21-Apr-2026

ସୋନପୁର (ମନୋରଞ୍ଜନ ତ୍ରିପାଠୀ )
 ସୁବର୍ଣ୍ଣପୁର ଜିଲ୍ଲା କ୍ରୀଡା ସଂଘ ପକ୍ଷରୁ  ଜିଲ୍ଲା ପ୍ରଶାସନ ଓ ଜିଲ୍ଲା କ୍ରୀଡା ବିଭାଗ ସହଯୋଗରେ ୧୪ ବର୍ଷ ରୁ କମ "ମୂଖ୍ୟ ମନ୍ତ୍ରୀ ଟ୍ରଫି" ଅନ୍ତଃ କ୍ଳବ ଓ ଅନ୍ତଃ ଜିଲ୍ଲା କବାଡି,ଖୋ ଖୋ, ଭଳିବଲ ଚାମ୍ପିୟନସିପ -୨୦୨୬ ଉଦଘାଟିତ ହୋଇଯାଇଛି। ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ (ରାଜସ୍ଵ) ରାଜେନ୍ଦ୍ର ମାଝି, ଅତିରିକ୍ତ ଜିଲ୍ଲାପାଳ (ସାଧାରଣ) ଅଞ୍ଜଳିନା ପ୍ରଧାନ ଏହି ଟ୍ରଫି କୁ ଉଦଘାଟନ କରିଥିବା ବେଳେ ସମ୍ମାନିତ ଅତିଥି ଭାବେ ପୌରପରିଷଦ ଅଧ୍ୟକ୍ଷା ତାମସୀ ତାମସ୍ମିତା ନାଏକ, ଜିଲ୍ଲା କ୍ରୀଡା ଅଧିକାରୀ ଚିତ୍ତରଞ୍ଜନ ମିଶ୍ର, କ୍ରୀଡ଼ାବିତ୍ ଗୋରେଖନାଥ ସାହୁ,କଇଁରୁ ସ୍ଵାଇଁ, ରାମକୁମାର ସାହୁ, ସାଂସଦ ପ୍ରତିନିଧି ସ୍ଵରୂପ ପାତ୍ର , କ୍ରୀଡ଼ାବିତ୍ ଚିତ୍ତରଞ୍ଜନ ତରାସିଆ, ଆଦିତ୍ୟ କିଶୋର ଦାନୀ, ଗଣେଶ ମେହେର, କାଉନସିଲର ଗଙ୍ଗା ତରିଆ,ସୁକାନ୍ତ ସାହୁ, ରାମଧୂନ କ୍ଳବର ଶେଷଦେବ ମେହେର ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ। ଏହି ସଭାକୁ ପିୟୁଷ ପଣ୍ଡା ଓ ସଞ୍ଜୟ ସାହୁ ସଂଯୋଜନା କରିଥିଲେ। ଜିଲ୍ଲା ର ୬ଟି ବ୍ଲକର ଭଲିବଲ, କବାଡି ,ଖୋ ଖୋ ରେ ତିନି ଗୋଟି ଇଭେଣ୍ଟ ରେ ବାଳକ ବାଳିକା ବିଭାଗ ର ଦୁଇଟି ଲେଖାଏଁ ଟିମ୍ , ସମୁଦାୟ ୩୬ ଗୋଟି ଟିମ୍ ଭାଗ ନେଇଥିଲେ। ଓ ପୌରପରିଷଦ ରୁ ସାତ ଗୋଟି ଟିମ୍ ସହିତ ସମୁଦାୟ ୪୩ଗୋଟି  ଟିମ୍ ଆଜିର ସିଏମ ଟ୍ରଫି ରେ ଭାଗ ନେଇଥିଲେ। ପି ଇଟି ସଞ୍ଜୟ ସାହୁ,ଭୁକୁଲୁ ବକ୍ସି , ରାଜେଶ ଥନାପତି,କଲିମ ମହମ୍ମଦ, ବିପ୍ରଚରଣ ପେରା , ସଂଧ୍ୟାରାଣୀ କ୍ଷେତି,ସଞ୍ଜିବ ସାହୁ, ପ୍ରତିଭା ଭୋଇ, ଶେଷଦେବ ପ୍ରଧାନ, ଅଭିନନ୍ଦନ୍ ପୂଜାରୀ, ଯଶୋବନ୍ତ ପୁଟେଲ୍,ଜଗନ ସେନାପତି ଖେଳ ପରିଚାଳନା କରିଥିଲେ। ଭଲିବଲ୍ ବାଳକ ରେ ଆରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର ଚାମ୍ପିଅନ, ରନର୍ସ୍ ଅଫ କେନ୍ଦ୍ରୟ ବିଦ୍ୟାଳୟ ସୋନପୁର , ବାଳିକା ଭଲିବଲ୍ ରେ ସରକାରୀ ବାଳିକା ହାଇସ୍କୁଲ ତରଭା ଚାମ୍ପିଅନ , ବାଳକ କବାଡ଼ି ରେ ହାଇସ୍କୁଲ ମେଘେଲା ବିଜେତା, ଉପ ବିଜେତା ରେ ସାଇ କୃପା ଶିକ୍ଷା ନିକେତନ ସୋନପୁର, ବାଳିକା କବାଡ଼ି ରେ ସରକାରୀ ବାଳିକା ହାଇସ୍କୁଲ ତରଭା ଚାମ୍ପିଅନ, ଉପ ବିଜେତା ସୋନପୁର ବ୍ଳକ , ଖୋ ଖୋ ବାଳକ ସାଇ କୃପା ଶିକ୍ଷା ନିକେତନ ବିଜେତା ଓ ଉପ ବିଜେତା ସୋନପୁର ବ୍ଳକ, ଖୋ ଖୋ ବାଳିକା ରେ ସରକାରୀ ବାଳିକା ହାଇସ୍କୁଲ ତରଭା, ଉପ ବିଜେତା ସୋନପୁର ବ୍ଳକ, ଅତିଥି ମାନଙ୍କ ଠାରୁ ପୁରଷ୍କୃତ ହୋଇଥିଲେ l ଓ ଆଜି ମନୋନୀତ ହୋଇ ଏଇ ଖେଳାଳି ମାନେ ଜିଲ୍ଲା ସ୍ତରୀୟ ଖେଳ ପ୍ରତିଯୋଗିତା ରେ ଭାଗ ନେବେ ବୋଲି କ୍ରୀଡା ସଂଘ ପକ୍ଷରୁ ସୂଚନା ମିଳିଛି l କ୍ରୀଡା ସଂଘର ସଭ୍ୟ ବିକାଶ ପଣ୍ଡା, ଜିଲୁ ସାହୁ , ଚନ୍ଦନ ସାହୁ,ବୁବୁନ ନାଏକ, ବିକାଶ ପାଢୀ, ଚୈତ୍ୟନ୍ୟ ନାଏକ, ନେପାଲ ଦାଣ୍ଡିଆ, ସୋମନାଥ ସାହୁ, ସୋମନାଥ ମିଶ୍ର, ପ୍ରମୁଖ ସମସ୍ତ ସଦସ୍ୟ ସହଯୋଗ କରିଥିଲେ।