06-Feb-2021

ମୁମ୍ବାଇ (ପ୍ରେରଣା ଖବର ବ୍ୟୁରୋ): ମୁମ୍ବାଇ ନେସନାଲ୍ ଆୱାର୍ଡ ଜିତିଥିବା ଅଭିନେତ୍ରୀ ଶ୍ଵେତା ବସୁ ପ୍ରସାଦ ନିକଟରେ ମୁମ୍ବାଇ ର ରେଡ୍ ଲାଇଟ୍ ଏରିଆରେ ପହଁଞ୍ଚିଛନ୍ତି । ଯାହାର ଏକ ଫଟୋ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଫଟୋରେ ସେ ଦୁଇଜଣ ସ୍ତ୍ରୀ ଲୋକମାନଙ୍କ ସହିତ ଦେଖା ଯାଉଛନ୍ତି । ଏହି ଦୁଇଜଣ ମହିଳା ତାଙ୍କ ଚେହେରା ରେ ଓଢଣୀ ଘୋଡାଇ ରଖିଛନ୍ତି ଏବଂ ଶ୍ଵେତା ତାଙ୍କ ପାଖରେ ବସିଛନ୍ତି । ଆପଣ ଭାବୁଥିବେ ଶ୍ଵେତା ରେଡ୍ ଲାଇଟ୍ ଏରିଆରେ କଣ କରୁଛନ୍ତି ।

ବାସ୍ତବରେ, ଶ୍ଵେତା ବସୁ ପ୍ରସାଦ ଖୁବଶୀଘ୍ର ଫିଲ୍ମ ଇଣ୍ଡିଆ ଲକଡାଉନ୍ ରେ ନଜର ଆସିବେ । ଏହି ଫିଲ୍ମ ରେ ସେ ଏକ ସେକ୍ସ ୱାର୍କର ର ଭୂମିକା ଗ୍ରହଣ କରୁଛନ୍ତି । ଏହି ଚରିତ୍ରକୁ ସଠିକ ଭାବରେ କରିବା ପାଇଁ ଶ୍ଵେତା ମୁମ୍ବାଇର ରେଡ୍ ଲାଇଟ୍ ଏରିଆର ଦ୍ୱାରସ୍ଥ ହୋଇଥିଲେ ଏବଂ ଏଥିପାଇଁ ସେକ୍ସ ୱାର୍କରଙ୍କ ସହିତ ଅନେକ ସମୟ ଧରି କଥା ମଧ୍ୟ ହୋଇଥିଲେ । ଏହି ଚରିତ୍ରର ନାମ ଏହାର ନିର୍ଦେଶକ ମଧୁର ଭଣ୍ଡାରକର ମେହଋନିସା ରଖିଛନ୍ତି । ଚରିତ୍ର ର ଗମ୍ଭୀରତା କୁ ବୁଝିବା ପାଇଁ ଭଣ୍ଡାରକର ଏବଂ ଶ୍ଵେତା ମୁମ୍ବାଇର ରେଡ୍ ଲାଇଟ୍ ଏରିଆ, କମାଠିପୁରା ଯିବାକୁ ନିଷ୍ପତି ନେଇଥିଲେ । ଏହା ଦ୍ୱାରା ଦୁଇଜଣ ସେଠାକାର ଜଣେ ଅସଲି ମେହଋନିସା ସହିତ ଦେଖା କରିଥିଲେ ।

ରେଡ୍ ଲାଇଟ୍ ଏରିଆ କୁ ଯିବାର ଅନୁଭବ ସେୟାର କରି ଶ୍ଵେତା କହିଛନ୍ତି , ମୁଁ ଯେଉଁ ଚରିତ୍ର ଗ୍ରହଣ କରିଛି ତାହା ବାସ୍ତବିକ ଅଟେ ଏବଂ ମୁଁ ଏଥିରେ ବୁଡ଼ିବାକୁ ଚାହୁଁଛି । ଯେ ପର୍ଯ୍ୟନ୍ତ ମୁଁ ଏହା ନ କରି ପାରିଛି, ସେପର୍ଯ୍ୟନ୍ତ ମୁଁ ଦର୍ଶକଙ୍କୁ ଏହାର ନିକଟତର କରିପାରିବିନି । ଫିଲ୍ମ ର ନିର୍ଦେଶକ ଙ୍କୁ ଏହା ଲାଗୁଥିଲା ଏହି ଚରିତ୍ର ଅନୁଯାଇ ମୋର କଥା କହିବା ଶୈଳୀ ବହୁତ ନରମ ଏବଂ ସଭ୍ୟ । ନିର୍ଦେଶକ ମଧୁର ଭଣ୍ଡାରକର ଙ୍କ ସହିତ କମାଠିପୁରା ଯିବାର ମୁଖ୍ୟ ଉଦେଶ୍ୟ ଥିଲା ସେଠାକାର ସେକ୍ସ ୱାର୍କରଙ୍କର କହିବା ଶୈଳୀକୁ ବୁଝିବା ।

ଶ୍ଵେତାଙ୍କୁ ପଚରା ଯାଇଥିଲା ଏମିତି ଜାଗାକୁ ଯିବା ପାଇଁ କଣ ଆପଣଙ୍କୁ କୌଣସି ପ୍ରକାର ସଙ୍କୋଚ କିମ୍ବା ଡର ଲାଗିଥିଲା କି ? ଉତ୍ତରରେ ଅଭିନେତ୍ରୀ କହିଛନ୍ତି- ମୁଁ ସାମ୍ବାଦିକତା ର ଛାତ୍ରୀ ଅଟେ ଏବଂ ଏହି ସବୁ ଜିନିଷକୁ ମୁଁ ଦେଖିଛି ମଧ୍ୟ । ସେଠାକୁ ମୋର ଯିବା ମୋ କାମ ସହିତ ସମ୍ବନ୍ଧିତ ଥିଲା । କିନ୍ତୁ ସଂକୋଚ ଏବଂ ଭୟ କେବଳ ଏଥିପାଇଁ ଲାଗୁଥିଲା , ଜଣା ଅଜଣାତରେ ମୁଁ କିଛି ଏମିତି ଅନୁଚିତ କଥା କହି ନଦିଏ ଯାହାଦ୍ୱାରା ତାଙ୍କୁ ଖରାପ ଲାଗିବ ।

ନିଜର ଅଭିନୟକୁ ଆହୁରି ସୁନ୍ଦର କରିବାପାଇଁ ଶ୍ଵେତା ପୁରୁଣା ହିନ୍ଦୀ ଫିଲ୍ମ ଦେଖୁଛନ୍ତି । ସେ ମଧୁରଙ୍କର ତିଆରି ଫିଲ୍ମ ରେ ତବୁଙ୍କ ଫିଲ୍ମ ଚାନ୍ଦିନୀ ବାର, କରିନା କପୁର ଙ୍କର ଚମେଲୀ ଏବଂ କୋଙ୍କଣା ସେନଶର୍ମା ଙ୍କ ଟ୍ରାଫିକ୍ ସିଗ୍ନାଲ ଦେଖି ସାରିଛନ୍ତି । ସୂଚନା ଅନୁସାରେ, ୨୦୧୪ ମସିହାରେ ହାଇଦ୍ରାବାଦ ର ‘ବଂଜାରା ହିଲ୍ସ’ ରେ ଚାଲୁଥିବା ସେକ୍ସ ରାକେଟରେ ଶ୍ଵେତା ବସୁ ପ୍ରସାଦଙ୍କ ନାମ ଆସିଥିଲା