26-Apr-2026

ଭୁବନେଶ୍ଵର(ପ୍ରେରଣା ଖବର): ବଲାଙ୍ଗୀର ଜିଲ୍ଲାର ଅଗଣୀ ସାଂସ୍କୃତିକ ଅନୁଷ୍ଠାନ କଳାଶ୍ରୀ ଆର୍ଟ ଏକାଡେମୀ ଆନୁକୂଲ୍ୟରେ ଉନବିଂଶ ସର୍ବଭାରତୀୟ ଯୋଗିନୀ ମହୋତ୍ସବ "ଝରିଏଲ୍" ଭୁବନେଶ୍ଵର ଜୟଦେବ ଭବନ ପ୍ରେକ୍ଷାଳୟ ଠାରେ  ମହାସମାରୋହରେ ପାଳିତ ହୋଇ ଯାଇଛି। ଏହା  ୨୩ ତାରିଖ ସକାଳ ୧୦ ଘଟିକା ସମୟରେ ଗାୟକ ଆଲ୍ହାଦ ସୁରେନ୍ଦ୍ର ଛୋଟରାୟଙ୍କ ଦ୍ୱାରା ଶୁଭାରଂଭ ହୋଇ ରାତ୍ରି ୯ ଟା ପର୍ଯ୍ୟନ୍ତ ଚାଲିଥିଲା। ପ୍ରତିଷ୍ଠାତା ନିର୍ଦ୍ଦେଶକ ଗୁରୁ ଆଲୋକ ଦାସ ଏବଂ  ସଭାପତି ଶ୍ରୀମତୀ ମୀରା ପଣ୍ଡାଙ୍କ ପ୍ରଚେଷ୍ଟାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଓଡ଼ିଶୀ ନୃତ୍ୟ ଭକ୍ତି ସଂଗୀତ, ଶାସ୍ତ୍ରୀୟ ସଂଗୀତ, ଶାସ୍ତ୍ରୀୟ ନୃତ୍ୟ କାର୍ଯ୍ୟକ୍ରମ ପରିବେଷଣ ସହିତ ବିଶିଷ୍ଠ ବ୍ୟକ୍ତିମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଭୁବନେଶ୍ୱର ଵିଧାୟକ ବିଧାୟକ ଅନନ୍ତ ନାରାୟଣ ଜେନା, ବରିଷ୍ଠ ପ୍ରଶାସକ ଅରବିନ୍ଦ ବେହେରା, ମାନସ ରଞ୍ଜନ ରାୟ, ଡ. ସୁଶୀଳ ପଟ୍ଟନାୟକ, ନିରଞ୍ଜନ ସାହୁ ଅତିଥି ଭାବେ ଯୋଗ 

ଦେଇ କାର୍ଯ୍ୟକ୍ରମର ସଫଳତା କାମନା କରି  ଝରିଏଲ୍ ମହୋତ୍ସବ ଆୟୋଜନ ଦ୍ୱାରା ନୂତନ କଳାକାର ସୃଷ୍ଟି ହେବା ସହିତ କଳା ସଂସ୍କୃତିର ପ୍ରଚାରପ୍ରସାର ଲାଭ କରିବ  ବୋଲି ମତ ଦେଇଥିଲେ। ସମ୍ବର୍ଦ୍ଧନା  ପର୍ବରେ ସଙ୍ଗୀତଜ୍ଞ ଗୁରୁ ଉମେଶ ଚନ୍ଦ୍ର ଦାସ, ଶିକ୍ଷାବିତ ତଥା କଳାକାର ପ୍ରେମଚାନ୍ଦ ମହାନ୍ତି, ସମାଜସେବୀ ମନୋଜ ଜେନା, କବି ମନୋଜ ମହାନ୍ତିଙ୍କୁ ମାନପତ୍ର ପ୍ରଦାନ ସହିତ ସମ୍ବର୍ଦ୍ଧିତ କରା ଯାଇଥିବା ବେଳେ ଗୁରୁ ସ୍ଵର୍ଗତ ହରେକୃଷ୍ଣ ପାଢ଼ିଙ୍କୁ ମରଣୋତ୍ତର ଭାବରେ ନୃତ୍ୟ ବିଭୁତି ସମ୍ମାନ ପ୍ରଦାନ କରା ଯାଇଥିଲା। ଶାସ୍ତ୍ରୀୟ ଯନ୍ତ୍ର ସଙ୍ଗୀତ ସୀତାର ବାଦନ କରି ଥିଲେ ବରିଷ୍ଠ ସୀତାର ବାଦକ ସୁବୀର କୁମାର ମିତ୍ର, ଶାସ୍ତ୍ରୀୟ ଯନ୍ତ୍ର ସଂଗୀତ ଯୁଗଳ ବନ୍ଦୀ ପରିବେଷଣ କରିଥିଲେ ଗୁରୁ ଜୀବନ ପ୍ରକାଶ ଦାସ ସିତାର୍ ଏବଂ ଡ ସନ୍ଦୀପ କୁମାର ରାଉତ ସରୋଦ ଏବଂ  ତବଲାରେ ଗୁରୁ ସୁରେଶ କୁମାର ବେହେରା, ନିତ୍ୟାନନ୍ଦ ଗୁରୁ, ଲଳିତ କର ସହଯୋଗ କରିଥିଲେ। ଭକ୍ତି ସଙ୍ଗୀତ ପରିବେଷଣ କରିଥିଲେ ମଧୁମିତା ମିତ୍ର,ଲୋକନାଥ ମହାନ୍ତି, 

ସରସ୍ଵତି ପ୍ରଧାନ,  ସଂଘମିତ୍ର। ବେହୁରା, ପ୍ରତୀଭା ପୃଷ୍ଟି, ଶିଳା ପରିଡ଼ା, ସଂଘମିତ୍ରା ନାୟକ, କଳ୍ପନା ବିଶ୍ୱାଳ, ଅନାମିକା ସ୍ୱାଇଁ ପଟ୍ଟନାୟକ, ସ୍ପନ୍ଦନିକା ପଟ୍ଟନାୟକ, ଲିପିକା ସାମଲ, ଆଦ୍ୟାଶା ପ୍ରିୟଦର୍ଶନୀ, ଗୁରୁ ନାରାୟଣ ଦାସ, ଚିତ୍ତରଞ୍ଜନ ମହାପାତ୍ର,  ଏବଂ ଶିଶୁଶିଳ୍ପୀ ସାର୍ଥକ ସାହୁ, ଇତିଶ୍ରୀ ଜେନା, ସାନଭି ସନୟା ନାୟକ, ଦିବ୍ୟଜ୍ୟୋତି ମିଶ୍ର, ଓ ସ୍ଵରିତ୍ ଦାସ। ଓଡ଼ିଶୀ ନୃତ୍ୟ ପରିବେଷଣ କରିଥିଲେ ପ୍ରିୟଙ୍କା ରୁଦ୍ରାଂଶୀ ଏବଂ ଉତ୍କଳିକା ଅନୁଷ୍ଠାନର ଶିଳ୍ପୀ ମାନେ। ଯନ୍ତ୍ର ସଂଗତରେ ପ୍ରଫୁଲ୍ଲ ସାହୁ, ଗୁରୁ ନାରାୟଣ ଦାସ, ହରୀହର ଜେନା ଓ ପ୍ରଦୋଷ ଜେନା। ଏହି କାର୍ଯ୍ୟକ୍ରମକୁ ନୃତ୍ୟଗୁରୁ ପ୍ରଶାନ୍ତ କୁଅଁର, ଜଗଦିଶ ଚନ୍ଦ୍ର ସାହୁ, ଡମ୍ବରୁଧର ଦାସ ଏବଂ   ସଙ୍ଗୀତଜ୍ଞ ଲୋକନାଥ ମହାନ୍ତି ପରିଚାଳନା କରିଥିଲେ।