜିଲ୍ଲା ଯୋଗ ପରିବାର, ଆୟୁଷ ମନ୍ତ୍ରଣାଳୟ ଭାରତ ଓ ଦିବ୍ୟ ଉର୍ଜ୍ଜ୍ୟା ଯୋଗ ସେବା ସମିତି ର ମିଳିତ ଆନୁକୂଲ୍ୟରେ ଏକ ଦିବସୀୟ ଯୋଗ ପ୍ରଶିକ୍ଷଣ ଶିବିର ଆୟୋଜିତ ହୋଇ ଯାଇଛି l ଏବଂ ଆଗାମୀ ବିଶ୍ୱ ଦିବସ କୁ ସବୁ ବର୍ଗ ର ଲୋକ ଙ୍କୁ ରେକର୍ଡ ସଂଖ୍ୟା ରେ ଯୋଡ଼ି ମହା ସମାରୋହ ରେ ପାଳନ କରିବାକୁ ଓ ଏହା କୁ ବ୍ୟାପକ କରିବାକୁ ଆଜି ଏହି ଉତ୍ସବ ରେ ଯୋଜନା ପ୍ରସ୍ତୁତି କରାଯାଇଛି। ଆଜି ର ଏହି ପ୍ରଶିକ୍ଷଣ ଶିବିର ଓ ଜୁନ୍ ୨୧ ରେ ପାଳନ ହେବାକୁ ଥିବା ବିଶ୍ଵ ଯୋଗ ଦିବସ ପାଇଁ ଆଜିର ଏଇ ପ୍ରସ୍ତୁତି ବୈଠକ ରେ ମୁଖ୍ୟ ଅତିଥି ଭାବେ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ବୀର ମହାରାଜ ବିଧାୟକ ଶ୍ରୀ ରଘୁନାଥ ଜଗଦଲା ଉପସ୍ଥିତ ରହି ନିଜର ଜୀବନକୁ ସୁନ୍ଦର ଓ ସ୍ୱାସ୍ଥ୍ୟବାନ ହେବାକୁ ପ୍ରତି ବ୍ୟକ୍ତି ପ୍ରତି ଦିନ ଯୋଗ ପ୍ରାଣାୟମ ଆପଣେଇବାକୁ ପଡିବ ବୋଲି  କହିଥିଲେ l  ଜୁନ ୨୧ ଆଗାମୀ ବିଶ୍ୱ ଯୋଗ ଦିବସ କୁ ଭବ୍ୟ ଓ ଯୋଗମୟ ଜିଲ୍ଲା କରିବାକୁ  ସମସ୍ତ ଙ୍କୁ ଅନୁରୋଧ କରିଥିଲେ। ସମ୍ମାନିତ ଅତିଥି ଭାବରେ ଜିଲ୍ଲା କ୍ରୀଡା ଅଧିକାରୀ ଚିତ୍ତ ରଞ୍ଜନ ମିଶ୍ର ପ୍ରତି ଯୁବ ବର୍ଗ ଙ୍କୁ ଯୋଗ ରେ ଯୋଡିବାକୁ ପରାମର୍ଶ  କରିଥିଲେ। ସଭା ଶେଷରେ ଶ୍ରୀ ଗୋପାଳ ଜି ଯୋଗାଳୟ ର ବରିଷ୍ଠ ଯୋଗୀ ନିରଞ୍ଜନ ତ୍ରିପାଠୀ ଯୋଗ ର ପ୍ରଚାର ପ୍ରସାର ର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ। ଶେଷରେ ଦିବ୍ୟ ଉର୍ଜା ଯୋଗ ସମିତି ଓ ଦିବ୍ୟ ଶକ୍ତି ମହିଳା ଯୋଗ ସମିତି ତରଫରୁ  ଯୋଜନା ବୋର୍ଡ ଅଧକ୍ଷ୍ୟ ଶ୍ରୀ ଜଗଦଲା ଙ୍କୁ  ନୂତନ ଯୋଗ ମଣ୍ଡପ ପ୍ରତିଷ୍ଠା ପାଇଁ ଏକ ଦାବିପତ୍ର ପ୍ରଦାନ କରିଥିଲେ। ସୁବର୍ଣ୍ଣପୁର ଜିଲ୍ଲାର ମୁଖ୍ୟ ଯୋଗ ପ୍ରଶିକ୍ଷକ ତଥା ସମାଜ ସଂସ୍କାରକ ଶ୍ରୀ ମନୋଜ ପଣ୍ଡା ,  ଯୋଗ ସାଧିକା ଅର୍ଚନା ମିଶ୍ର ଓ ଦେବ ରଞ୍ଜନ ତ୍ରିପାଠୀ ସମସ୍ତ ଙ୍କୁ ଯୋଗ ପ୍ରୋଟୋକଲ ଉପରେ ପ୍ରଶିକ୍ଷଣ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମ କୁ ଦିବ୍ୟ ଉର୍ଯ୍ୟl ଯୋଗ ସମିତି ସଂପାଦକ ଶ୍ରିଁବନ୍ତ ମିଶ୍ର,  ଜ୍ଞାନ ରଞ୍ଜନ ମିଶ୍ର, ମନ ରଞ୍ଜନ ମିଶ୍ର, ପର୍ଶୁରାମ ବଡ଼ମାଳୀ, ଉମାକାନ୍ତ ମେହେର, ଆରତୀ ଖମାରୀ, ରୁକ୍ମିଣୀ ମେହେର ପ୍ରମୁଖ ସହଯୋଗ କରିଥିଲେ। ଯୋଗ ସମିତିର ସମସ୍ତ କାର୍ଯ୍ୟକର୍ତ୍ତା ଏହି କାର୍ଯ୍ୟକ୍ରମ ରେ ଯୋଗ ପ୍ରଶିକ୍ଷଣ ନେଇଥିବା ବେଳେ ମହିଳା ଯୋଗ ସମିତି ର ଯୋଗ ସଂଯୋଜିକା ଅନିତା ମେହେର ଓ ଲଷ୍ମୀ ପ୍ରିୟା ମେହେର ଧନ୍ୟବାଦ ଅର୍ପଣ କରିଥିଲେ।