26-Apr-2026

ବଲାଙ୍ଗୀର/ଦେଓଗାଁ(ପ୍ରେରଣା ଖବର): ଆଜି ପୂର୍ବତନ ଆଇନ ମନ୍ତ୍ରୀ ନରସିଂହ ମିଶ୍ର ଦେଓଗାଁ ବ୍ଲକ ସ୍ଥିତ ହାତୀସରା ପଂଚାୟତ ର ନାଇକେନସିରା ଗାଁ ଗସ୍ତରେ ଯାଇ ସେଠାରେ କିଛି ଧାର୍ମିକ ସହ ସାମାଜିକ କାର୍ଯ୍ୟକ୍ରମରେ ଯୋଗ ଦେଇଥିଲେ l ଏ ଅବସରରେ ସ୍ଥାନୀୟ ଲୋକେ ଗାଁ ର ବିଭିନ୍ନ ସମସ୍ୟା ସମ୍ପର୍କ ରେ ଶ୍ରୀ ମିଶ୍ରଙ୍କୁ ଅବଗତ ଜରିଥିଲେ l 
 ବିଶେଷ କରି ଗ୍ରୀଷ୍ମର ପ୍ରକୋପ ଚରମ ସୀମାରେ ଥିବା ବେଳେ, ପିଇବା ପାଣିର ଘୋର ଅଭାବ ନାଇକେନସିରା ଲୋକଙ୍କ ସମସ୍ୟାକୁ ଦ୍ୱଗୁଣିତ କରିଦେଉଛି, ଯଦି ଏହି ସମସ୍ୟା ର ଶୀଘ୍ର ସମାଧାନ ନ ହୁଏ ତେବେ ଏ ଅଞ୍ଚଳର ଲୋକେ ଏବଂ ଗୃହପାଳିତ ପଶୁ ମାନେ ପାଣିର ଅଭାବରେ ଅଭାବନୀୟ ପରିସ୍ଥିତିର ସମ୍ମୁଖୀନ ହେବେ ବୋଲି ଲୋକେ ଅଭିଯୋଗ କରିଥିଲେ l 
ଶୀଘ୍ର ଏକ ଡିପ୍ ବୋରୱେଲ୍ ସହ ଓଭରହେଡ଼ ଟାଙ୍କି ମାଧ୍ୟମରେ ପାଣି ଲୋକଙ୍କ ପାଖକୁ ପହଞ୍ଚି ପାରିଲେ ହିଁ ଲୋକେ ପାଣିର ଅଭାବ ରୁ ତ୍ରାହି ପାଇବେ ବୋଲି ଶ୍ରୀ ମିଶ୍ର ଙ୍କ ଆଗରେ ଗୁହାରି କରିଥିଲେ l ତl ସହ ଫୋନ ନେଟୱାର୍କ ପାଇଁ ମଧ୍ୟ ପିଲାମାନଙ୍କ ପଠାପଢାରେ ଅସୁବିଧା ହେଉ ଥିବା ଶ୍ରୀ ମିଶ୍ରଙ୍କ ଦୃଷ୍ଟିକୁ ଅଣାଯାଇଥିଲା l ଏସମସ୍ତ ଅଭିଯୋଗ ଶୁଣିବା ପରେ ଶ୍ରୀ ମିଶ୍ର ପିଇବା ପାଣି ସମସ୍ୟା ଏକ ବହୁ ଗୁରୁତର ସମସ୍ୟା ଏହାର ତୁରନ୍ତ ସମାଧାନ ପାଇଁ ବିଭାଗୀୟ ଯନ୍ତ୍ରୀଙ୍କ ସହ ଆଲୋଚନା କରି  ସମାଧାନ ଦିଗରେ ତୁରନ୍ତ ପଦକ୍ଷେପ ନେବେ ବୋଲି ପ୍ରତିଶୃତି ଦେଇଥିଲେ l 
ଆଜିର ଆଲୋଚନା ବେଳେ ଶ୍ରୀ ମିଶ୍ରଙ୍କ ସହ ସ୍ଥାନୀୟ ସମିତି ସଭ୍ୟସପପୁ ପାତ୍ର, ରଙ୍କ ବେହେରା, କାଲିଆ ଡାଙ୍ଗ, ଚକ୍ର ମେହେର, ରଂଜନ କୁଦେଇ, ସହଦେଵ ପରୁଆ, ଗୋବିଙ୍ଗ ଦାସ, ସାନ ଅଦାବରିଆଙ୍କ ସମେତ ଗାଁ ର ବହୁ ଲୋକ ଉପସ୍ଥିତ ଥିଲେ l